Zakariya 6:12 - Xitsonga (Bibele)

¹² U ku eka yena: ‘Ku vuriwile hi Yehovha wa tinyimpi: “Vonani, wanuna loyi, vito ra yena a nga Xihluke, u ta mila ematshan'weni ya yena, u ta aka yindlu ya Yehovha.

BIBELE Mahungu Lamanene

¹² Kutani n'wi byele leswaku mina HOSI ya matimba hinkwawo ndzi ri: “Ku ni munhu loyi va nge i Hluke, ú ta kula kwala a nga kona, kutani ú ta aka Tempele ya mina.

Zakariya 6:12 Referans Kwoze

Zakariya 3:8

Twana-ke, Yoxuwa, muprista lonkulu, wena ni vamakwenu lava tshameke ka wena! Kunene mi vavanuna lava nga ta va swikombiso, hikuva ndzi ta tisa nandza wanga, Xihluke.

Yeremiya 33:15

Emasikwini walawo, ni le mikarhini yoleyo ndzi ta humesela Davhida hluke ra ku lulama, ri ta endla ku avanyisa ni ku lulama ematikweni.

Yeremiya 23:5

“Vonani, ku vula Yehovha ma ta masiku lawa ndzi nga ta humesela Davhida ha wona xihluke xa ku lulama, yi va hosi ya vukosi leyi fumaka hi vutlhari, yi veka ku avanyisa ni ku lulama emisaveni.

Esaya 11:1

Kutani rhavi ri ta huma ensinyeni wa Yese, hluke ri ta huma etimitswini ta wona, ri veka mihandzu.

Esaya 4:2

Hi siku rero hluke ra Yehovha ri ta endla xibombiso ni ku kwetsima ka lava poneke Vaisraele, kutani mihandzu ya misava yi ta vangamisa ni ku bombisa vona.

Esaya 53:2

U mirile emahlweni ka yena tanihi hluke, tanihi rimitsu leri humaka emisaveni leyi omeke. A a nga ri na xivumbeko ni ku saseka loku kokaka mahlo ya hina; ni nghohe ya yena a yi nga ri na nchumu wa ku hi tsakisa.

Timhaka 17:31

Hikuva xi vekile siku leri xi nga ta avanyisa misava ha rona hi mukhuva lowo lulama, hi wanuna loyi xi n'wi hlawuleleke swona; kutani xi tiyisile eka hinkwavo mhaka leyi, hi ku n'wi pfuxa eku feni.”

Vaheveru 8:3

Hikuva muprista lonkulu un'wana ni un'wana u vekiwe ku humesa mihlengo ni magandzelo; hikwalaho swa fanela leswaku, na yena yeloyi, a va ni lexi a nga humesaka xona.

Vaheveru 7:24

kambe yena, leswi a tshamaka hilaha ku nga heriki, u va ni vuprista lebyi nga hundziki.

Vaheveru 7:4

Xiyani hikwalaho vukulukumba lebyi tlurisaka bya loyi mupatriarka Abrahama a nga n'wi pambulela vukhume bya swirhangana.

1 Vakorinto 3:9

Hikuva hi vatirhikulobye ni Xikwembu; kutani n'wina mi nsimu ya Xikwembu, mi yindlu ya Xikwembu.

Timhaka 13:38

“Vavanuna varikwerhu, swi tiveni hikwalaho, leswaku mi byeriwa ha yena ntsena ku rivaleriwa ka swidyoho,

Yohane 1:45

Filipi a kuma Nataniele, a ku eka yena: “Hi vonile loyi Muxe a tsaleke timhaka ta yena enawini, ni vaprofeta va ti tsarile; i Yesu wa Nazareta, n'wana Yosefa.”

Luka 1:78

hikwalaho ka tintswalo letikulu ta Xikwembu hi dyambu ra vuxa,

Marka 15:39

Ndhuna ya dzana leyi yimeke kwalaho emahlweni ka yena, kuteloko yi vonile hilaha a nga nyiketa moya loko a huwelela, yi ku: “Kunene, munhu loyi, a a ri N'wana wa Xikwembu.”

