Zakariya 3:2 - Xitsonga (Bibele)

² Yehovha a ku eka Satana: “Yehovha a a ku tshinye, Satana! E, Yehovha la nga tihlawulela Yerusalema, a a ku tshinye! Loyi xana a hi xisa lexi vutliweke endzilweni?”

BIBELE Mahungu Lamanene

² Kutani ntsumi ya HOSI Xikwembu yi ku ka Sathana: “We Sathana, HOSI Xikwembu lexi hlawuleke Yerusalema, a xi ku laye xi ku pfala nomo. Xana Yoxuwa a nga fani ni rihunyi leri susiweke endzilweni xana?”

Zakariya 3:2 Referans Kwoze

Amosi 4:11

“Ndzi mi humesele makhombo exikarhi ka n'wina kukota siku Xikwembu xi onhaka Sodoma na Gomora, kutani mi ponile ku kota xisa lexi humesiweke endzilweni; hambiswiritano, a mi tlhelelanga eka mina,” ku vula Yehovha.

Yuda 1:23

kutani mi ponisa van'wana hi ku va tshukisa, mi va vutla endzilweni, mi ri karhi mi chava ni nguvu leyi nga nyamisiwa hi nyama.

Yuda 1:9

Kasi loko a ri Mikaele, ntsumi leyikulu, loko a kanetana na Diyavulosi, va ri karhi va lwetana hi ntsumbu wa Muxe, u chavile ku n'wi avanyisa hi mirhukano, kambe a ku: “Hosi a yi ku tshinye!”

Varhoma 8:33

Lavo Xikwembu xi tihlawuleleke vona, i mani la nga va vekaka nandzu xana? Xikwembu hi xona lexi va vulaka lava lulameke. La nga va avanyisaka i mani?

Zakariya 1:17

Engeta u tlakusa rito, u ku: Yehovha wa tinyimpi u ri: Miti ya mina yi ta tala mikateko, yi ko yi khapakhapa; Yehovha wa ha ta chavelela Siyoni, a tihlawulela Yerusalema.’ ”

Zakariya 2:12

Yehovha u ta fuma Yuda, yi va ndzhaka ya yena etikweni leri hlawuriweke u ta tihlawulela Yerusalema, kambe!”

1 Yohane 3:8

La dyohaka, i wa Diyavulosi, hikuva Diyavulosi u dyohile ka ha ri eku sunguleni. Hikwalaho N'wana wa Xikwembu a humeleleke, leswaku a herisa mitirho ya Diyavulosi.

Varhoma 16:20

Xikwembu xa ku rhula, hi xona lexi nga ta hatlisa ku pfotlosa Satana ehansi ka milenge ya n'wina. Tintswalo ta Yesu Kriste, Hosi ya hina, a ti ve na n'wina!

Yohane 13:18

A ndzi vuri n'wina hinkwenu, ndzi tiva lava ndzi va hlawuleke; kambe hileswaku Tsalwa ri ta endleka leri nge: ‘La dyaka vuswa na mina, u ndzi khadlanyile hi xirhendze.’

Luka 22:32

kambe mina ndzi ku khongelele, leswaku ku pfumela ka wena ku nga tshuki ku titivala. Kutani wena, loko u hundzukile, u ta tiyisa vamakwenu.”

Luka 4:35

Ndza ku tiva, u Muhlawuriwa wa Xikwembu.” Kutani Yesu a n'wi tshinya, a ku: “Miyela, u suka eka yena.” Kuteloko demona ri n'wi wisile exikarhi ka hinkwavo, ri huma eka yena, ri nga n'wi endlanga nchumu.

Daniele 12:1

“Enkarhini wolowo, Mikaele, ndhuna leyikulu, leyi yimelaka vana va tiko ra wena, u ta humelela, kutani masiku ya mapfalo ma ta va kona, layonghasi ma nga siki vaka kona mpfhuka matiko ma ri kona, ku fikela enkarhini wolowo. Ntsena emikarhini yoleyo, tiko ra wena ri ta ponisiwa, va nga hinkwavo lava tsariweke ebukwini.

Pisalema 109:31

Hikuva u yime etlhelweni ra xinene ra xisiwana, Kutani a n'wi kutsula eka lava n'wi avanyisaka.

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi ni Mufumi wa vafumi; kutani lava a nga na vona hi lava vitaniweke ni vahlawuriwa, ni vapfumeri.”

Marka 1:25

Kambe Yesu a wu tshinya, a ku: “Miyela, u huma eka yena.”

2 TIKRONIKA 6:6

kambe ndzi hlawurile Yerusalema, leswaku vito ra mina ri va kona, kutani ndzi hlawurile Davhida leswaku a fuma ehenhla ka tiko ranga ra Israele.’

Luka 9:42

Kakuloko a tshinela, demona ri n'wi tlatlalata, ri n'wi xanisa hi matimba, kambe Yesu a tshinya moya lowo biha, kutani a horisa n'wana, a n'wi nyika tata wa yena.

Marka 9:25

Yesu, kakuloko a vona vunyingi byi n'wi tsutsumela, a tshinya moya wa thyaka, a ku: “Moya lo wu nga vula vuriki, lowu nga twiki, ndza ku lerisa ndzi ri mina, ndzi ku: Huma ka yena, u nga ha ngheni eka yena.”

Esaya 7:4

u ku eka yena: ‘Tivone, titshamele, u nga chavi, mbilu ya wena yi nga tshuki yi tsana hikwalaho ka swisana leswimbirhi leswi mpukukaka, hikwalaho ka vukari lebyi pfurhaka bya Resini ni bya Siriya, ni bya n'wana Remaliya,

2 TIKRONIKA 6:5

‘Ku sungula siku leri ndzi humeseke tiko ranga etikweni ra Egipta, a ndzi hlawulanga muti exikarhi ka tinyimba ta Israele ku aka kona yindlu leswaku vito ra mina ri va kona, kutani a ndzi hlawulanga munhu leswaku a va hosi ya tiko ranga ra Israele;