Zakariya 12:3 - Xitsonga (Bibele)

³ Kambe hi siku rolero, ndzi ta endla ha Yerusalema ribye lero tika eka matiko hinkwawo; hinkwavo lava ri tlakulaka va ta vavisiwa, kutani matiko hinkwawo ya misava ma ta ri rhendzela.

BIBELE Mahungu Lamanene

³ Hi siku rero, muti wa Yerusalema ndzi ta wu endla ribye lero tika; vanhu hinkwavo lava va nga ta ringeta ku ri tlakula, ri ta va tsandza, ri va vavisa swinene. Kutani matiko hinkwawo ya misava ma ta ri hlengela.

Zakariya 12:3 Referans Kwoze

Matewu 21:44

Kutani la nga ta wela ehenhla ka ribye rero u ta handzuka; ri ta phyandlasa yeloyi ri n'wi weleke ehenhla.”

Luka 20:18

Un'wana ni un'wana la nga ta wela ehenhla ka ribye leri, u ta pyanyiwa; kambe ri ta pyanya loyi ri nga ta n'wi wela ehenhla.”

Zakariya 14:6

Esikwini rolero, ku vonakala a ku nga vi kona, ku kwetsima ka tinyeleti ku ta swihala.

Zakariya 13:1

“Xihlovo xi ta va kona, hi siku rolero, lexi nga ta funungulelwa yindlu ya Davhida ni vaaki va Yerusalema, ku hlantswa xivi ni thyaka.

Zakariya 12:11

“Esikwini rolero, xirilo xi ta va lexikulu eYerusalema, xi kota xirilo xa Hadada-Rimoni enkoveni wa Megido.

Nhlavutelo 16:14

Hi yona mimoya ya mademona leyi endlaka mahlori, leyi yaka eka tihosi ta misava hinkwayo ku ta ti hlengeletela ku lwa ka siku lerikulu ra Xikwembu xa matimba hinkwawo.

Zakariya 14:13

Hi siku rolero, dzolonga lerikulu leri humaka eka Yehovha ri ta va kona exikarhi ka vona, un'wana ni un'wana u ta khoma voko ra un'wana voko ra yena ri tlakukela ehenhla ka voko ra warikwavo.

Zakariya 12:6

“Hi siku rolero ndzi ta endla tihosana ta Yuda ti va kukota xitiko xa ndzilo exikarhi ka tihunyi, ni xisana xa ndzilo exikarhi ka tinyandza, ti ta dya exineneni ni le ximatsini matiko hinkwawo ya le matlhelweni; loko a ri Yerusalema, u ta tshama exiteni xa yena eYerusalema.

Zakariya 12:4

Hi siku rolero, ku vula Yehovha, ndzi ta ba tihanci hinkwato hi ntshuko, ni vakhandziyi hi vuhlanyi; ndzi ta languta hi mahlo ya mina yindlu ya Yuda, tihanci hinkwato ta matiko ndzi ta ti ba hi ku ti swihata mahlo.

Hagayi 2:22

ndzi lovisa matimba ya ku fuma ka matiko, ndzi andlala tigolonyi ni lava fambaka ha tona; tihanci ni vakhandziyi va tona va ta wa un'wana ni un'wana hi fumu ra warikwavo.

Sofoniya 3:19

Vona, enkarhini wolowo, ndzi ta va ni mhaka ni vaxanisi va wena hinkwavo, ndzi hanyisa [nyimpfu] leyi khwitaka, ndzi hlengeleta leyi hlongoriweke, kutani ndzi ta va endla lava twarisiwaka ni lava twaleke ematikweni hinkwawo, laha va nga khomiwa hi tingana.

Habakuku 2:17

Hikuva vumbabva lebyi endliweke eLebanoni byi ta ku funengeta, ni ku onha loku vuyeke ku chavisa swiharhi. Swi ta va tano hikwalaho ka ngati ya vanhu, ni hikwalaho ka ku pfukela tiko matimba, ni muti ni hinkwavo lava akeke eka wona.

Mikiya 5:15

ndzi ta tirihisela hi vurhenha ni ku kariha ehenhla ka matiko lama nga yingisangiki.

Mikiya 5:8

Kambe lava seleke va Yakobo va ta va exikarhi ka matiko ni tinxaka leto tala kukotisa nghala exikarhi ka swiharhi swa nhova, ni xinghalana exikarhi ka ntlhambi wa tinyimpfu; yi nga loko yi hundza yi kandziyela, yi handzula, ku nga ri na loyi a ponisaka!

Obadiya 1:18

Yindlu ya Yakobo yi ta va ndzilo, yindlu ya Yosefa yi va langavi; yona yindlu ya Esawu yi va malakarhi; va ta yi hisa, va yi lovisa, ku nga ka ku nga poni nchumu eka yindlu ya Esawu, hikuva Yehovha u vurisile.

Esaya 60:12

Hikuva matiko lama nga ku tirheliki ma ta lova, matiko lawa ma ta herisiwa.