Marka 15:29

Lava hundzaka va n'wi rhuketela, va nikinika tinhloko ta vona, va ku: “Ha! Wena la hlanhlaka tempele, u ku u ta yi pfuxa hi masiku manharhu;

Marka 14:58

“Hi n'wi twile, a ku: ‘Ndzi ta hlanhla tempele leyi, leyi akiweke hi mavoko, ndzi ta aka yin'wana hi masiku manharhu, leyi nga endliwangiki hi mavoko.’ ”

Matewu 26:61

“Loyi u vurile a ku: ‘Ndzi ni matimba ya ku hlanhla tempele ya Xikwembu ndzi va ndzi yi pfuxa hi masiku manharhu.’ ”

Matewu 16:18

Kambe ndzi ri eka wena: U Petro (hileswaku ribye), ehenhla ka ribye rero, ndzi ta aka kereke ya mina, kutani tinyangwa ta xivandla xa vafi ti nga ka ti nga yi hluli.

Zakariya 13:7

“Wena, fumu, pfukela murisi wa mina, a nga wanuna la nga nakulobye,” ku vula Yehovha wa tinyimpi. “Bana murisi, tinyimpfu ti ta hangalaka! Kutani ndzi ta vuyisa voko ra mina ehenhla ka lavatsongo.

Zakariya 8:9

Yehovha wa tinyimpi u ri: “Mavoko ya n'wina a ma tiye, n'wina lava twaka marito lama humaka emilon'wini ya vaprofeta emikarhini leyi ku nga sunguriwa ha yona yindlu ya Yehovha wa tinyimpi, yi nga tempele, leswaku yi akiwa.

Mikiya 5:5

U ta vuyisa ku rhula. Kutakuloko Muaxuru a nghena etikweni ra hina a khandziya etindlwini ta hina ta vuhosi, hi ta va ni valanguteri va 7, hambi ti ri tihosi ta vanhu ta 8 ku n'wi sivela.

Ezra 3:10

Kakuloko vaaki va sungula masungulo ya tempele vaprista va yima kona, va ambele swa vona, va tamele tinanga, va ri ni Valevhi, ni vana va Asafa, va tamele swiphambati, va dzunisa Yehovha, va ya hi ku lerisa ka Davhida, hosi ya Israele.

Ezra 3:8

Hi lembe ra vumbirhi ra ku fika ka vona endlwini ya Yehovha eYerusalema, hi n'hweti ya vumbirhi, Zerubabele n'wana Salatiele, na Yexuwa, n'wana Yosadaka ni vamakwavo lava nga vaprista, ni Valevhi, ni hinkwavo lava nga tlhelela eYerusalema, va huma eku bohiweni, va sungula ku tirha, kutani ku vekiwa Valevhi lava nga ni malembe ya makume mambirhi, ni lava nga emahlweni, leswaku va fambisa mitirho ya yindlu ya Yehovha.

Vaheveru 10:12

kambe yena, kuteloko a humesile mhamba yi ri yin'we hikwalaho ka vudyoho, u titshamele evokweni ra xinene ra Xikwembu hilaha ku nga heriki,

Yohane 19:5

Yesu a humela ehandle, a tlhandlekiwile harhi ya mitwa enhlokweni, a funengele xivunguvungu. Kutani Pilato a ku eka vona: Hi yeloye munhu.

Ezekiele 37:25

Va ta tshama etikweni leri ndzi nga ri nyika nandza wa mina Yakobo, leri vatata wa vona va nga aka eka rona, va ta tshama kona vona, ni vana va vona, ni vatukulu va vona hilaha ku nga heriki Davhida, nandza wa mina, u ta va hosi ya vona hi masiku hinkwawo.

Amosi 9:11

“Hi siku rero, ndzi ta pfuxa ntsonga wa Davhida lowu weke, ndzi siva timfa ta khumbi ra wona, laha ri mbundzukeke ndzi ta ri lunghisa, ndzi ta wu aka wu fana ni le mikarhini ya khale;

2 SAMIELE 7:13

U ta va yena la nga ta akela vito ra mina yindlu, kambe ndzi ta tiyisa xiluvelo xa ku fuma ka yena hi masiku.

Ezekiele 41:1

Kutani a ndzi nghenisa etempeleni, a pima marimba ya yona; ku anama ka wona swisungunhu swa ntlhanu na xin'we haleno, ni swisungunhu swa ntlhanu na xin'we hala, swi ringana ni ku anama ka tende.