Zakariya 11:7 - Xitsonga (Bibele)

⁷ Kavaloko ndzi risa tinyimpfu leti dlayiwaka, ti ri leti tsaneke ta ntlhambi; ndzi titekela mikhavi mimbirhi, wun'wana ndzi wu thya Tintswalo, wun'wana ndzi wu thya Vamba; ndzi risa ntlhambi kutani.

BIBELE Mahungu Lamanene

⁷ Hi mukhuva wolowo ndzi hundzukile murisi wa tinyimpfu leti vaxavi va tona a va ti yisa eku dlayiweni. Kutani ndzi lavile tinhonga timbirhi, yin'wana ndzi yi thya vito ra “Musa”, leyin'wana ndzi yi thya vito ra “Vuxaka”, kutani ndzi nghena eku riseni ka tinyimpfu ta kona.

Zakariya 11:7 Referans Kwoze

Zakariya 11:14

Ndzi tshova ni nkhavi wa mina wa vumbirhi, ri nga vamba, ndzi ta herisa vuxaka exikarhi ka Yuda na Israele.

Zakariya 11:4

Yehovha, Xikwembu xa mina, u te eka mina: “Risa tinyimpfu leti dlayiwaka, leti lava nga ti xava, va ti dlayaka va nga vekiwi nandzu,

Esaya 11:4

U ta avanyisa xisiwana hi ku lulama, a kanela timhaka ta lavatsongo va misava hakunene. U ta ba misava hi nhonga ya nomu wa yena, a lovisa swidyohi hi moya wa nomu wa yena.

Sofoniya 3:12

Ndzi ta siya vanhu lava tsongahaleke, lava swisiwana exikarhi ka wena, kutani va ta tshemba vito ra Yehovha.

Esaya 61:1

Moya wa Hosi, Yehovha, wu le ka mina, hikuva u ndzi totile ku byela swisiwana mahungu ya ku saseka; u ndzi rhumile ku horisa lava nga ni timbilu leti vavisekaka, ku tivisa lava bohiweke leswaku va ta tshunxiwa, ni lava khotsiweke leswaku va ta humesiwa;

Yakobo 2:5

Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

Yohane 10:16

Ndza ha ri ni tinyimpfu tin'wana leti nga riki ta tshanga leri; na tona ndzi fanele ku ti tisa, ti ta yingisa rito ra mina; kutani ntlhambi wu ta va wun'we, ni murisi a va un'we.

Marka 12:37

Xana loko yena Davhida a n'wi vula hosi, a nga va n'wana wa yena hi mukhuva wihi xana?” Kutani ntshungu lowunyingi a wu n'wi yingisa hi ku tsaka.

Matewu 11:5

Vo fa mahlo va tlhela va vona, lavo khwita va famba, va nhlokonho va basisiwa, vo fa tindleve va yingisa, va ku fa va pfuka, swisiwana swi byeriwa Evhangeli;

Pisalema 23:4

Ni loko ndzi famba enkoveni wa ndzhuti wa rifu, A ndzi chavi ku biha ni kun'we, hikuva u na mina: Nhonga ya wena ni xongotelo ra wena, hi swona leswi ndzi tiyisaka.

1 SAMIELE 17:43

Kavaloko Mufilista a ku eka Davhida: “Xana ndzi mbyana, leswi u taka ka mina hi tinhonga!” Kutani Mufilista a rhuketela Davhida hi swikwembu swa yena.

1 SAMIELE 17:40

Kutani Davhida a hluvula a teka nhonga ya yena evokweni, a ya exinambyaneni, a hlawula maribye ya ntlhanu layo tshwulungeka, a ma veka enkwameni wa yena wa murisi, kutani a tshinelela Mufilista a ri ni xipelupelu evokweni ra yena.

Levhitika 27:32

Loko swi ri swa vukhume swa swifuwo leswikulu ni leswitsongo swa hinkwaswo leswi risiwaka, xifuwo xin'wana ni xin'wana xa vukhume xi ta hlawuleriwa Yehovha.

Pisalema 27:4

Ndzi komberile xilo xin'we eka Yehovha, ndza ha xi navela ngopfu: Hi leswaku ndzi tshama endlwini ya Yehovha hi masiku hinkwawo ya ku hanya ka mina. Ndzi ta hlalela ku kwetsima ka Yehovha, Ndzi va ndzi kambisisa tempele ya yena.

Pisalema 90:17

Tintswalo ta Yehovha, Xikwembu xa hina, a ti ve ka hina! Hi tiyisele ntirho wa mavoko ya hina, Ina, tiyisa ntirho wa mavoko ya hina!

Yeremiya 39:10

Kambe loko swi ri swisiwana swa tiko, lava nga riki na nchumu, Nebuzaradani, ndhuna ya valanguteri, a va siya etikweni ra Yuda, a va nyika siku lero tivhinya ni masimu.

Esaya 40:11

Tanihi murisi, u ta risa ntlhambi wa yena; u ta rhola swinyimpfana hi mavoko u ta swi vukarha erhumbyini ra yena, u ta fambisa khwatsi leti an'wisaka.

Mikiya 7:14

Risa hi nhonga tiko ra wena, ti nga tinyimpfu ta ndzhaka ya wena, leti tshameke ti ri toxe exihlahleni lexi nga exikarhi ka Karmele; a ti humele eBaxani ni le Giliyadi, kukotisa masiku ya khale.