Zakariya 11:3 - Xitsonga (Bibele)

³ Ku twakala swirilo swa varisi, hikuva ku tibombisa ka vona ku herisiwile ku twakala ku vuvula ka swinghalana hikuva ku tidzunisa ka Yordani ku herisiwile.

BIBELE Mahungu Lamanene

³ Yingisani swirilo swa varisi va kona, hikuva ku twala ka vona loku hlamarisaka ku onhakile. Twanani ku bonga ka tinghala leti, hikuva swihlahla swa tona leswo saseka swa le Yordani, swi herisiwile.

Zakariya 11:3 Referans Kwoze

Yeremiya 50:44

“Vonani, kukota nghala loko yi huma eswihlahleni swa Yordani, u tlhandlukela evuakweni lebyo tiyisiwa; kambe ndzi ta n'wi hlongola kan'we; kutani loyi ndzi n'wi hlawuleke, ndzi ta n'wi lerisa byona; hikuva i mani la kotaka mina? I mani la nga ndzi vitelaka ehubyeni? I mani hosi leyi nga yimaka emahlweni ka mina?

Timhaka 7:52

Hi wihi muprofeta loyi vatata wa n'wina va nga n'wi xanisangiki? Va dlele ni lava vuleke eku sunguleni ku ta eka loyi a lulameke, loyi sweswi, mi n'wi xengeke, kutani mi hundzukile vadlayi va yena;

Matewu 15:14

Va tshikeni, i vo fa mahlo lava fambisaka vo fa mahlo. Lowo fa mahlo loko a fambisa lowo fa mahlokulobye va ta wela ekheleni havambirhi.”

Zakariya 11:8

Ndzi lovisa varisi vanharhu hi n'hweti yin'we; ntsena moya wa mina wu herisiwa mbilu hi tinyimpfu; na tona, mimoya ya tona yi phiriwa hi mina.

Sofoniya 3:11

Esikwini lero, a ku nga ha khomiwi hi tingana hikwalaho ka swiendlo swa wena hinkwaswo leswi u ndzi hundzukeleke ha swona; hikuva kona ndzi ta susa lava titsakelaka eku tikukumuxeni ka vona exikarhi ka wena, kutani a ku nga ha tshami u tikukumuxa entshaveni ya mina leyi hlawulekeke.

Sofoniya 3:3

Tihosi ta wona, i tinghala leti dzumadzumaka exikarhi ka wona; vaavanyisi va wona, i timhisi ta madyambu leti nga hlayiseriki nchumu swa mundzuku.

Sofoniya 1:10

“Esikwini lero,” ku vula Yehovha, “ku ta twakala huwa leyi pfaka enyangweni ya tinhlampfi, ni swirilo leswi pfaka etlhelweni rin'wana ra muti, ni ku onhaka lokukulu ka le switsungeni.

Amosi 8:8

Xana misava yi nga ka yi nga tsekatseki hikwalaho ka sweswo-ke? Lava akeke eka rona hinkwavo va ta va ni tingana? Misava yi ta tlakuka hinkwayo ku fana ni nambu; yi ta tlakuka, yi tlhela yi phya kukota nambu wa Egipta.”

Yuwele 1:13

N'wina vaprista, ambalani maxuka mi tiba swifuva! Rilani, n'wina lava mi tirhelaka alitari. Tanani mi tshama nivusiku, mi funengele maxuka, n'wina lava mi tirhelaka Xikwembu xa mina! Hikuva mihlengo ni magandzelo a swa ha fiki endlwini ya Xikwembu xa n'wina!

Hosiya 10:5

Vaaki va Samariya va chava hikwalaho ka rhole ra Beta-Avene; hikuva tiko ra kona ri le nkosini ni vaprista va kona va rhurhumela hikwalaho ka rona, ni hikwalaho ka ku twala ka rona, hikuva ku sukile eka rona.

Yeremiya 49:19

“Vona, kukota nghala, u huma eswihlahleni swa Yordani, u tlhandlukela evuakweni lebyo tiya; kan'we ndzi ta balekisa Edomu, a suka kona; kutani yeloyi ndzi n'wi hlawuleke, ndzi ta lerisa yena ehenhla ka byona. Hikuva i mani la kotaka mina? I mani la nga ndzi vitelaka ehubyeni? I mani, murisi la nga yimaka emahlweni ka mina?

Yeremiya 26:6

ndzi ta endla yindlu leyi kukotisa Xilo, ni muti lowu, ndzi wu endla eXilo lexo rhukaniwa hi matiko hinkwawo ya misava.’ ”

Yeremiya 7:4

Mi nga titshembisi hi ku vula swahava, loko mi ku: “Tempele ya Yehovha, tempele ya Yehovha, tempele ya Yehovha hi yoleyo.”

Yeremiya 2:30

“Ndzi tshinyile vana va n'wina mahala, a va amukelanga ku layiwa; fumu ra n'wina ri dlayile vaprofeta va n'wina kukotisa nghala leyi handzulaka!

Yeremiya 2:15

Tinghala ta n'wi mpfandzela, ti pfumisa marito ya tona, kutani ti handzula tiko ra yena, ku va ku onhaka ntsena; miti ya yena yi hisiwile, yi pfumarile vaaki.

Esaya 65:15

Vito ra n'wina ri ta sala ri va ndzhukano exikarhi ka vahlawuriwa va mina; kutani Hosi Yehovha u ta ku dlaya kambe u ta thya vahlawuriwa va yena vito rin'wana.

Pisalema 22:21

U ndzi ponisa enon'wini wa nghala, Kambe u ndzi lwela etimhondzweni ta tinyarhi!

Esaya 5:29

Ku dzumadzuma ka vona ku fana ni ka ntswele ya nghala, va phandza tanihi nghala leyi ntshwa. Ya phandza, ya bvanyangeta, yi vutla, ku hava la yi namurhutaka!

Zakariya 11:2

Rila, kipresi, hikuva kedari yi wile, hikuva mirhi leyo leha yi onhiwile! Rilani, n'wina, tieike ta Baxani, hikuva xihlahla lexi nga ngheniwiki xi wisiwile!

Ezekiele 19:2

Mana wa wena ingi a ri mani? Nghala ya ntswele. Yi etlele exikarhi ka tinghala; exikarhi ka swinghalana yi an'wisile swinghalana swa yona.