Zakariya 7:11 - Xitsonga (Bibele)

¹¹ Kambe va arile ku yingisa, va nonon'hwisa makatla ya vona, va pfala tindleve ta vona, leswaku va nga twi.

BIBELE Mahungu Lamanene

¹¹ Kambe vanhu va arile ku yingisa switsundzuxo leswi: Va swi be hi makatla, va tisiva tindleve leswaku va nga swi twi,

Zakariya 7:11 Referans Kwoze

Nehemiya 9:29

U va khongoterile ku tlhelela emilawini ya wena, kambe va tialele ku yingisa milawu ya wena, va dyohele ku lerisa ka wena loku munhu a nga ta hanya hakona loko a endla hakona; va humesile khatla leri alaka joko, va nonon'hwisa tinhamu ta vona, va nga yingisi nchumu.

Hosiya 4:16

Hikuva Israele wa tiarisa u fana ni thokazi leri nga xitlalu. Sweswi, Yehovha u ta va risa ku fana ni xinyimpfana emananga.

Yeremiya 8:5

Tiko leri ra Yerusalema, ri hambuka hikwalaho ka yini hi ku hambuka loku nga heriki xana? Va titiyisa hi mano ya vona ha yini, kutani va alela yini ku hundzuka xana?

Timhaka 7:57

Kutani va tlakusa marito, va ba huwa, va tisiva tindleve, kutani va wela hinkwavo swin'we ehenhla ka yena.

Zakariya 1:4

Mi nga tshuki mi kota vatata wa n'wina valavo vaprofeta vo rhanga a va huwelela eka vona, va ku: ‘Ku vuriwile hi Yehovha wa tinyimpi, a ku: Hundzukani eku fambeni ka n'wina loko biha, ni le mitirhweni yo biha ya n'wina!’ ... Kambe a va yingisangi, a va hlayisangi rito ra mina, ku vula Yehovha.

Ezekiele 3:7

Kambe yindlu ya Israele yi nga ka yi nga ku yingisi, hikuva a va rhandzi ku ndzi yingisa, yindlu hinkwayo ya Israele yi ni tinhamu leti tiarisaka.

Yeremiya 35:15

Ndzi tshama ndzi mi rhumela malandza ya mina hinkwawo vaprofeta, ndzi va rhuma wa ha ri mixo, ndzi ku: ‘Hundzukani un'wana ni un'wana emikhuveni ya yena leyo biha, mi hundzuka eku endleni ka n'wina, mi nga landzeri swikwembu swin'wana ku swi tirhela, mi tiakela etikweni leri ndzi nga ri nyika n'wina ni vatata wa n'wina,’ kambe a mi rhiyanga tindleve, a mi ndzi yingisanga.

Vaheveru 12:25

Tilanguteleni leswaku mi nga tshuki mi alela la vulavulaka; hikuva leswi lava aleleke la nga vulavula na vona a ha ri emisaveni, va nga ponangiki, ngopfungopfu hina hi nga ponisa ku yini, loko hi fularhela la vulavulaka na hina a ri ematilweni;

Timhaka 7:51

“N'wina va tinhamu le to nonon'hwa, mi nga yimbisiki timbilu ni tindleve! Mi alela Moya lowo Kwetsima hi masiku, mi kotisa vatata wa n'wina!

Sofoniya 3:2

A wu yingiselanga rito, a wu amukeli ku tshinyiwa, a wu tshembanga Yehovha; a wu tshinelanga eka Xikwembu xa wona.

Daniele 9:5

Hi dyohile, hi endlile leswo homboloka: hi endle hi vuphukuphuku ni ku tiarisa, hi hambukile ku leriseni ka wena.

Yeremiya 44:16

“Loko ri ri rito leri u hi byeleke rona hi vito ra Yehovha, hi nga ka hi nga ku yingisi;

Yeremiya 36:31

Ndzi ta n'wi ba, yena, ni vatukulu va yena ni malandza ya yena, hikwalaho ka ku homboloka ka vona; ndzi va humesela ni vaaki va Yerusalema, ni va yindlu ya Yuda, ku biha hinkwako loku ndzi ku vuleke ehenhla ka vona, kambe a va ndzi yingisanga.’ ”

Yeremiya 17:23

Kambe a va yingisanga, a va rhiyanga tindleve kambe va ti nonon'hwisile tinhamu, leswaku va nga yingisi, ni leswaku va nga amukeri dyondzo.

Yeremiya 13:10

Hikuva tiko leri ro homboloka leri alaka ku yingisa rito ra mina, leri tifambelaka hi ku navela ka mbilu ya rona, leri landzelaka swikwembu swa matiko man'wana ku swi tirhela ni ku swi khinsamela, ri ta hundzuka ri fana ni vamba leri nga pfuniki nchumu.

Yeremiya 11:10

Va tlhelele eku biheni ka vatata wa vona va khale lava tshamaka va ala ku yingisa marito ya mina, kambe va famba va ya tirhela swikwembu swin'wana; yindlu ya Israele, na yona yindlu ya Yuda yi tshovile ntwanano lowu ndzi wu endleke ni vatata wa vona.

