Zakariya 14:4 - Xitsonga (Bibele)

⁴ Milenge ya yena yi ta yima hi siku rolero ehenhla ka ntshava ya mitlhwari leyi nga ekusuhi na Yerusalema, hitlhelo ra vuxa, ntshava ya mitlhwari vi ta phemeka, ku sungula exikarhi, ku yisa evuxeni ni le vusikwini, ku ko ku humelela nkova lowukulu; tlhelo rin'wana ra ntshava ri ta tshinela en'walungwini, rin'wana ri tshinela edzongeni.

BIBELE Mahungu Lamanene

⁴ Hi siku rolero HOSI Xikwembu xi ta yima ehenhla ka Ntshava ya Mitlhwari, yona leyi langutaneke na Yerusalema hi tlhelo ra vuxa, kutani ntshava leyi yi ta pandziwa hi le xikarhi, ku huma nkova lowukulu, wu sukela evuxeni wu ya fika evupeladyambu. Hafu ya ntshava yoleyo yi ta ntlhentlhela en'walungwini, hafu leyin'wana yi ta ntlhentlhela edzongeni.

Zakariya 14:4 Referans Kwoze

Ezekiele 11:23

Kutani ku kwetsima ka Yehovha ku suka exikarhi ka muti ku ya yima ehenhla ka ntshava leyi nge tlhelo ra vuxa ra muti.

Zakariya 14:10

Tiko hinkwaro, ku suka eGeba ku ya fika eRimoni, ku nga tlhelo ra dzonga eka Yerusalema, ri ta hundzuka ri kota banyi, Yerusalema, u ta tlakuka, a tshama exiteni xa yena, ku sukela enyangweni ya Benjamini ku ya fika enyangweni yo rhanga, enyangweni ya tinhla, ni ku sukela ekhokholweni ra Hananele ku yisa eswikhuvutweni swa hosi.

Zakariya 14:7

Ri ta va siku ri ri rin'we leri tiviwaka hi Yehovha: A ri nga vi na nhlekanhi, ni loko byi ri vusiku; kambe enkarhini wa madyambu ku vonakala ku ta va kona.

Zakariya 4:7

Wena, ntshava leyikulu, u yini eka Zerubabele? U rivala ntsena! U ta humesela ehandle ribye ra yinhla exikarhi ka huwa leyi nge: ‘A ri tsetseleriwe! A ri tsetseleriwe!’ ”

Habakuku 3:6

A yima, kutani a pima misava; a languta, kutani a rhurhumerisa matiko; tintshava ta khale ti mbundzuka, switsunga swa khale swi byatsama. Tindlela ta yena i ta khalekhale.

Ezekiele 43:2

Kutani ndzi vona ku kwetsima ka Xikwembu xa Israele ku ta ku huma evuxeni. Rito ra xona ri kotisa mpfumawulo wa mati layo tala; kutani misava yi vangama hi ku vonakala ka xona.

Marka 11:23

Ndzi tiyisile, ndzi ri eka n'wina: Un'wana ni un'wana la nge eka ntshava leyi: ‘Suka, u ya tihoxa elwandle,’ a nga vileri embilwini ya yena, kambe a pfumela leswaku leswi a swi vulaka swi nga endleka, u ta endleriwa hinkwaswo leswi a swi vuleke, hambi yi ri yini na yini.

Ezekiele 38:20

Emahlweni ka mina ku ta tsekatseka tinhlampfi ta lwandle, ni tinyanyana ta matilo ni swiharhi swa nhova, ni swikokovi hinkwaswo leswi kokovaka ehansi, ni munhu un'wana ni un'wana la nga erivaleni ra misava, tintshava ti ta mbundzuka, maribye ma ta wa, ni khumbi rin'wana ni rin'wana ri ta hlanhliwa.

Zakariya 14:8

Esikwini rolero, mati lama pfelelaka ma ta huma eYerusalema, man'wana ya wona ma khulukela elwandle ra le vuxeni, man'wana elwandle ra le vupeladyambu; swi tshama swi va tano rihunga ni vuxika.

2 SAMIELE 15:30

Kutani Davhida a a tlhandluka ntshava ya mitlhwari, a ri karhi a rila; nhloko ya yena yi funengetiwile, a famba a nga ri na tintanghu emilengeni; kutani vanhu hinkwavo va tiko lava ngi va ri na yena a va tifunengeta tinhloko va rila loko va ri karhi va tlhandluka.