Zakariya 2:1 - Xitsonga (Bibele)

¹ Ndzi engeta ndzi tlakusa mahlo ya mina; ndzi vona wanuna la khomeke evokweni ra yena ngoti ya ku pima.

BIBELE Mahungu Lamanene

¹ Ndzi tlakusa mahlo ya mina, kutani ndzi vona wanuna loyi a a khomile ngoti yo pima ha yona.

Zakariya 2:1 Referans Kwoze

Ezekiele 40:3

Loko a ndzi yisile kona, ndzi vona wanuna yeloyi ku vonakala ka yena ku fanaka ni ku vonakala ka koporo; a tamele pindza ra ntsembyana evokweni ra yena, ni nhonga ya ku pima, a yimile enyangweni.

Zakariya 1:16

Hikwalaho, ku vula Yehovha, ndzi vuyela eka Yerusalema, hi tintswalo, yindlu ya mina yi ta tlhela yi akiwa kona, ku vula Yehovha wa tinyimpi, kutani ngoti ya ku pima yi ta tshambulutiwa ehenhla ka Yerusalema.

Nhlavutelo 21:15

Loyi a vulavulaka na mina, a a ri ni mpimo wa rihlanga ra nsuku ku ta pima muti, ni tinyangwa ta wona, ni rirhangu ra wona.

Nhlavutelo 11:1

Kutani ndzi nyikiwa rihlanga leri fanaka ni nhonga, va ku: “Yima u pima tempele ya Xikwembu, ni alitari, ni lava khongelaka eka yona.

Ezekiele 47:4

A tlhela a pima swisungunhu swa khume ra madzana, a ndzi perisa mati: a ma fika ematsolweni. A tlhela a pima swisungunhu swa khume ra madzana, a ndzi perisa kona: Mati a ma fika exisutini.

Ezekiele 40:5

Kutani ndzi vona rihlampfu leri tingeke yindlu hi le handle. Evokweni ra yena munhu yeloyi a a ri ni nhonga ya ku pima, ya swisungunhu swa ntlhanu na xin'we, xisungunhu xin'wana ni xin'wana xi ringana xisungunhu xin'we ni xandla, kutani a pima ku anama ka vuako; a ku ri ka nhonga yin'we.

Zakariya 1:18

Endzhaku ka swona, ndzi yimisa mahlo ya mina, kutani ndzi vona mune wa timhondzo.

Yeremiya 31:39

Pindza ra mpimo ri ta suka kona ri languta exitsungeni xa Garebe, ri rhendzeleka ku fika eGowa.

Ezekiele 47:3

Kuteloko wanuna yeloyi a humile hitlhelo ra vuxa — a a ri ni nghole evokweni ra yena — a pima khume ra madzana ya swisungunhu, a ndzi perisa mati: mati walawo a ma fika emahlakaleni ya milenge.

Esaya 54:16

Vona, hi mina la endleke mufuri la pfurhetaka pfundze, kutani a fula tlhari lowu nga ntirho wa yena; kambe hi mina la vumbeke mulovisi la lovisaka.

Yeremiya 48:25

Rimhondzo ra Mowabu, ri swekiwile; ni voko ra yena, va tshovile, ku vula Yehovha.

Daniele 7:7

“Endzhaku ka sweswo, loko ndzi languta eswivonweni swa vusiku, ndzi vona xivandza xa vumune lexi chavisaka, lexo leva, lexi hundzisaka hi matimba, xi ri ni meno lamakulu ya nsimbhi, a xi phorha xi tshovelela, xi kandziyela hi milenge leswi seleke; a xi nga fani ni swivandza swin'wana leswi xi rhangeleke emahlweni, kambe a xi ri ni timhondzo ta khume.