Zakariya 2:11 - Xitsonga (Bibele)

¹¹ Matiko ya ku tala ma ta namarhela Yehovha hi siku rero kutani va ta va tiko ra mina; ndzi ta tshama exikarhi ka wena, u ta tiva leswaku Yehovha wa tinyimpi u ndzi rhumile eka wena.

BIBELE Mahungu Lamanene

¹¹ Hi siku rolero, vanhu va matiko layo tala va ta ndzi namarhela mina HOSI, kutani va ta endla tiko ra mina va aka exikarhi ka n'wina!” Enkarhini wolowo mi ta swi tiva leswaku HOSI ya matimba hinkwawo, hi yona yi ndzi rhumeke eka n'wina.

Zakariya 2:11 Referans Kwoze

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Timhaka 28:28

Tivani kwalaho leswaku ku hlayiseka ka Xikwembu ku rhumeriwile vamatiko, kutani vona va ta ku yingisa.”

Luka 2:32

leswaku ku ve ku vonakala loku nga ta voninga matiko, ni ku kwetsima ka Israele, tiko ra wena.”

Esaya 45:14

Ku vula sweswo Yehovha: “Bindzu ra Egipta, ni xuma xa Etiyopiya ni xa va Xeba lavo leha, swi ta ta eka wena, swi va swa wena, swi ku landza. Va ta ta va bohiwile va ta korhama emahlweni ka wena, va ta ku khongela: ‘Ku hava Xikwembu ehandle ka wena; xin'wana ku hava ni lexitsanana.’ ”

Yohane 17:21

swi ri leswaku hinkwavo va va un'we kukotisa leswi wena, Tatana, u nga eka mina, na mina ndzi nga ka wena; na vona va endla un'we na hina, leswaku misava yi ta pfumela leswaku u ndzi rhumile.

Malakiya 1:11

Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

Zakariya 3:10

Esikwini rero, ku vula Yehovha wa tinyimpi, mi ta vitanana, un'wana ni un'wana ehansi ka murhi wa vhinya ni wa nkuwa.”

Ezekiele 33:33

Kambe loko leswo swi tile, (kasi swa ta), va ta swi tiva kutani leswaku muprofeta a a ri kona e xikari ka vona.”

Yeremiya 16:19

Oho Yehovha, matimba ya mina, ni khokholo ra mina, ni xichavelo xa mina hi siku ra mahlomulo! Matiko ma ta ta eka wena, ma huma emakumu ka misava, kutani ma ta ku: “Kunene, vatata wa hina va fuwile vunwa ni vuhava lebyi nga riki na ku pfuna nchumu.

Esaya 66:19

Ndzi ta endla xikombiso exikarhi ka vona, kutani ndzi ta rhuma ematikweni lava nga ta pona exikarhi ka vona, eka Tarxixi, ni ka Pulu, ni ka Ludu, lava copaka hi vurha, eka Tubala ni ka Yavhani, eswihlaleni leswi nga ekule, leswi nga siki twaka ta mina, leswi nga siki vonaka ku kwetsima ka mina, kutani va ta twarisa ku vonakala ka mina exikarhi ka vamatiko;

Esaya 52:10

Yehovha u funungurile voko ra yena leri hlawuriweke emahlweni ka matiko hinkwawo, kutani makumu hinkwawo ya misava ma ta vona ku hlayiseka ka Xikwembu xa hina.

Pisalema 72:17

Vito ra yona ri ta tshama hi laha ku nga heriki, Vito ra yona ri ta va kona hi laha dyambu ri nga ta va kona. Vanhu va ta katekisana ha yona, Matiko hinkwawo ma ta yi vula la katekeke.

Yohane 17:25

Tatana la lulameke, misava a yi ku tivanga, kambe mina ndzi ku tivile; na vona lava, va swi tivile leswaku u ndzi rhumile.

Yohane 17:23

mina ndzi va ka vona, wena u va ka mina, va ta hetiseka vun'weni hakunene, misava yi ta tiva leswaku u ndzi rhumile, ni leswaku u va rhandzile kukotisa leswi u ndzi rhandzeke.

Eksoda 12:49

Nawu wu ta va wun'we eka la tswariweke ekaya, ni le ka wamatiko la luveleke eka n'wina.”

Esaya 48:16

“Ndzi tshineleleni, yingisani! Mpfhuka eku sunguleni, a ndzi vulavulangi exihundleni, loko swilo leswi swi humelela a ndzi ri kona,” kutani sweswi Yehovha Xikwembu u ndzi rhuma ndzi ri ni moya wa yena.

Mikiya 4:2

Matiko layo tala ma ta ta kona, ma ku: “A hi yeni, hi tlhandlukela entshaveni ya Yehovha, endlwini ya Xikwembu xa Yakobo, a ta hi dyondzisa tindlela ta yena, kutani hi famba hi tindlela ta yena.” Hikuva nawu wu ta huma eSiyoni, ni rito ra Yehovha ri ta huma eYerusalema.

Zakariya 1:16

Hikwalaho, ku vula Yehovha, ndzi vuyela eka Yerusalema, hi tintswalo, yindlu ya mina yi ta tlhela yi akiwa kona, ku vula Yehovha wa tinyimpi, kutani ngoti ya ku pima yi ta tshambulutiwa ehenhla ka Yerusalema.

Zakariya 2:5

Loko ndzi ri mina, ku vula Yehovha, ndzi ta va rirhangu ra ndzilo lowo wu rhendzelaka exikarhi, ndzi ta va ku kwetsima exikarhi ka wona.’ ”

Zakariya 8:3

Yehovha u ri: Ndzi tlhelela eSiyoni, ndzi ta aka exikarhi ka Yerusalema; Yerusalema, u ta vuriwa muti wa vunene, ntshava ya Yehovha wa tinyimpi yi vuriwa ntshava leyi nga hlawuleka!

Zakariya 8:8

ndzi va tisa, va ta aka eYerusalema ri ta va tiko ra mina, mina ndzi va Xikwembu xa vona hi vunene ni ku lulama.”

Esaya 52:11

Sukani! Sukani! Humani kona! Mi nga khumbi nchumu wa leswi yilaka, humani exikarhi ka wona. Tibasiseni, n'wina lava mi rhwalaka timbita ta Yehovha!

Yeremiya 50:8

“Balekani eBabilona, ni le tikweni ra Vakalediya, mi va kukota swiphongo leswi rhangelaka ntlhambi emahlweni.