Zakariya 14:21 - Xitsonga (Bibele)

²¹ Ni timbita hinkwato ta Yerusalema, ni ta Yuda ti ta va leti hlawuleriweke Yehovha wa tinyimpi; hinkwavo lava endlaka magandzelo, va ta ta, va teka tona, va sweka ha tona; a ku nga ha vi na Mukanana endlwini ya Yehovha wa ti nyimpi, hi siku rolero.

BIBELE Mahungu Lamanene

²¹ mbita yin'wana ni yin'wana leyi yi nga eYerusalema ni le Yuda, yi ta va leyi hlawulekeke, yi tirhela HOSI ya matimba hinkwawo; hikokwalaho, hinkwavo lava humesaka magandzelo, va ta ta va ta teka tin'wana ta tona, va sweka nyama ya magandzelo ha tona. Kutani, loko nkarhi wolowo wu fika, a ku nga ha vi na loyi a xavisaka swa magandzelo endlwini ya HOSI ya matimba hinkwawo.

Zakariya 14:21 Referans Kwoze

Ezekiele 44:9

Loko swi ri tano, Hosi Yehovha u ri: A ku na n'wana wa vamatiko, loyi a nga khuna embilwini ni le nyameni, la nga nghenaka evukwetsin'weni bya mina; ndzi vula sweswo eka vana va matiko lava va tshamaka exikarhi ka vana va Israele.

1 Vakorinto 10:31

Kambe hambi mi dya, hambi mi nwa, hambi mi endla yini na yini, endlani hinkwaswo ku dzunisa Xikwembu.

Yuwele 3:17

“Kutani mi ta tiva leswaku hi mina Yehovha, Xikwembu xa n'wina; mina la tshameke eSiyoni, entshaveni ya mina leyi hlawuriweke, Yerusalema, u ta va xivandla lexi hlawuriweke; vamatiko a va nga ha hundzi eka yena.

Nhlavutelo 22:15

Kambe ehandle, i timbyana, ni vakanganyisi, ni vaoswi ni vadlayi ni lava gandzelaka swifaniso swa swikwembu, ni hinkwavo lava rhandzaka vunwa ni lava tirhaka hi byona.

Nhlavutelo 21:27

A ku na xilo xa thyaka lexi nga ta nghena kona, hambi la endlaka manyala ni mavunwa; kambe ku ta nghena ntsena lava tsariweke ebukwini ya vutomi ya Xinyimpfana.

Nehemiya 8:10

Va engeta va ku eka vona: “Fambani mi dya tinyama leti noneke, mi nwa leswo nandziha, mi rhumela lava nga lunghiseriwangiki nchumu swakudya, hikuva siku leri hi leri hlawuleriweke hosi ya hina; mi nga hlunami, hikuva ku tsaka ka Yehovha i matimba ya n'wina.”

1 Petro 4:17

Hikuva nkarhi wa ta, lowu ku avanyisa ku nga ta sungula hi yindlu ya Xikwembu; kutani loko ku ta sungula hi hina, makumu ya lava nga pfumeriki Evhangeli ya Xikwembu, ma ta va lawo yini-ke?

Vaheveru 3:6

kambe Kriste u tshembekile kukotisa n'wana eku fumeni ka yindlu ya yena, kutani yindlu ya yena hi hina, loko kunene hi hlayisa hi ku tiya ku ya fika emakumu, ku tshemba ka hina loku hi tidzunisaka hikwalaho ka kona, hi nga siveriwi ha nchumu.

1 Timotiya 3:15

hambi ndzi nga hlwela, u ta tiva hilaha swi faneleke ku endliwa hakona endlwini ya Xikwembu lexi hanyaka, yi nga mhandze, ni masungulo ya ntiyiso.

Zakariya 14:20

Hi siku rolero ku ta tsariwa eka swingelengele leswi nga etihancini: “Ku kwetsima ka Yehovha”; timbita leti nga endlwini ya Yehovha ti ta kotisa mikambana leyi nga ekusuhi ni alitari.

Zakariya 7:6

Loko mi ri karhi mi dya, mi nwa, xana a hi n'wina lava dyaka, lava nwaka xana?

Hosiya 12:7

Kambe loko u ri wena, tlhelela eka Yehovha, u hlayisa tintswalo ni ku lulama, u titshembela Xikwembu xa wena hi masiku.

Esaya 35:8

Gondzo ri ta va kona, ni ndlela leyi vuriwaka ndlela yo kwetsima; a ku na munhu wa thyaka la nga ta hundza kona; yi ta va ya lavo lulama ntsena. Lava nga ta famba endleleni yoleyo, hambi xi ri xiphukuphuku va nga ka va nga lahleki.

Esaya 4:3

Kutani un'wana ni un'wana wa lava siyiweke eSiyoni, ni lava seleke eYerusalema, va ta vuriwa vakwetsimi, va nga hinkwavo lava tsariweke ebukwini ya lava hanyaka eYerusalema.

Duteronoma 12:12

Mi ta titsakela emahlweni ka Yehovha, n'wina ni vana va n'wina va xinuna ni va xisati, ni malandza ya n'wina ya xinuna ni ya xisati, ni Mulevhi la nga emitini ya n'wina, hikuva a nga nyikiwanga ku averiwa ni ndzhaka swin'we na n'wina.

Duteronoma 12:7

Mi ta dya kona emahlweni ka Yehovha, Xikwembu xa n'wina, mi titsakela, mi ri ni mindyangu ya n'wina, eswilweni hinkwaswo leswi mi nga ta swi endla, leswi Yehovha, Xikwembu xa wena, a ku katekiseke ha swona.

Esaya 52:1

Pfuka, pfuka, ambala matimba ya wena, Siyoni! Ambala tinguvu ta nkhuvo, Yerusalema, muti lowu hlawuriweke! Hikuva sweswi, khuna ni munhu wa thyaka va nga ka va nga ha ngheni eka wena.

Ezekiele 45:1

“Kutakuloko mi avelana tiko hi ximhondzwana, mi ta pambulela Yehovha kun'wana, xivandla lexo kwetsima, xa swisungunhu swa 25 000 hi ku leha, ni ku anama ka swisungunhu swa 10 000; xi ta kwetsima emindzilekaneni hinkwayo ya xona.

Sofoniya 1:11

Rilani, n'wina vaaki va Makitexi, hikuva tiko hinkwaro ra vaxavi ri herile, hinkwavo lava tirhwexeke hi mali va lovisiwile.