Zakariya 13:1 - Xitsonga (Bibele)

¹ “Xihlovo xi ta va kona, hi siku rolero, lexi nga ta funungulelwa yindlu ya Davhida ni vaaki va Yerusalema, ku hlantswa xivi ni thyaka.

BIBELE Mahungu Lamanene

¹ “Hi siku rero ku ta baleka xihlovo lexi xi nga ta basisa vatukulu va Davhida ni vaaki va Yerusalema, xi susa swidyoho swa vona ni swilo swa vona swa manyala.”

Zakariya 13:1 Referans Kwoze

Pisalema 51:2

Ndzi hlantswe kunene, u susa ku homboloka ka mina, U ndzi basisa hi ku susa swivi swa mina,

1 Vakorinto 6:11

Kambe hi leswi van'wana ingi va ri swona eka n'wina; kambe mi hlantswiwile, kambe mi kwetsimisiwile, kambe mi hlayiwile lava lulameke hi vito ra Hosi Yesu, ni Moya wa Xikwembu xa hina.

Yohane 1:29

Siku leri tlhandlamaka, Yohane loko a vona Yesu a ta eka yena, a ku: “Vonani Xinyimpfana xa Xikwembu, lexi susaka xidyoho xa misava.

Ezekiele 36:25

ndzi ta mi xuva hi mati layo basa, mi ta tenga; ndzi ta mi basisa eka mathyaka ya n'wina hinkwawo ni ka swifaniso swa n'wina hinkwaswo.

1 Yohane 5:6

Yesu Kriste, hi yena la nga ta hi mati ni ngati; ku nga ri hi mati ntsena, kambe hi mati ni ngati; kutani moya, hi yona mbhoni, hikuva Moya i ntiyiso.

1 Yohane 1:7

Kambe kungakuloko hi famba eku vonakaleni, kukota xona xi nga eku ku vonakaleni, hi ni ku hlangana swin'we, kutani ngati ya Yesu Kriste, N'wana wa xona, ya hi hlantswa, yi susa swidyoho hinkwaswo swa hina.

Yeremiya 17:13

Wena Yehovha, ku tshemba ka Israele! Lava ku tshikaka hinkwavo va ta khomisiwa tingana. Lava ndzi tshikaka va ta tswariwa emisaveni, hikuva va tshikile xihlovo xa mati lama hanyisaka, a nga Yehovha.

1 Petro 1:19

ku nga ri hi leswi bolaka, hi silivhere, kumbe nsuku, kambe ku va hi ngati leyi pfumariwaka ya xinyimpfana, lexi nga riki na xivati ni xisandzu, a nga Kriste;

Zakariya 12:3

Kambe hi siku rolero, ndzi ta endla ha Yerusalema ribye lero tika eka matiko hinkwawo; hinkwavo lava ri tlakulaka va ta vavisiwa, kutani matiko hinkwawo ya misava ma ta ri rhendzela.

Pisalema 51:7

Ndzi basise hi hisopa, hi kona ndzi nga ta tenga; Ndzi hlantswe kutani ndzi ta basa ku tlula gamboko.

Ezekiele 36:29

Ndzi ta mi lwela eka mathyaka ya n'wina hinkwawo; ndzi ta vitana koro, ndzi yi andzisa, ndzi nga ka ndzi nga ha wisi ndlala eka n'wina.

Ezekiele 36:17

“N'wana wa munhu, va yindlu ya Israele, loko va ha tshamile etikweni ra vona, va ri nyamisile hi tindlela ta vona ni swiendlo swa vona; swiendlo swa vona, emahlweni ka mina, a swi fana ni thyaka ra wansati.

Esaya 4:4

Kutakuloko Hosi yi hlantswile thyaka ra vanhwana va Siyoni, kutani a susile ngati leyi nga exikarhi ka Yerusalema, hi moya wa ku avanyisa ni moya wa ku lovisa,

Yeremiya 2:13

“Hikuva tiko ra mina ri dyohile kambirhi: va ndzi tshikile, mina ndzi nga nseledyana ya mati lama pfelelaka kambe va ticelele swihlovo, le swi handzukeke, leswi nga kotiki ku hlayisa mati.

Yeremiya 29:26

‘Yehovha u ku vekile muprista ematshan'weni ya muprista Yehoyada leswaku u va mukamberi endlwini ya Yehovha eka munhu un'wana ni un'wana la hlanyaka, la tiendlaka muprofeta leswaku u n'wi pfalela, u n'wi nghenisa ni le khotsweni.

Yeremiya 33:8

Ndzi ta va basisa eku hombolokeni hinkwako ka vona loku va ndzi dyoheleke hakona, ndzi va tshikela swidyoho hinkwaswo leswi va ndzi dyoheleke ha swona, leswi va nga ndzi pfukela ha swona.

Ezekiele 47:1

Kutani a ndzi tlherisela enyangweni ya yindlu; kutani vonani! Mati a ma huma hi le hansi ka vukhandziyo bya nyangwa ya yindlu, hitlhelo ra vuxa; mati a ma xika le tlhelweni ra xinene ra yindlu, edzongeni ra alitari.

Zakariya 12:14

ni loko ku ri etinxakeni tin'wana hinkwato, rixaka rin'wana ni rin'wana hitlhelo, ni vasati va kona hitlhelo.

Levhitika 11:36

Kambe seledyane, kumbe xihlovo laha mati ma teleke kona, swi ta sala swi tengile; kambe la khumbaka miri ya swona loko swi file, u ta va la nga tengangiki.

Esaya 12:3

“Mi ta tikela mati hi ku tsaka eswihlobyeni swa ku hlayiseka,” kutani hi siku rero mi ta ku:

Mikiya 5:12

Kutani ndzi ta susa ku kanganyisa evokweni ra wena, ni vangoma a va nga ha vi kona eka wena.

Yohane 5:4

Hikuva ntsumi a yi xikela evuhlambelweni hi nkarhi wun'wana, yi pfindlusa mati; kutani loyi a rhangeke a nghena loko mati ma ha ku pfindlusiwa, a hanyisiwa, hambi a khomiwa hi vuvabyi byihi ni byihi.