Zakariya 13:4 - Xitsonga (Bibele)

⁴ Hi siku rolero vaprofeta va ta khomiwa hi tingana, un'wana ni un'wana hi ku bvumbha ka yena loko a ri karhi a profeta, a va nga ha ambali nguvu ya voya ku vula swa mavunwa.

BIBELE Mahungu Lamanene

⁴ Hikokwalaho vanhu va ta chava ku tikurisa hi swivono swa vona, kumbe ku tiendla vaprofeta; va ta chava ni ku xisa van'wana hi ku ambala swiambalo swa vaprofeta leswi lukiweke hi voya.

Zakariya 13:4 Referans Kwoze

Matewu 3:4

Yohane yeloyi a funengele nguvu ya voya bya kamela, a tikhame xisuti hi xifungha xa dzovo: swakudya swa yena a ti ri tinjiya ni vulombe bya nhova.

Esaya 20:2

emikarhini yoleyo Yehovha a vulavula na Esaya, n'wana Amotsi, a n'wi byela, a ku: “Famba u tshunxile saka leri nga exisutini xa wena, u susile ni tintanghu emilengeni ya wena.” Kutani a endlisa sweswo, a famba a tshunxile, a susile tintanghu.

2 TIHOSI 1:8

Va ku eka yena: “I munhu la ambaleke mavoya, a tibohe xisuti hi vamba ra dzovo.” Kutani a ku: “I Eliya wa Tixibe.”

Nhlavutelo 11:3

Kutani ndzi ta nyika timbhoni ta mina ha timbirhi ku profeta hi masiku ya khume ra madzana na madzana mambirhi, na ntlhanu wa makume, na khume rin'we 1 260, ti ambele masaka.”

Marka 1:6

Yohane a a ambele voya bya kamela, a tibohile xisuti hi vamba ra dzovo, a dya tinjiya ni vulombe bya nhova.

Yeremiya 6:15

Va ta khomisiwa tingana, hikuva va ri karhi va endla leswo biha. Yo! A va tivi ku khomisiwa hi tingana, a va twi ku vaviseka hi tingana, hikwalaho va ta wa ni lava waka: Siku ndzi va tshinyaka, va ta wisiwa,” ku vula Yehovha.

Yeremiya 2:26

“Hilaha khamba ri khomisiwaka tingana loko ri khomiwa, yindlu ya Israele yi ta khomisiwa tingana hi mukhuva wolowo, yona ni tihosi ta yona ni vakulukumba va yona, ni vaprista va yona, ni vaprofeta va yona;

Vaheveru 11:37

Va khandliwile hi maribye va sahiwile, va ringiwile, va dlayiwile hi ku kariha ka fumu, va tsendzeleke hinkwako va ambele madzovo ya tinyimpfu ni ya timbuti; va lahlekeriwa hi hinkwaswo, va xanisiwa, va endliwa hi nsele;

Yeremiya 8:9

Lavo tlhariha va ta khomiwa hi tingana, va ta rhurhumela, kutani va ta khomiwa va sandzile rito ra Yehovha, va ni vutlhari byihi-ke?