Yeremiya 7:24

Kambe a va yingisanga, ni loko ku ri ku rhiya tindleve; kambe va tifambela hi makungu ya vona ni le ku tinonon'hwiseni ka timbilu ta vona leto biha, kutani va tlhelele endzhaku, a va yanga emahlweni.

Esaya 6:10

Nonon'hwisa timbilu ta tiko leri, u siva tindleve ta rona u dlaya mahlo ya rona, leswaku ri nga voni hi mahlo, ri nga twi hi tindleve, kutani ri nga hundzuki, leswaku ri nga horisiwi.”

Nehemiya 9:26

“Hambiswiritano va tiarisile va ku hundzukela, va cukumeta milawu ya wena endzhaku, va dlaya vaprofeta va wena lava nga endla vumbhoni exikarhi ka vona, leswaku va va hundzuluxela ka wena, kambe va ku sandza ngopfu.

Nehemiya 9:17

va ala ku twa, a va anakanyangi swihlamariso swa wena leswi u va endleleke swona, kambe va nonon'hwisa tinhamu ta vona, va tiarisa, va tivekela tihosi va ta tlhelela eku bohiweni ka vona. Kambe wena u Xikwembu lexi teleke ku rivalela ni tintswalo ni vunene, u hlwela ku kariha, u tele ku tsetselela, a ku va fularhelanga.

2 TIKRONIKA 33:10

Kambe Yehovha a tshama a vulavula na Manase ni tiko ra yena; ntsena a va yingisanga nchumu.

Eksoda 10:3

Kutani Muxe na Aroni va ya eka Faro, va ku eka yena: “Yehovha, Xikwembu xa Vaheveru, xi te: ‘U ta ala ku fika kwihi ku titsongahata emahlweni ka mina? Tshunxa tiko ra mina ri ya ndzi tirhela.

Matewu 13:15

Hikuva timbilu ta tiko leri ti nonile, ni tindleve ta vona va ti nonon'hwisile, ni mahlo ya vona va ma pfarile, leswaku va nga tshuki va vona hi mahlo, ni ku yingisa hi tindleve, ni ku twisisa hi timbilu, ni ku hundzuka leswaku ndzi nga ti tshuka ndzi va hanyisa.’

Esaya 46:12

“Ndzi yingiseni, n'wina vanhu va timbilu leto nonon'hwa, lava nga ekule ni leswo lulama!

Yeremiya 5:3

Oho Yehovha! Xana mahlo ya wena a ma tivi ku lulama-ke? Wa va ba, kambe a va twi ku vavisa; wa va herisa, kambe va ala ku amukela ku layiwa; va tinonon'hwisile mimombo ya vona ku tlurisa ribye, kutani va ala ku hundzuka.

Yeremiya 5:21

‘Yingisani, n'wina tiko leri hungukeke, leri nga riki na ku anakanya, leri nga ni mahlo, kambe a ri voni, leri nga ni tindleve, kambe a ri twi.’

Yeremiya 7:26

Kambe a va yingisanga, ni loko ku ri ku rhiya tindleve, kambe va tinonon'hwisile tinhamu, va dyohile ku tlurisa vatata wa vona.

Yeremiya 17:27

Kambe loko mi nga ndzi yingisi, loko ndzi mi lerisa ku hlayisa siku ra Savata, ni ku ka mi nga rhwari mirhwalo, ni ku ka mi nga yi nghenisi hi tinyangwa ta Yerusalema, hi siku ra Savata, ndzi ta tshivela ndzilo etinyangweni ta muti, leswaku wu ta hisa tindlu ta tihosi ta Yerusalema, kambe wu nga ka wu nga timiwi.” ’ ”

Yeremiya 42:21

Kunene ndzi mi tivisile swona namuntlha kambe a mi yingisi rito ra Yehovha, Xikwembu xa n'wina, ni hinkwaswo leswi a ndzi rhumeleke swona eka n'wina.

Ezekiele 5:6

Kambe wu hombolokile, wu tlurile ku lerisa ka mina ku tlurisa matiko, ni milawu ya mina ku tlurisa matiko lama n'wi rhendzeleke, hikuva wu cukumetile swileriso swa mina, a nga fambanga hi milawu ya mina.

Esaya 28:12

“La, i ndhawu ya ku wisa; tsetselelani lava karheleke, halenu i ku rhula!” Kambe ri arile ku twa.

Esaya 65:12

ndzi mi nyiketa tlhari, kutani mi ta khinsama hinkwenu ku tlhaviwa, hikuva ndzi vitanile kasi a mi hlamulanga, ndzi vulavurile, kasi a mi yingisanga; kambe mi endlile leswi biheke emahlweni ka mina, mi titsakele eka leswi ndzi nga swi rhandziki.”

Yeremiya 19:15

“Ku vula Yehovha wa tinyimpi, Xikwembu xa Israele: ‘Vonani, ndzi ta tisela muti lowu ni miti hinkwayo ya lomu makhombo hinkwawo lawa ndzi ma vuleke ehenhla ka yona, hikuva va nonon'hwisile tinhamu ta vona, va nga ti tshuka va yingisa rito ra mina.’ ”

Ezekiele 14:5

leswaku ndzi phasa hi timbilu ta vona va yindlu ya Israele lava ndzi fularheleke ku ya eka swikwembu swa vona.