Zakariya 5:3 - Xitsonga (Bibele)

³ Yi ku eka mina: “Rona i ndzhukano lowutaka ehenhla ka misava, hikuva un'wana ni un'wana la yivaka u ta lovisiwa hi timhaka ta rona leti tsariweke tlhelo rin'wana ra rona, un'wana ni un'wana la hlambanyaka u ta lovisiwa hi timhaka ta rona leti nga tlhelo rin'wana.

BIBELE Mahungu Lamanene

³ Kutani ntsumi yi ku ka mina: “Buku leyi i ya mindzhukano leyi kongomaka tiko hinkwaro. Endzeni ni le handle ka yona, yi vula leswaku munhu loyi a yivaka, ú ta susiwa etikweni, na yena loyi a hlambanyaka hi ku hemba, ú ta susiwa eka rona.”

Zakariya 5:3 Referans Kwoze

Eksoda 20:15

“U nga tshuki u yiva.

Esaya 48:1

Yingisani, n'wina va yindlu ya Yakobo, lava mi thyiweke hi vito ra Israele, lava mi humeke exihlobyeni xa Yuda; n'wina lava mi hlambanyaka hi vito ra Yehovha, lava mi dzunisaka vito ra Xikwembu xa Israele, lava mi nga ni ku kanganyisa ni ku pfumala ku lulama,

Esaya 43:28

Hikwalaho ndzi sorile tihosi ta vukwetsimelo ndzi nyiketile Yakobo ku yirisiwa, na Israele ku rhukaniwa.

Esaya 24:6

Hikwalaho ku rhuketeriwa ku dye tiko, vaaki va rona va biwile; hikwalaho vaaki va tiko va lovisiwaka, lava seleke a hi vangani.

Yakobo 5:12

Kambe, vamakwerhu, emahlweni ka hinkwaswo, mi nga hlambanyi, hambi ku ri hi tilo, hambi ku ri hi misava, ni loko ku ri ku hlambanya kwihi ni kwihi; kambe ina ya n'wina yi fanele ku va ina, ni e-e ya n'wina a yi ve e-e, leswaku mi nga tshuki mi wela eku avanyisiweni.

Malakiya 4:6

U ta tlherisela timbilu ta vatatana eka vana va vona, ni timbilu ta vana eka vatata wa vona, leswaku ndzi nga tshuki ndzi ta, kutani ndzi ba tiko hi ku ri lovisa.”

Zakariya 5:4

Ndzi wu humesile, ku vula Yehovha wa tinyimpi, wu ta nghena endlwini ya khamba ni le ndlwini ya la hlambanyaka hi vito ra mina hi mavunwa; wu ta tshama exikarhi ka yindlu ya yena, wu ta yi herisa, ni timhandze ta yona, ni maribye ya yona.”

Yeremiya 26:6

ndzi ta endla yindlu leyi kukotisa Xilo, ni muti lowu, ndzi wu endla eXilo lexo rhukaniwa hi matiko hinkwawo ya misava.’ ”

Yeremiya 5:2

Ni loko va ku: ‘Yehovha wa hanya!’ Va hlambanya hi vunwa.”

Levhitika 19:12

“ ‘Mi nga tshuki mi hlambanya hi vito ra mina hi ku hemba, hikuva mi ta va mi tlangile hi vito ra Xikwembu xa n'wina. Hi mina Yehovha.

Nhlavutelo 22:15

Kambe ehandle, i timbyana, ni vakanganyisi, ni vaoswi ni vadlayi ni lava gandzelaka swifaniso swa swikwembu, ni hinkwavo lava rhandzaka vunwa ni lava tirhaka hi byona.

Nhlavutelo 21:8

Kambe loko ma ri matoya, ni lava nga pfumelangiki, ni va manyala, ni vadlayi, ni vaoswi, ni vangoma va mavunwa, ni lava khongelaka swifaniso swa swikwembu, ni vahembi hinkwavo, ku averiwa ka vona ku le tiveni leri pfurhaka ra ndzilo ni xivavula; laha, i rifu ra vumbirhi.”

Yakobo 5:4

Vonani, hakelo ya vatirhi lava tshoveleke masimu ya n'wina leyi va yi tsoniweke hi n'wina, ya huwelela, kutani ku huwelela ka vatshoveri ku fikile etindleveni ta Hosi ya tinyimpi.

