Zakariya 14:9 - Xitsonga (Bibele)

⁹ Yehovha u ta va hosi ya misava hinkwayo hi siku rolero Yehovha u ta va un'we ni vito ra yena ri va rin'we.

BIBELE Mahungu Lamanene

⁹ HOSI Xikwembu xi ta fuma misava hinkwayo, xi ta va Xikwembu xi ri xoxe; hi siku rero, ku ta gandzeriwa xona ntsena.

Zakariya 14:9 Referans Kwoze

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Daniele 7:27

Kutani vuhosi, ni ku fuma, ni matimba ya ku fuma hinkwako loku nga ehansi ka matilo hinkwawo, swi ta nyikiwa tiko ra vahlawuriwa va Muungameri-la-tlakukeke; ku fuma ka yena i ku fuma loku nga heriki, kutani tihosi hinkwato ti ta n'wi tirhela, ti n'wi yingisa.’

Sofoniya 3:9

“Hikuva, esikwini lero, ndzi ta hundzula milomu ya matiko, yi va leyi tengeke, ma ta vitana hinkwawo vito ra Yehovha, ma n'wi tirhela hi mbilu yi ri yin'we.

Duteronoma 6:4

“Yingisa, Israele! Yehovha, Xikwembu xa hina, hi xona Xikwembu lexi hanyaka ntsena.

Pisalema 72:17

Vito ra yona ri ta tshama hi laha ku nga heriki, Vito ra yona ri ta va kona hi laha dyambu ri nga ta va kona. Vanhu va ta katekisana ha yona, Matiko hinkwawo ma ta yi vula la katekeke.

Matewu 1:23

“Maswivo, wanhwana u ta tika nyimba, u ta veleka n'wana wa wandzisanyana vito ra yena, u ta churiwa Emanuwele”; loko va hlamusela hileswaku: “Xikwembu xi na hina.”

Yeremiya 23:6

Emikarhini ya yena, Yuda u ta hanya, Israele a tiakela eku tsakeni kutani hi rona vito lero va nga ta n'wi vitana ha rona: ‘Yehovha, ku lulama ka hina.’

Esaya 54:5

Hikuva nuna wa wena, hi loyi a ku endleke, vito ra yena i Yehovha wa tinyimpi. Mukutsuri wa wena hi la hlawulekeke wa Israele, u ta vuriwa Xikwembu xa misava hinkwayo.

Pisalema 86:9

Matiko hinkwawo lawa u ma endleke ma ta ta, Ma ta ku khinsamela, wena Yehovha, Ma ta twarisa vito ra wena.

Matewu 28:19

yanani hakona mi ya dyondzisa va matiko hinkwawo, mi va khuvula hi vito ra Tatana, ni ra N'wana ni ra Moya lowo Kwetsima,

Pisalema 67:4

Matiko ma ta tsaka, ma tsakisisa, Hikuva u ta avanyisa matiko hi ku lulama, U ta fambisa matiko emisaveni.

Amosi 9:12

va ta fuma leswi saleke swa Edomu, ni matiko hinkwawo lama nga ta vitaniwa hi vito ra mina,” ku vula Yehovha, yena la nga ta endla sweswo.

1 SAMIELE 2:10

Valala va Yehovha va ta rhurhumela, U ta va balesela hi rihati a ri etilweni. Yehovha u ta avanyisa makumu ya misava; U ta nyika ku fuma eka hosi ya yena, U ta tlakusa rimhondzo ra Muhlawuriwa wa yena.”

Genesa 49:10

Ku fuma ku nga ka ku nga suki eka Yuda, Ni loko yi ri nhonga ya vuhosi, exikarhi ka milenge ya yena, Ku kondza ku fika eXilo, Kutani va matiko va ta yingisela yena.

Mikiya 5:4

U ta yima, a risa hi matimba ya Yehovha, ni ku kwetsima ka vito ra Yehovha, Xikwembu xa yena; va ta aka hi ku rhula, hikuva u ta va nkulukumba ku yisa emakun'wini ya misava.

Esaya 45:21

Vulani, mi va vitana, va kanela swin'we! La bvumbheke swilo sweswo eku sunguleni, la swi vuleke khale, i mani? Xana a hi mina Yehovha? A ku na Xikwembu xin'wana ehandle ka mina, hi mina ntsena Xikwembu lexi lulameke lexi ponisaka.

Obadiya 1:21

Vaponisi va ta tlhandlukela entshaveni ya Siyoni ku ya avanyisa Mhaka ya Esawu; kutani ku fuma ku ta va ka Yehovha.

Habakuku 2:14

Hikuva misava yi ta tala hi ku tiva ka ku kwetsima ka Yehovha, ku fana ni mati loko ma funengeta lwandle.

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Malakiya 1:14

Kambe ku rhukaniwa muxisi, ku nga loko a hlambanya, a humesela Hosi xifuwo lexo biha, kasi lexa matsune xi kona entlhambini wa yena, hikuva ndzi Hosi leyikulu, ku vula Yehovha wa mavandla, kutani vito ra mina ri chaviwa exikarhi ka matiko.

Pisalema 97:1

Yehovha wa fuma. Misava a yi tsake, Swihlale hinkwaswo a swi tsakisise!