Zakariya 6:1 - Xitsonga (Bibele)

¹ Ndzi engeta ndzi tlakusa mahlo, ndzi languta, kutani ndzi vona ku humelela tigolonyi ta mune leti humaka exikarhi ka tintshava timbirhi, tintshava teto ti ri ta koporo.

BIBELE Mahungu Lamanene

¹ Ndzi tlhela ndzi tlakusa mahlo, kutani ndzi vona makalichi ya mune ma huma hi le xikarhi ka tintshava timbirhi; tintshava ta kona a ti ri ta koporo.

Zakariya 6:1 Referans Kwoze

Daniele 8:22

Rimhondzo leri loko ri tshovekile, kutani timhondzo ta mune ti mila ematshan'weni ya rona, hileswaku ku fuma ka mune ku ta huma etikweni lero, kambe ku nga ka ku nga vi na matimba ya rona.

Vaefesa 1:11

Kambe eka Kriste hi nyikiwile ndzhaka, hilaha hi nga hlawuriwa hakona khale hi makungu ya loyi a tirhaka swilo hinkwaswo hi ku hisekela ka rirhandzu ra yena,

Timhaka 4:28

ku endla hinkwaswo leswi voko ra wena ni makungu ya wena ma swi leriseke eku sunguleni leswaku swi ta humelela.

Zakariya 6:5

Kutani ntsumi yi ndzi angula, yi ku: “Sweswo i mimoya ya mune ya tilo leyi humaka laha yi nga yima emahlweni ka Hosi ya misava hinkwayo.

Zakariya 5:1

Ndzi engeta ndzi tlakusa mahlo, ndzi languta, loko kan'we ku humelela papila leri nga phurumulwa, leri hahaka.

Daniele 4:35

Vaaki hinkwavo va misava va kotisa swahava emahlweni ka yena; a endla hi mavandla ya matilo ni vaaki va laha emisaveni hilaha a rhandzaka hakona; kutani a ku na un'wana la nga n'wi sivelaka, a ku eka yena: “U endla yini?”

Daniele 4:15

Hambiswiritano, mi siya xikundzu ni timitsu ta wona emisaveni, ntsena wu kulekiwa hi timpecana ta nsimbhi ni ta koporo exikarhi ka byanyi bya nhova, wu tsakamisiwa hi mberha ya le tilweni, wu avanyiseriwa byanyi bya nhova swin'we ni swiharhi.

Esaya 43:13

Ndzi xona ka ha ri eku sunguleni, a ku na la lamulaka evokweni ra mina; ndzi ta tirha; ku ta ala mani?”

Swivuriso 21:30

A ku na vutlhari, a ku na ku anakanya, A ku na makungu emahlweni ka Yehovha.

Pisalema 36:6

Ku lulama ka wena ku fana ni tintshava ta Xikwembu; Ku avanyisa ka wena i xidziva lexikulu; Yehovha, u hlayisa vanhu ni swiharhi.

Pisalema 33:11

Makungu ya Yehovha ma tiyile hi laha ku nga heriki; Mianakanyo ya mbilu ya yena yi yima etinxakeni hinkwato.

Ntirho 34:29

Loko xi va humesela ku rhula, i mani la nga endlaka dzolonga xana? Loko xi fihla mombo wa xona, i mani la nga ta xi vona? Xi fuma matiko ni vanhu hi mukhuva wun'we,

1 SAMIELE 2:8

Wa pfuxa mupfumari ethyakeni, Ku va tshamisa ni tihosi, Ni ku va avela swiluvelo swa ntwalo. Hikuva masungulo ya misava i ya Yehovha; U tiyisile misava ehenhla ka wona.

Vaefesa 3:11

hi makungu lawa xi ma endleke ka hari emikarhini ya ku sungula, xi ma hetisela ha Yesu Kriste, Hosi ya hina,

2 TIHOSI 6:17

Kutani Elixa a khongela, a ku: “Yehovha, wanga n'wi hanyanyisa, a swi vona.” Kavaloko Yehovha a pfula mahlo ya nandza, kutani a vona ntshava yi tele hi tihanci ni tigolonyi ta ndzilo, swi rhendzele Elixa exikarhi.

Esaya 66:15

Hikuva, waswivo, Yehovha u ta ta ni ndzilo ni golonyi ya yena tanihi xihuhuri, ku halata vukari bya yena, byi va byi pfurha, ni ku chavisa ka yena, ma va malangavi ya ndzilo.

Yeremiya 4:13

Langutani muonhi u tlhandluka kukotisa mapapa; tigolonyi ta yena ti kotisa xidzedze; tihanci ta yena ti tlula makoti hi ku tsutsuma; khombo ri le ka hina, hikuva ha borisiwa!