Zakariya 14:7 - Xitsonga (Bibele)

⁷ Ri ta va siku ri ri rin'we leri tiviwaka hi Yehovha: A ri nga vi na nhlekanhi, ni loko byi ri vusiku; kambe enkarhini wa madyambu ku vonakala ku ta va kona.

BIBELE Mahungu Lamanene

⁷ Masiku ya kona ma ta hambana na man'wana, ma ta tiva hi HOSI Xikwembu ntsena: A ma nga kombi vusiku kumbe nhlekanhi, hambi ri perile, ku ta va ku ri ni ku vonakala.

Zakariya 14:7 Referans Kwoze

Nhlavutelo 22:5

Kutani vusiku a byi nga ha vi kona, a va nga ha pfumari ku vonakala ka rivoni, hambi ku ri ku vonakala ka dyambu, hikuva Hosi Xikwembu xi ta va voningela, kutani va ta fuma hi masiku ni masiku.

Nhlavutelo 21:23

Kutani muti a wu na ku voningiwa hi dyambu ni n'weti, hikuva wu voningiwa hi ku kwetsima ka Xikwembu, na xona Xinyimpfana i rivoningo ra wona.

1 Vatesalonika 5:2

Hikuva ma swi tiva swinene, na n'wina, leswaku siku ra Hosi ri ta humelela ri kotisa khamba ra vusiku.

Daniele 12:4

“Kutani wena, Daniele, funengeta timhaka leto, u lemela buku leyi ku yisa enkarhini wa makumu; lavo tala va ta yi xiya, kutani ku tiva ku ta engeteleka.”

Esaya 30:26

N'weti wa n'weti wu ta fana ni ku vonakala ka dyambu, ku vonakala ka dyambu ku ta engeteriwa kantlhanu na kambirhi, kukotisa masiku ya ntlhanu na mambirhi, hi siku Yehovha a nga ta ntshuxa mbanga ya tiko ra yena, a horisa mipfembeti ya ku biwa ka yena.

Timhaka 17:31

Hikuva xi vekile siku leri xi nga ta avanyisa misava ha rona hi mukhuva lowo lulama, hi wanuna loyi xi n'wi hlawuleleke swona; kutani xi tiyisile eka hinkwavo mhaka leyi, hi ku n'wi pfuxa eku feni.”

Timhaka 15:18

ku vula Hosi leyi endlaka swilo leswi hinkwaswo leswi nga tiviwa hi yona, ni le ku sunguleni.’

Timhaka 1:7

A ku eka vona: “A swi mi fanelangi ku tiva tinguva, hambi yi ri mikarhi leyi Tatana a tihlawuleleke yona hi vukulukumba bya yena ntsena;

Marka 13:32

“Loko ri ri siku lero ni nkarhi lowu, a ku na loyi a wu tivaka, hambi ti ri tintsumi ta le tilweni, hambi a ri N'wana; wu tiviwa hi Tatana ntsena.

Matewu 24:36

“Loko ri ri siku lero ni nkarhi, a ku na loyi a wu tivaka; swi tsandza ni tintsumi ta le matilweni, a ti wu tivi, hambi a ri N'wana; kambe ku tiva Tatana a le swakwe.

Yeremiya 30:7

Yo! Mina! Siku leri hi lerikulu, a ku na rin'wana ro fana na rona; i mikarhi ya makhombo eka Yakobo; hambiswiritano, u ta pona ka swona.

Pisalema 37:18

Yehovha u tiva masiku ya vanhu vo lulama, Ndzhaka ya vona yi ta sala hi masiku.

Nhlavutelo 21:25

Tinyangwa ta wona ti nga ka ti nga pfariwi ni nhlekanhi, hikuva vusiku a byi nga ha vi kona;

Nhlavutelo 21:3

Kutani ndzi twa rito lerikulu ri huma exiluvelweni, ri ku: “Vonani tabernakela ya Xikwembu exikarhi ka vanhu; xi ta aka na vona, ri ta va tiko ra xona, kutani Xikwembu xi ta va na vona hi xiviri xa xona, xi va Xikwembu xa vona.

Nhlavutelo 14:6

Kutani ndzi vona ntsumi yin'wana leyi hahaka exikarhi ka tilo, yi tamele Evhangeli leyi nga riki na ku hela, ku yi dyondzisa lava akeke emisaveni, va ri va matiko hinkwawo, ni tinxaka hinkwato, ni swivongo hinkwaswo,

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Timhaka 17:26

Kambe xi endlile vanhu va tinxaka hinkwato hi ngati yin'we, ku aka ehenhla ka misava hinkwayo; xi lerisile tinguva leti hlawuriweke hi xona ni mindzilekana ya ku aka ka vona,

Hosiya 3:5

Kambe endzhaku, vana va Israele va ta tlhela va lava Yehovha, Xikwembu xa vona na Davhida, hosi ya vona; emikarhini ya le ndzhaku va ta ta chavela eka Yehovha ni le tintswalweni ta yena.

Esaya 11:9

Ku nga ka ku nga endliwi swo biha, ni ku onhiwa entshaveni hinkwayo leyi kwetsimaka ya mina; hikuva ku tiva Yehovha ku ta eneta misava, tanihi leswi mati ma funengetaka vuento bya lwandle.

Esaya 9:7

ku kurisa ku fuma, ni ku nyika xiluvelo xa Davhida ni ku fuma ka yena ku rhula loku nga heriki, ni ku xi tiyisa, ni ku xi seketela hi ku avanyisa ni ku lulama, sweswi ni hilaha ku nga heriki; ku hiseka ka Yehovha wa tinyimpi ku ta endla sweswo!

Esaya 24:23

Kutani n'weti wu ta tshwuka hi tingana, dyambu rona ri ta endla ntima, hikuva Yehovha wa tinyimpi u ta fuma entshaveni ya Siyoni ni le Yerusalema, kutani vakulukumba va yena va ta vona ku vonakala ka yena.

Esaya 45:21

Vulani, mi va vitana, va kanela swin'we! La bvumbheke swilo sweswo eku sunguleni, la swi vuleke khale, i mani? Xana a hi mina Yehovha? A ku na Xikwembu xin'wana ehandle ka mina, hi mina ntsena Xikwembu lexi lulameke lexi ponisaka.

Esaya 58:10

loko u nyika loyi a nga ni ndlala swakudya swa wena, loko u xurhisa moya lowu tsaneke, ku vonakala ka wena ku ta swa emunyameni, kutani munyama wa wena wu ta kwetsima kukota nhlekanhi.

Amosi 8:9

“Hi siku rero,” ku vula Hosi Yehovha, “ndzi ta perisa dyambu ninhlekanhi lowukulu, ndzi humesa munyama etikweni ninhlekanhi.