1 Timotiya 1:9

a ri karhi a tiva leswaku nawu a wu vekeriwanga la lulameke kambe lavo homboloka, ni lava alaka ku yingisa, ni lava nga riki na xichavo, ni vadyohi, ni lava nga khongeriki, ni lava sandzaka, ni lava dlayaka vatata wa vona ni vamana wa vona,

Vaefesa 4:28

Loyi a nga tshama a yiva, a a nga ha engeti a yiva, kambe a a tikarhate ku tirha leswinene hi mavoko ya yena a ta tiva ku nyika eka loyi a nga evusiwaneni.

Luka 21:35

hikuva ri ta wela hinkwavo lava akeke emisaveni kukota xirimbana.

Matewu 25:41

“Kutani u ta ku eka lava nga evokweni ra yena ra ximatsi: ‘Sukani ha mina, n'wina lava rhukaniweke; yanani endzilweni lowu nga timekiki, lowu lunghiseriweke Diyavulosi ni tintsumi ta yena;

Malakiya 3:5

Ndzi ta tshinela eka n'wina ku endla ku avanyisa, ndzi va mbhoni leyi hatlisaka eka timhaka ta vangoma ni vaoswani, ni lava hlambanyaka hi mavunwa, ni lava tekaka hakelo ya la hakeriwaka, ni ya noni, ni ya xisiwana, ni lava hambukisaka wamatiko, ni lava nga ndzi chaviki, ku vula Yehovha wa mavandla.

Zakariya 8:17

mi nga kungeleli vamakwenu khombo etimbilwini ta n'wina, mi nga rhandzi ku hlambanya ka vunwa, hikuva sweswo hinkwaswo ndzi swi vengile, ku vula Yehovha.”

Hosiya 4:2

Ka hlambanyiwa ka rhukaniwa, ka dlayiwa, ka yiviwa, ka oswiwa, ku pfukeriwa vanhu hi matimba, kambe ngati yi karhi ya halatiwa.

Daniele 9:11

Kutani Vaisraele hinkwavo va tlurile nawu wa wena, va hambukile leswaku va nga ti yingisa rito ra wena; kutani ku rhuketeriwa ni ku hlambanyiseriwa leswi tsariweke enawini wa Muxe, nandza wa Xikwembu, swi cheriwile ehenhla ka hina, hikuva hi xi dyoherile.

Yeremiya 23:10

Hikuva misava yi tele vaoswi; misava ya rila hi mirhukano, vudyelo bya mananga byi tshwile; ku famba ka vona ku bihile, ni mandla ya vona a ma lulamanga.

Yeremiya 7:9

I ku yini xana? Ku yiva! Ni ku dlaya! Ni ku oswa, ni ku hlambanya hi mavunwa, ni ku hisela Baali mirhi ya risuna, ni ku famba eka swikwembu swin'wana leswi mi nga swi tiviki!

Swivuriso 30:9

Kumbexana loko ndzi xurhile ndzi nga ku landzula, Ndzi ku: “Yehovha i mani?” Kumbe xana, loko ndzi ri xisiwana, ndzi yiva, Ndzi tlanga hi vito ra Xikwembu xa mina.

Swivuriso 29:24

La pambulelanaka ni khamba u venga moya wa yena, U twa ku rhukana kambe a nga vuli nchumu.

Swivuriso 3:33

Xirhuko xa Yehovha xi le ndlwini ya vadyohi, Kambe u katekisa yindlu ya lava lulameke.

Levhitika 19:11

“ ‘Mi nga tshuki mi yiva. Mi nga tshuki mi hembelana, hambi ku ri ku xisana.

Amosi 3:10

“A va tivi ku endla leswi lulameke, ku vula Yehovha; va hlengeleta etindlwini ta vona leswi phangiweke hi vona hi ku dlaya ni ku onha.”

Yoxuwa 9:20

Hi ta endlisa sweswo na vona: Hi ta va tshika va hanya leswaku hi nga tshuki hi kariheriwa hikwalaho ka leswi hi va hlambanyeleke.”

Ezekiele 2:9

Kuteloko ndzi languta, ndzi vona voko ri tshambuluteriwele eka mina, ri tamele buku leyi songiweke.