Zakariya 4:6 - Xitsonga (Bibele)

⁶ Kutani a ndzi byela, a ku: “I rito ra Yehovha eka Zerubabele, ri nge: Ku nga ka ku nga vi hi nyimpi ni matimba, kambe hi Moya wa mina, ku vula Yehovha wa tinyimpi!

BIBELE Mahungu Lamanene

⁶ Hiloko ntsumi yi ndzi lerisa ku ya byela Zerubabele rito ra HOSI Xikwembu leri nge: “Entirhweni wa wena, a wu nga humeleli hi vunhenha kumbe hi ku tirhisa matimba, kambe u ta humelela ntsena hi ku pfuniwa hi Moya wa mina. Ndzi vula sweswo, mina HOSI ya matimba hinkwawo.

Zakariya 4:6 Referans Kwoze

Pisalema 33:16

Hosi a yi ponisiwi hi nyimpi leyikulu, Nhenha a yi tshunxiwi hi matimba lamakulu

Hosiya 1:7

Loko yi ri yindlu ya Yuda, ndzi ta yi tsetselela, ndzi yi ponisa ha Yehovha, Xikwembu xa yona, ndzi nga ka ndzi nga va ponisi hi miseve; ni tlhari, ni ku lwa, ni tihanci, ni vakhandziyi.”

2 TIKRONIKA 14:11

Asa a khongela Yehovha, Xikwembu xa yena, a ku: “Oho Yehovha! Handle ka wena, a ku na un'wana la kotaka ku pfuna la nga riki na matimba loko a pfukiwa hi Lowa matimba. Hi pfune wee Yehovha, Xikwembu xa hina! Hikuva hi tshemba wena, kutani hi humile nyimpi hi vito ra wena ku ta lwa ni vunyingi lebyi. Hi wena Yehovha Xikwembu xa hina; u nga tshuki u hluriwa hi munhu!”

Esaya 32:15

ku fikela loko moya wa le henhla wu cheriwa ehenhla ka hina, ni loko mananga ma hundzuka mitanga, kutani ntanga wu fanisiwa ni xihlahla.

Esaya 30:1

“Khombo eka vana lava tiarisaka,” ku vula Yehovha, “lava kanelaka timhaka, kambe ndzi nga ri na vona, va endla xinakulobye, ku nga ri hi ku rhandza ka mina, va ta engeta xidyoho ehenhla ka xidyoho.

Tinhlayo 27:16

“Yehovha, Xikwembu xa mimoya ya tinyama hinkwato a a veke ehenhla ka nhlengeletano wanuna la humaka emahlweni ka vona, ni la nghenaka emahlweni ka vona,

Ezra 5:2

Hiloko ku pfuka Zerubabele, n'wana Salatiele, na Yexuwa, n'wana Yosadaka, va tlhela va sungula ku aka yindlu ya Xikwembu eYerusalema, va ri ni vaprofeta va Xikwembu lava va pfunaka.

1 Petro 1:12

Kutani va kombisiwile leswaku a va titirhelanga, kambe va tirhele hina, etimhakeni leti mi ti byeriweke sweswi, hi lava mi dyondziseke hi Moya lowo Kwetsima lowu rhumiweke, wu huma etilweni, ti nga timhaka leti tintsumi ti navelaka ngopfu ku ti hlometela.

Vaefesa 6:17

Rhwalani xihuku xa ku hlayiseka, mi va mi tamela fumu ra Moya, ri nga Rito ra Xikwembu;

Genesa 41:16

Yosefa a hlamula Faro, a ku: “A hi mina: Xikwembu hi xona lexi nga ta hlamula Faro hi ku hlamula lokunene.”

1 SAMIELE 14:6

Yonatani a ku eka jaha leri ngi ri tamele matlhari ya yena a ku: “Tana, a hi ye, hi ya fika ekhokholweni ra lava nga yimbangiki, kumbe Yehovha u ta hi lwela, hikuva a ku na xilo lexi sivelaka Yehovha ku ponisa, hambi vanhu va tele, hambi va nga ri vangani.”

1 SAMIELE 17:47

Nhlengeletano hinkwayo leyi, yi ta tiva leswaku Yehovha wa ponisa, kambe ku nga ri hi banga ni matlhari; hikuva ku lwa ni ku hlula, i ka Yehovha, kutani u mi nyiketile emavokweni ya hina.”

1 TIHOSI 19:12

Endzhaku ka ku tsekatseka, ku huma ndzilo. Kambe Yehovha a a nga ri kona endzilweni. Endzhaku ka ndzilo ku twala mpfumawulonyana lowo nandziha.

Ezra 3:10

Kakuloko vaaki va sungula masungulo ya tempele vaprista va yima kona, va ambele swa vona, va tamele tinanga, va ri ni Valevhi, ni vana va Asafa, va tamele swiphambati, va dzunisa Yehovha, va ya hi ku lerisa ka Davhida, hosi ya Israele.

Eklesiasta 9:11

Ndzi tlherile kambe ndzi vona ehansi ka dyambu leswaku eku siyisaneni, switsutsumi a swi siyi van'wana hi masiku kumbe tinhenha a ti hluri hi masiku ni swakudya a hi swa lavo tlhariha hi masiku, ni rifuwo a hi ra lava nga ni ku twisisa hi masiku, ni ku fundziwa a hi ka tintlhari hi masiku, hikuva nkarhi ni khombo, i swa hinkwavo.

Daniele 2:34

Loko u ri karhi u langutisisa, ribye leri phemekeke, ku nga ri hi mavoko ya munhu, ri hima xifaniso emilengeni ya xona ya nsimbhi ni vumba, ri yi faya.

Hagayi 1:1

Hi lembe ra vumbirhi ra ku fuma ka hosi Dariyosi, hi n'hweti ya vuntlhanu na yin'we, hi siku ro sungula ra n'hweti, rito ra Yehovha ri ta hi muprofeta Hagayi eka Zerubabele, hosana ya Yuda n'wana Salatiele, ni ka Yoxuwa, muprista lonkulu, n'wana Yosadaki, ri ku:

Hagayi 2:21

“Vulavula eka Zerubabele, mufumi wa Yuda, u ku: ‘Ndzi ta tsekatsekisa tilo ni misava, ndzi mbundzuxa swiluvelo swa vuhosi,

Zakariya 6:12

U ku eka yena: ‘Ku vuriwile hi Yehovha wa tinyimpi: “Vonani, wanuna loyi, vito ra yena a nga Xihluke, u ta mila ematshan'weni ya yena, u ta aka yindlu ya Yehovha.

Ezra 2:2

Lava nga famba na Zerubabele Yexuwa, Nehemiya, Seraya, Relaya, Mordekayi, Bilixani, Mispara, Bigivhayi, Rehumi na Baana.

Esaya 34:16

Lavani ebukwini ya Yehovha, mi hlaya! A ku na un'we wa vona la nga ta pfumaleka; a ku na un'we la nga ta pfumala nakulobye; hikuva nomu wa yena wu vurile, kutani moya wa yena wu va hlengeletile.

Esaya 59:19

Va ta chava vito ra Yehovha ku suka evupeladyambu, ni ku twala ka yena ku suka le vuxeni; loko nala a ta ta kukotisa nambu, moya wa Yehovha wu ta n'wi tsutsumisa.