Zakariya 12:12 - Xitsonga (Bibele)

¹² Misava yi ta rila, ku rila tinxaka hinkwato ha rin'werin'we: Rixaka ra yindlu ya Davhida hitlhelo, ni vasati va kona hitlhelo; rixaka ra yindlu ya Natani hitlhelo, ni vasati va kona hitlhelo;

BIBELE Mahungu Lamanene

¹² Tiko ri ta va enkosini: Ndyangu wun'wana ni wun'wana wu ta rila wu ri woxe. Va ka Davhida va ta rila va ri voxe, vasati va vona va rila va ri etlhelo. Va ka Natani va ta rila va ri voxe, vasati va vona va rila va ri etlhelo.

Zakariya 12:12 Referans Kwoze

Nhlavutelo 1:7

Vonani, wa ta hi mapapa; mahlo hinkwawo ma ta n'wi vona, na vona lava n'wi tlhaveke, kutani tinxaka hinkwato ta misava ti ta tiba swifuva hikwalaho ka yena. Ina, Amen!

Luka 3:31

wa Meleya, wa Mena, wa Matata, wa Natani, wa Davhida;

Matewu 24:30

Enkarhini wolowo, xikombiso xa le tilweni, hi kona matiko hinkwawo ya misava ma nga ta tiba xifuva, va ta vona N'wana wa Munhu a ta hi mapapa ya le tilweni, hi matimba lamakulu, ni ku vonakala lokukulu.

Zakariya 7:3

ni ku vutisa vaprista va yindlu ya Yehovha wa tinyimpi ni vaprofeta, leswaku: “Xana ndza ha ta rila ni ku titsona swakudya hi n'hweti ya vuntlhanu tanihi leswi ndzi swi endleke hi malembe layo nghasi?”

2 SAMIELE 5:14

Hi wona mavito ya lava velekeriweke yena eYerusalema: Xamuwa na Xobabu, na Natani, na Solomoni;

1 Vakorinto 7:5

Mi nga tshuki mi tsonana, loko ku nga ri hi ku pfumelelana, hi nkarhi wun'wana, loko mi rhandza ku titsona swakudya ni ku khongela, kutani ndzhaku, mi tlhela mi hlangana, Satana a nga ti tshuka a mi ringa hi ku navela ka n'wina loku mi hlulaka.

Yuwele 2:16

Hlengeletani tiko mi endla nhlengeleto leyi hlawuriweke! Rhambani swikoxa, rhambani ni swihlangi, hambi swi ri leswi an'waka emaveleni! Loyi a ha ku tekaka nsati a a hume endlwini ya yena ni loyi a ha ku tekiwaka a hume ekamareni ya yena.

Yeremiya 31:18

“Ndzi twile Efrayimi loko a tirilela, a ku: ‘U ndzi holovele hi ku holova loku kotisaka xinkuzana lexi nga siki dyondzisiwaka: Ndzi tlherisele eka wena, hi kona ndzi nga ta tlhela; hikuva u Yehovha, Xikwembu xanga!

Yeremiya 13:18

Byela hosi ni nkosikazi, u ku: “Titsongahateni, mi tshamisa ehansi hikuva harhi ya vuhosi ya ku kwetsima ka n'wina yi wile etinhlokweni ta n'wina.”

Yeremiya 4:28

Hikwalaho tiko ri ta rila, ni matilo lama nge henhlahenhla ma ta hundzuka ntima, hikuva ndzi vula leswi ndzi swi anakanyeke, ndzi nga ka ndzi nga tshiki, ndzi nga ka ndzi nga hundzuki eka swona.”

Yeremiya 3:21

Rito ri twakala etintshaveni leti tlakukeke, i ra swirilo ni mikhongelo ya vana va Israele, hikuva va hombolokisile tindlela ta vona, va rivele Yehovha, Xikwembu xa vona.

2 SAMIELE 12:1

Kutani Yehovha a rhuma Natani eka Davhida. Kavaloko a ta eka Davhida, a ku eka yena: “Emutini wun'wana a ku ri ni vanhu vambirhi un'wana a a ri mufuwi, un'wana a a ri xisiwana.

Eksoda 12:30

Kutani Faro a pfuka nivusiku, ni malandza ya yena hinkwawo, ni Vaegipta hinkwavo; ku va ni xirilo lexikulu eEgipta, hikuva a ku nga ri na yindlu leyi pfumaleke mufi.

Zakariya 12:11

“Esikwini rolero, xirilo xi ta va lexikulu eYerusalema, xi kota xirilo xa Hadada-Rimoni enkoveni wa Megido.

Zakariya 12:13

rixaka ra yindlu ya Levhi hitlhelo, ni vasati va kona hitlhelo; rixaka ra Ximeyi hitlhelo, ni vasati va kona hitlhelo;