Zakariya 12:6 - Xitsonga (Bibele)

⁶ “Hi siku rolero ndzi ta endla tihosana ta Yuda ti va kukota xitiko xa ndzilo exikarhi ka tihunyi, ni xisana xa ndzilo exikarhi ka tinyandza, ti ta dya exineneni ni le ximatsini matiko hinkwawo ya le matlhelweni; loko a ri Yerusalema, u ta tshama exiteni xa yena eYerusalema.

BIBELE Mahungu Lamanene

⁶ “Hi siku rero, varhangeri va ka Yuda ndzi ta va endla ndzilo lowu pfurhaka exihlahleni; va ta fana ni langavi leri vuvumelaka etinhlangeni, kutani va ta herisa tinxaka hinkwato leti ti va rhendzeleke hi matlhelo hinkwawo. Kambe loko wu ri muti wa Yerusalema, wona wu ta tshama wu hlayisekile kwala wu nga kona.”

Zakariya 12:6 Referans Kwoze

Obadiya 1:18

Yindlu ya Yakobo yi ta va ndzilo, yindlu ya Yosefa yi va langavi; yona yindlu ya Esawu yi va malakarhi; va ta yi hisa, va yi lovisa, ku nga ka ku nga poni nchumu eka yindlu ya Esawu, hikuva Yehovha u vurisile.

Zakariya 2:4

yi ku eka yona: “Tsutsuma, u byela ndzisanyana loyi, u ku: ‘Yerusalema u ta akiwa kukota muti lowu nga riki na rirhangu, hikwalaho ka vunyingi bya vanhu ni swifuwo leswi nga ta va eka wona.

Zakariya 9:15

Yehovha wa tinyimpi u ta va sirhelela, va ta dya [valala va vona], va kandziya maribye ya swipelupelu; va ta nwa, va huvela kukotisa loko ku nga hi vhinyo; va ta tala kukotisa nkambana wa magandzelo, kukota tinhla ta alitari.

Mikiya 4:13

Pfuka u hula, n'wana Siyoni, hikuva ndzi ta ku endlela rimhondzo ra nsimbhi, ni min'wala ya koporo, u ta fayetela matiko layo tala; ndzi ta hlawulela Yehovha rifuwo ra wona, ni vukosi bya wona, ndzi hlawulela hosi ya misava hinkwayo.

Yeremiya 30:18

“Hikuva, ku vula Yehovha: Ndzi ta tlherisa lava khomiweke emitsongeni ya Yakobo, ndzi twela vuako bya vona vusiwana; muti wu ta vuyisiwa exiteni xa wona, ni yindlu ya vuhosi yi ta akiwa hi mukhuva wa yona.

Esaya 54:3

Hikuva u ta hangalaka tlhelo ra xinene ni tlhelo ra ximatsi, kutani vatukulu va wena va ta hlula matiko, va ta aka emitini leyi tshikiweke.

Esaya 9:20

Ka phangiwa hitlhelo ra xinene, kambe va fa hi ndlala; va dya hitlhelo ra ximatsi, kambe a va xurhi. Un'wana ni un'wana u ta dya nyama ya voko ra yena.

Nhlavutelo 20:9

Kutani va tlhandlukele erivaleni ra misava, va rhendzela mixaxa ya vakwetsimi, ni muti lowu rhandziwaka, kambe ndzilo wu xika hi le tilweni wu va heta.

2 Vakorinto 6:7

hi tipfuna hi matlhari ya ku lulama, lama tameriwaka hi voko ra xinene ni ra ximatsi;

Zakariya 11:1

Wena, Lebanoni, pfula tinyangwa ta wena, ndzilo wu ta hisa tikedari ta wena!

Zakariya 2:12

Yehovha u ta fuma Yuda, yi va ndzhaka ya yena etikweni leri hlawuriweke u ta tihlawulela Yerusalema, kambe!”

Zakariya 1:16

Hikwalaho, ku vula Yehovha, ndzi vuyela eka Yerusalema, hi tintswalo, yindlu ya mina yi ta tlhela yi akiwa kona, ku vula Yehovha wa tinyimpi, kutani ngoti ya ku pima yi ta tshambulutiwa ehenhla ka Yerusalema.

Zakariya 12:5

Tihosana ta Yuda ti ta ku etimbilwini ta tona: ‘Vaaki va Yerusalema, i matimba ya hina, ha Yehovha wa tinyimpi, Xikwembu xa vona.’