Zakariya 7:12 - Xitsonga (Bibele)

¹² Timbilu ta vona va ti hundzule dayimani, leswaku va nga twi nawu ni marito ya Yehovha wa tinyimpi lawa a va rhumeleke wona hi vaprofeta vo rhanga, hi Moya wa yena. Kutani ku humelela ku kariha lokukulu ka Yehovha wa tinyimpi.

BIBELE Mahungu Lamanene

¹² va nonon'hwisa ni timbilu ta vona ti fana ni maribye. A va swi lavanga ku twa milawu ni marito ya HOSI ya matimba hinkwawo, hambileswi yi va rhumeleke swona hi Moya wa yona lowu fambiseke vaprofeta lavo rhanga. Hikokwalaho, HOSI ya matimba hinkwawo yi va hlundzukerile ngopfu,

Zakariya 7:12 Referans Kwoze

Ezekiele 11:19

Ndzi ta va nyika mbilu yi ri yin'we, ndzi nghenisa endzeni ka vona moya lowuntshwa; ndzi ta susela emimirini ya vona timbilu ta maribye, ndzi va nyika timbilu ta nyama,

2 TIKRONIKA 36:16

Kambe a va rhukana tintsumi ta Xikwembu, va sandza marito ya xona, va hleka vaprofeta va xona, vukari bya Yehovha byi ko byi pfuka tiko ra yena swonghasi leswaku ku nga ha vi na ku ponisiwa.

Timhaka 28:27

hikuva mbilu ya tiko leri, yi nonisiwile tindleve ta rona ta nonon'hwa ku yingisa, ri swinyile mahlo leswaku ri nga ti vona hi mahlo, ri nga ti twa hi tindleve, ri nga ti swi twa hi mbilu, ri nga ti hundzuka, kutani ndzi nga ti ri hanyisa.’

Ezekiele 36:26

Ndzi ta mi nyika timbilu letintshwa, ndzi veka endzeni ka n'wina moya lowuntshwa, ndzi susa enyameni ya n'wina timbilu ta maribye, ndzi mi nyika timbilu ta nyama.

Pisalema 50:17

Wena la vengaka ku layiwa, La cukumetaka marito ya mina endzhaku ka wena!

Marka 4:12

swi ri leswaku hambi ku ri ku vona, va vona, kambe va nga vonisisi; hambi ku ri ku yingisa, va yingisa, kambe va nga twisisi; leswaku va nga tshuki va hundzuka, kutani va rivaleriwa swidyoho.”

Matewu 13:15

Hikuva timbilu ta tiko leri ti nonile, ni tindleve ta vona va ti nonon'hwisile, ni mahlo ya vona va ma pfarile, leswaku va nga tshuki va vona hi mahlo, ni ku yingisa hi tindleve, ni ku twisisa hi timbilu, ni ku hundzuka leswaku ndzi nga ti tshuka ndzi va hanyisa.’

Ezekiele 2:4

I vana lava tiarisaka, lava nga ni timbilu leti nonon'hwaka; ndza ku rhuma eka vona, u ta va byela, u ku: ‘Hosi Yehovha u ri.’

Esaya 6:10

Nonon'hwisa timbilu ta tiko leri, u siva tindleve ta rona u dlaya mahlo ya rona, leswaku ri nga voni hi mahlo, ri nga twi hi tindleve, kutani ri nga hundzuki, leswaku ri nga horisiwi.”

2 Petro 1:21

Hikuva vuprofeta a byi tisiwanga hi ku rhandza ka munhu ni siku ni rin'we, kambe vanhu va Xikwembu lava hlawuriweke va vurile va ri karhi va susumetiwa hi Moya lowo Kwetsima.

Luka 8:12

Lava nga endleleni, hi lava yingisaka; endzhaku, Diyavulosi a ta, a teka rito etimbilwini ta vona leswaku va nga tshuki va pfumela, va hlayiseka.

