Zakariya 4:7 - Xitsonga (Bibele)

⁷ Wena, ntshava leyikulu, u yini eka Zerubabele? U rivala ntsena! U ta humesela ehandle ribye ra yinhla exikarhi ka huwa leyi nge: ‘A ri tsetseleriwe! A ri tsetseleriwe!’ ”

BIBELE Mahungu Lamanene

⁷ “We nhulu leyikulu ya maribye, wo va yini? Emahlweni ka Zerubabele, u ta hundzuka rivala, kutani yena ú ta humesa ribye ra yinhla, ntshungu wu ri karhi wu huwelela wu ku: ‘Ribye leri a ri katekisiwe, a ri katekisiwe!’ ”

Zakariya 4:7 Referans Kwoze

Yeremiya 51:25

“Vona, ndzi ta eka wena, ntshava ya ku onhaka, ku vula Yehovha, wena la onhaka misava hinkwayo; ndzi ta tshambuluta voko ra mina ehenhla ka wena, ndzi ku wisa emaribyeni, kutani ndzi ku hundzula ntshava leyi hisiweke;

Zakariya 4:9

“Mavoko ya Zerubabele ma sungule yindlu leyi, mavoko ya yena ma ta yi heta; kutani U ta tiva leswaku, Yehovha wa tinyimpi u ndzi rhumile eka n'wina.

Mikiya 4:1

Emikarhini ya makumu, ntshava ya yindlu ya Yehovha yi ta va yi yimisiwile ehenhla ka tintshava, yi wungamela switsunga, kutani matiko ma ta hangalakela kona.

Pisalema 118:22

Ribye leri soriweke hi vaaki Ri endliwile ribye ro rhanga ra yinhla.

Pisalema 114:4

Tintshava ti tlulatlula kukotisa tinyimpfu, Switsunga kukotisa swinyimpfana.

1 Petro 2:7

Kunene ku ta va ku dzunisa ka n'wina lava pfumeleke, “kambe lava tiarisaka, ribye leri cukumetiweke hi vaaki, ri va hundzukele ribye lerikulu ra yinhla,” ni “ribye leri va khunguvanyekaka ha rona”;

Timhaka 4:11

Hi yena ribye leri cukumetiweke hi n'wina vaaki, kambe ri endliwile ribye lero sungula ra yinhla.

Esaya 41:15

“Vonani, ndzi endla ha wena xileyi lexi tlhavaka, lexintshwa. U ta faya, u va u sila tintshava, u endla switsunga leswi kotisaka mungu,

Pisalema 114:6

N'wina tintshava mi tlulatlulela yini kukotisa tinyimpfu, Na n'wina switsunga mi kotisela yini swinyimpfana?

Varhoma 11:6

Kambe loko ku ri hi tintswalo, a ka ha ri hi mitirho; hikuva loko ku ri hi mitirho, tintswalo a ti nga ha vi tintswalo.

Mikiya 1:4

Tintshava ti ta n'oka ehansi ka yena, ni mikova yi ta handzuka, kukotisa swihlenga swa tinyoxi loko swi ri kusuhi ni ndzilo, ni mati loko ma halatiwa laha ku rhelelaka.

Esaya 28:16

Hikwalaho Hosi Yehovha u vurisile, a ku: “Vonani, ndzi veke Siyoni ribye ra masungulo, leri ringiweke, ra le yinhleni, ra risima, leri tiyisiweke. La tiseketelaka eka rona a nga ka a nga hatlisi ku chava.

Nhlavutelo 16:20

Swihlale hinkwaswo swi baleka, ni tintshava a ti nga ha kumiwi.

Vaefesa 2:20

hikuva mi akiwile emasungulweni ya vaapostola ni vaprofeta, Yesu Kriste a nga yena ribye ra masungulo ra kona,

Luka 20:17

Kutani a va languta, a ku: “I yini leswi tsariweke, loko va te: ‘Ribye leri tshikiweke hi vaaki hi rona leri endliweke ribye ra yinhla’?

Luka 3:5

Mikova yi ta gandleteriwa, ni tintshava hinkwato ni switsunga swi ta hindzimuxiwa; leswi hombolokeke swi ta lulamisiwa ni tindlela ta mikovakova ti ta khuleriwa;

Matewu 21:42

Yesu a ku eka vona: “Xana a mi si hlaya eMatsalweni mhaka leyi nge: ‘Ribye leri vaaki va ri soleke, hi rona leri nga endliwa ribye ro rhanga ra yinhla; leswo swi endliwe hi Hosi, i mhaka leyi hlamarisaka emahlweni ka hina!’

Yeremiya 33:11

ku ta yingisiwa kona rito ro tsaka, ni rito ra mitsako, ni rito ra muteki, ni rito ra mutekiwa, ni rito ra lava nge: Khensani Yehovha wa mavandla, hikuva Yehovha hi lonene, hikuva tintswalo ta yena hi leti nga heriki! ‘Ku ri loko va neha ku khensa ka vona endlwini ya Yehovha.’ Hikuva ndzi ta vuyisela lava khomiweke va le tikweni leri, va ta kotisa emikarhini yo rhanga, ku vula Yehovha.

Marka 12:10

“Xana a mi si hlaya tsalwa le ri nge: ‘Ribye leri vaaki va nga ri nyenya, hi rona le ri nga endliwa ribye ra masungulo ya yinhla?

Matewu 21:21

Yesu a hlamula a ku eka vona: “Ndzi vurisile ndzi ri eka n'wina: Loko mi ri ni ku pfumela, mi nga kanakani, a mi nga endli ntsena kukotisa leswi endliweke emurhini wa nkuwa, kambe ni loko mi nga ku eka ntshava leyi: ‘Suka u ya tihoxa lwandle,’ swi ta endleka;

Habakuku 3:6

A yima, kutani a pima misava; a languta, kutani a rhurhumerisa matiko; tintshava ta khale ti mbundzuka, switsunga swa khale swi byatsama. Tindlela ta yena i ta khalekhale.

Ezra 3:10

Kakuloko vaaki va sungula masungulo ya tempele vaprista va yima kona, va ambele swa vona, va tamele tinanga, va ri ni Valevhi, ni vana va Asafa, va tamele swiphambati, va dzunisa Yehovha, va ya hi ku lerisa ka Davhida, hosi ya Israele.

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Zakariya 4:8

Rito ra Yehovha ri ta eka mina, ri ku: