Zakariya 6:11 - Xitsonga (Bibele)

¹¹ U teka silivhere ni nsuku, u endla ha swona harhi ya vuhosi, u yi veka enhlokweni ya Yoxuwa, muprista lonkulu, n'wana Yosadaki.

BIBELE Mahungu Lamanene

¹¹ Kutani u amukela eka vona silivhere ni nsuku, u endla harhi ha swona, u yi tlhandleka enhlokweni ya Yoxuwa muprista lonkulu, n'wana Yosadaki.

Zakariya 6:11 Referans Kwoze

Zakariya 3:1

Kutani a ndzi kombisa Yoxuwa, muprista lonkulu, a yimile emahlweni ka ntsumi ya Yehovha; yena Satana a yimile evokweni ra yena ra xinene ku n'wi alela.

Pisalema 21:3

Hikuva u n'wi rhangele hi ku kateka lokunene; U n'wi vekerile enhlokweni harhi ya nsuku lowu tengeke.

Risimu ra Tinsimu 3:11

Humani, n'wina vanhwanyana va le Siyoni, Mi ya hlalela hosi Solomoni, Ni harhi ya vuhosi leyi a nga vehela hi mana wa yena, Hi siku ra ku teka ka yena, Ni siku ra ku tsaka ka mbilu ya yena.

Nhlavutelo 19:12

Mahlo ya yena a ma fana ni langavi ra ndzilo; enhlokweni ya yena a rhwele tihari leto tala, a ri ni vito leri tsariweke ri nga tiviwi hi munhu, loko a nga ri yena ntsena.

Zakariya 3:5

Ndzi ku: “A va n'wi vehele xihuku lexinene enhlokweni!” Kunene va n'wi vehela xihuku lexinene enhlokweni va n'wi ambexa ni swiambalo; kambe ntsumi ya Yehovha a yi yimile kwalaho.

Hagayi 1:1

Hi lembe ra vumbirhi ra ku fuma ka hosi Dariyosi, hi n'hweti ya vuntlhanu na yin'we, hi siku ro sungula ra n'hweti, rito ra Yehovha ri ta hi muprofeta Hagayi eka Zerubabele, hosana ya Yuda n'wana Salatiele, ni ka Yoxuwa, muprista lonkulu, n'wana Yosadaki, ri ku:

Levhitika 8:9

A n'wi vehela xihuku enhlokweni, ni le mahlweni ka xihuku, a bohela xiphepherhele xa nsuku, wu nga musingasoro lowo kwetsima, hilaha Yehovha a leriseke Muxe hakona.

Eksoda 39:30

Va endla hi nsuku lowonene xiphepherhele, lowu nga musingasoro wo kwetsima, kutani va tsala henhla ka xona, hi mukhuva wa ku tsala mafungo, mhaka leyi: Ku kwetsima ka Yehovha.

Vaheveru 2:9

Kambe Yesu loyi ingi a vekiwile ehansinyana ka tintsumi hi nkarhi wu nga ri wungani, ha n'wi vona a rhwexiwile ku kwetsima ni xichavo hikwalaho ka rifu leri a ri tweke, leswaku hi tintswalo ta Xikwembu, a twa rifu hikwalaho ka munhu un'wana ni un'wana.

Hagayi 1:14

Hilaha Yehovha a pfuxaka hakona moya wa Zerubabele, hosana ya Yuda, n'wana Salatiele, ni moya wa Yoxuwa, muprista lonkulu, n'wana Yosadaki, ni moya wa nsalo hinkwawo wa vanhu, kutani va ya, va sungula ku tirha ku aka yindlu ya Yehovha wa mavandla, Xikwembu xa vona,

Hagayi 2:4

Kutani sweswi, tiyisela, Zerubabele; ku vula Yehovha; tiyisela, na wena Yoxuwa, muprista lonkulu, n'wana Yosadaki! Tiyisani, na n'wina hinkwenu vanhu va tiko leri, ku vula Yehovha, mi va mi tirha; hikuva ndzi na n'wina, ku vula Yehovha wa mavandla;

Ezra 3:2

Yexuwa, n'wana Yosadaka, ni vamakwavo va nga vaprista, na Zerubabele, n'wana Salatiele, ni vamakwavo, va yima va aka alitari ya Xikwembu xa Israele, ku ta tlhavela eka yona magandzelo lama hisiwaka, hi ku landza leswi tsariweke emilawini ya Muxe, munhu wa Xikwembu.

Eksoda 29:6

U n'wi vehela ni xihuku enhlokweni, u boha ka xona xiphepherhele xo kwetsima.

Nhlavutelo 6:2

Kutani ndzi languta, ndzi vona hanci leyo basa; loyi a yi khandziyeke a ri ni vurha, kutani a nyikiwa harhi kutani a suka a ri muhluri ku ya hlula.

2 SAMIELE 12:30

Kutani a teka harhi ya vuhosi enhlokweni ya hosi ya vona (ku tika ka yona a yi ri talenta ya nsuku, yi ri ni maribye lama pfumariwaka) kutani yi vekiwa enhlokweni ya Davhida; a teka xuma lexikulu ngopfu emutini, a famba na xona.

Ezra 10:18

Ku kumiwa vana van'wana va vaprista lava tekeke vavasati valavo; eka vana va Yexuwa, n'wana Yosadaka, ni ka vana va vamakwavo, Maaseya, Eliezere, Yaribi, Gedaliya;

Zakariya 6:14

Loko yi ri harhi, yi ta vekiwa endlwini ya Yehovha, xi va xitsundzuxo xa Heleme, ni xa Tobiya, ni xa Yedaya, ni xa Heni n'wana Sofoniya.