Zakariya 7:7

Xana a mi tsundzuki marito lawa Yehovha a nga vulavula hi vaprofeta vo sungula, loko muti wa Yerusalema, wa ha akiwile wu tshamile hi ku rhula, miti ya wona yi ri matlhelo ya wona, tiko leri nga edzongeni ni banyi swa ha akiwile xana?”

Yeremiya 26:19

Xana Hezekiya, hosi ya Yuda, ni tiko ra Yuda hinkwaro, va tshama va n'wi dlaya-ke? Xana a nga chavanga Yehovha, a khongela hi matimba emahlweni ka Yehovha, kutani Yehovha a hundzukile eka swo biha leswi a swi vuleke hikwalaho ka vona xana? Loko hi ri hina, a hi ta endlela mimoya ya hina leswo biha ngopfu.”

Yeremiya 17:1

“Xidyoho xa Yuda xi tsariwile hi rinhi ra nsimbhi, hi dayimani leyo kariha; xi tsariwile etimbilwini ta vona, ni le timhondzweni ta tialitari ta vona.

Yeremiya 5:3

Oho Yehovha! Xana mahlo ya wena a ma tivi ku lulama-ke? Wa va ba, kambe a va twi ku vavisa; wa va herisa, kambe va ala ku amukela ku layiwa; va tinonon'hwisile mimombo ya vona ku tlurisa ribye, kutani va ala ku hundzuka.

Esaya 48:4

Hikuva a ndzi swi tiva leswaku wa nonon'hwa, ni leswaku nhamu ya wena yi fana ni nhonga ya nsimbhi; ni mombo wa wena, ni koporo,

Ntirho 9:4

Vutlhari ni matimba hinkwawo swi na xona: I mani la nga kanetanaka na xona, a vuya a hanya?

2 TIKRONIKA 36:13

A va a xandzukela hosi Nebukadnetsara leyi n'wi hlambanyiseke hi vito ra Xikwembu; kutani a nonon'hwisa nhamu ya yena, a nonon'hwisa ni mbilu ya yena, a nga ti tshuka a tlhelela eka Yehovha Xikwembu xa Israele.

Esaya 46:12

“Ndzi yingiseni, n'wina vanhu va timbilu leto nonon'hwa, lava nga ekule ni leswo lulama!

Ezekiele 14:5

leswaku ndzi phasa hi timbilu ta vona va yindlu ya Israele lava ndzi fularheleke ku ya eka swikwembu swa vona.

Eksoda 7:13

Kambe mbilu ya Faro yi nonon'hwa, kutani a nga va yingisanga, hilaha Yehovha a nga vula hakona.

Esaya 65:12

ndzi mi nyiketa tlhari, kutani mi ta khinsama hinkwenu ku tlhaviwa, hikuva ndzi vitanile kasi a mi hlamulanga, ndzi vulavurile, kasi a mi yingisanga; kambe mi endlile leswi biheke emahlweni ka mina, mi titsakele eka leswi ndzi nga swi rhandziki.”

Yeremiya 7:20

Hikwalaho, ku vula Hosi Yehovha: Langutani, vukari bya mina ni ku holova ka mina ku ta halatiwa endhawini leyi ehenhla ka vanhu, ni tihomu, ni mirhi ya tiko, ni mihandzu ya misava; kambe ka ha ta hisa, ku nga ka ku nga timiwi.”

Yeremiya 17:23

Kambe a va yingisanga, a va rhiyanga tindleve kambe va ti nonon'hwisile tinhamu, leswaku va nga yingisi, ni leswaku va nga amukeri dyondzo.

Yeremiya 42:21

Kunene ndzi mi tivisile swona namuntlha kambe a mi yingisi rito ra Yehovha, Xikwembu xa n'wina, ni hinkwaswo leswi a ndzi rhumeleke swona eka n'wina.

Zakariya 1:2

“Yehovha u karihele vatata wa n'wina hi ku kariha lokukulu.