Zakariya 14:3 - Xitsonga (Bibele)

³ Yehovha u ta humelela, a lwa ni matiko wolawo, kukota siku a lwaka esikwini ra ku dlaya.

BIBELE Mahungu Lamanene

³ Kutani HOSI Xikwembu xi ta huma xi ya hlasela vamatiko lava, ku fana ni loko ku lwiwa nyimpi.

Zakariya 14:3 Referans Kwoze

Zakariya 12:9

“Hi siku rero ndzi ta tiyisela ku lovisa matiko hinkwawo lama hlaselaka Yerusalema.

Sofoniya 3:19

Vona, enkarhini wolowo, ndzi ta va ni mhaka ni vaxanisi va wena hinkwavo, ndzi hanyisa [nyimpfu] leyi khwitaka, ndzi hlengeleta leyi hlongoriweke, kutani ndzi ta va endla lava twarisiwaka ni lava twaleke ematikweni hinkwawo, laha va nga khomiwa hi tingana.

Yuwele 3:2

ndzi ta hlengeleta matiko hinkwawo, ndzi ma xikisela enkoveni wa Yoxafati, ndzi ta tengisana na vona hikwalaho ka Israele tiko ra mina, ni ndzhaka ya mina, loyi va n'wi hangalaseke exikarhi ka matiko va ko va avelana tiko ra mina.

2 TIKRONIKA 20:15

a ri enhlengeletanweni, a ku: “N'wina hinkwenu, va Yuda, ni vaaki hinkwavo va Yerusalema, na wena hosi Yoxafati, yingisani! Yehovha u mi byela sweswo, a ku: ‘Mi nga tshuki mi chava, mi nga heli timbilu emahlweni ka vunyingi lebyikulu lebyi, hikuva nyimpi a hi ya n'wina, kambe i ya Xikwembu.

Yoxuwa 10:42

Yoxuwa a teka kan'we tihosi hinkwato ni matiko ya tona, hikuva Yehovha, Xikwembu xa Vaisraele, a a lwela Israele.

Yoxuwa 10:10

Kutani Yehovha a va hangalasa emahlweni ka Israele kutani Israele a lwa na vona, a va hlula swinene ekusuhi na Gibiyoni; kutani Israele a va hlongorisa endleleni leyi khandziyaka ya Bet-Horoni, a lwa na vona ku fika eAzeka na Makeda.

Yoxuwa 10:14

A ku vanga na siku kukota siku lero, hambi ku ri emahlweni, hambi ku ri ndzhaku, loko Yehovha a yingisa rito ra munhu; hikuva Yehovha a a lwela Israele.

Nehemiya 4:14

Kutani ndzi languta ndzi yimile, ndzi ku eka vakulukumba, ni ka tihosana, ni ka van'wana va tiko: “Mi nga va chaveni; mi anakanya Hosi leyikulu leyi chavisaka, mi lwela vamakwenu ni vana va n'wina, ni vana va xisati va n'wina, ni vasati va n'wina, ni tindlu ta n'wina.”

Esaya 29:7

Kutani ntshungu wa matiko hinkwawo lowu lwaka na Ariele, ni hinkwavo lava rhendzeleke muti ni khokholo ra wona, wu ta va tanihi norho, ni leswi voniwaka emunyameni wa vusiku.