Zakariya 11:17 - Xitsonga (Bibele)

¹⁷ “U ni khombo murisi wa swahava, la tshikaka ntlhambi! Fumu ri ta ba voko ra yena, ri ta omelela kunene, tihlo ra yena ra xinene ri ta fa.”

BIBELE Mahungu Lamanene

¹⁷ “Ú ni khombo murisi wa mina loyi a nga pfuniki nchumu, loyi a sukelaka ntlhambi. Voko ra yena a ri tlhaviwe hi fumu, tlhari a ri n'wi xokole tihlo ra xinene! Voko ra yena a ri khwanyane kunene, tihlo ra yena ra xinene ri fela makumu!”

Zakariya 11:17 Referans Kwoze

Yeremiya 23:1

“Va ni khombo varisi lava onhaka, lava hangalasaka ntlhambi wa madyelo ya mina,” ku vula Yehovha.

Ezekiele 13:3

Ku vula Hosi Yehovha: Va ni khombo vaprofeta va mavunwa, lava landzaka miehleketo ya timbilu ta vona, kasi a va voni nchumu!

1 Vakorinto 8:4

Loko ku ri ku dya leswi tlhaveriweke swifaniso, ha swi tiva leswaku xifaniso a hi nchumu emisaveni, hikuva a ku na xikwembu ximbe loko xi nga ri xin'we ntsena.

Ezekiele 34:2

“N'wana wa munhu, profeta eka varisi va Israele, profeta, u ku eka vona: Hosi Yehovha u ri eka varisi: Khombo eka varisi va Israele lava tiphamelaka; a ndzi ku varisi va fanele ku phamela mitlhambi xana?

Matewu 23:16

“Mi ni khombo n'wina, vafambisi lava feke mahlo, hikuva mi ku: ‘Munhu loko a hlambanya hi tempele a hi nchumu; kambe loko a hlambanya hi nsuku wa tempele, u tibohile!’

Yeremiya 23:32

Vonani, ndzi ni mitengo na lava profetaka milorho ya mavunwa, ku vula Yehovha, va yi vulavulaka ku hambuxa tiko ra mina hi mavunwa ya vona, ni ku tikanganyisa ka vona; kasi a ndzi va rhumanga, a ndzi va nyikanga ku lerisa; loko ku ri ku pfuna, a va pfuni tiko leri ha nchumu, ku vula Yehovha.

Varhoma 11:7

Swo vini kutani? Lexi Israele a nga xi lava, a nga xi kumanga, kambe vahlawuriwa va xi kumile; kasi van'wana va nonon'hwisiwile,

Yohane 12:40

“U phumerisile mahlo ya vona, u nonon'hwisile timbilu ta vona, leswaku va nga tshuki va vona hi mahlo, va nga tshuki va twisisa hi timbilu va nga tshuki va hundzuka, kutani ndzi nga tshuki ndzi va hanyisa.”

Yohane 9:39

Yesu a ku: “Ndzi tile emisaveni leyi, ku avanyisa, leswaku lava nga voniki va vona; ni leswaku lava vonaka, va hundzuka lavo fa mahlo.”

Matewu 23:13

“Kasi mi ni khombo n'wina vatsari ni Vafarisi, vamanyunyu, hikuva mi pfalela vanhu ku fuma ka matilo; kambe n'wina a mi ngheni kona kutani lava rhandzaka ku nghena a mi va pfumeleri ku nghena.

Yeremiya 22:1

Ku vula Yehovha, a ku: “Xikela endlwini ya hosi ya Yuda, kutani u yi byela kona rito leri, u ku:

Esaya 44:10

La vumbeke xikwembu, la n'okiseke xifaniso leswaku xi nga pfuni nchumu, i mani?

Esaya 29:10

Hikuva Yehovha u mi nyike moya wa vurhongo, u pfarile mahlo ya n'wina, hileswaku vaprofeta; u funengete tinhloko ta n'wina hi ritsandze, hileswaku vavoni.

Esaya 9:15

Nkulukumba ni ndhuna i nhloko kutani muprofeta la dyondzisaka mavunwa, i ncila.

1 TIHOSI 13:4

Kuteloko hosi Yerobuwamu a twile rito leri munhu wa Xikwembu a ri huwelelaka emahlweni ka alitari ya Betele, a tshambuluta voko a ri ealitarini, a ku: “N'wi khomeni!” Kasi voko leri a ri tshambuluteleke yena, ri oma, a tsandzeka ku ri tlherisa eka yena.

1 SAMIELE 2:31

Masiku ma ta, lawa ndzi nga ta tshova voko ra wena ni voko ra yindlu ya tata wa wena leswaku ku nga ha vi na wanuna la dyuhalaka endlwini ya wena.

Zakariya 10:2

Hikuva titerafi ti vula swahava. Vangoma va bvumbhile swa mavunwa, i milorho yo xisa leyi va nga yi lorha, va chavelela hi swahava. Hikwalaho, tiko ri sukile kukotisa ntlhambi, va xaniseka hi ku pfumala murisi.

Zakariya 11:15

Yehovha a ku eka mina: “U engeta u titekela leswi nga swa murisi wa swahava!