Zakariya 11:16 - Xitsonga (Bibele)

¹⁶ Hikuva ndzi ta pfuxa emisaveni, murisi loyi a nga taka a nga hlayisi tinyimpfu leti lovaka, a nga lavi leyi lahlekeke, leyi tshovekeke, a nga yi ongoli, ni leyi fambaka a nga ka a nga yi phameli, ntsena u ta dya nyama ya leti noneke, a ko a pandza ni swinyondzwana swa tona.

BIBELE Mahungu Lamanene

¹⁶ hikuva ndzi ta veka murisi lontshwa etikweni leri: A nga ka a nga vi na mhaka ni tinyimpfu leti lovaka; leti lahlekeke a nga ka a nga ti landzi; a nge tshunguli leti vavisekeke, ni loko ti tsakile, a nge ti phameli. Ú ta tiva ntsena ku dya nyama ya leti noneke, a phorha ni swinyondzwana swa tona.

Zakariya 11:16 Referans Kwoze

Yeremiya 23:2

Hikwalaho, Yehovha, Xikwembu xa Israele, a nge eka varisi lava risaka tiko ra mina: “Mi hangalasile ntlhambi wa mina, mi wu hlongola, a mi wu kambelanga; vonani, ndzi ta tlherisela eka n'wina hi vumbabva bya ku endla ka n'wina, ku vula Yehovha.

Yohane 10:1

“Ndzi vurisile ndzi ri eka n'wina: La nga ngheniki hi nyangwa etshangeni ra tinyimpfu, kambe a tlulela hi kun'wana, i muyivi ni khamba.

Ezekiele 34:21

Hikuva mi susumete hi rivambu ni khatla, mi be leti vabyaka hinkwato hi timhondzo ta n'wina ku fikela loko mi ti hangalasela ehandle.

Ezekiele 34:16

Ndzi ta lava leyi lahlekeke ndzi landza leyi tlheleke, ndzi bohelela leyi tshovekeke, ndzi tiyisisa leyi vabyaka; kambe ndzi ta lovisa leyi noneke ni leya matimba; ndzi ta ti risa hi ku avanyisa.

Ezekiele 34:10

Hosi Yehovha u ri: Vonani, mina ndzi le ka varisi; na swona ndzi ta vita tinyimpfu ta mina emavokweni ya vona, ndzi va tshikisa ku phamela tinyimpfu; varisi a va nga ha tiphameli va ri vona, hikuva ndzi ta ponisa ntlhambi wa mina enon'wini wa vona a swi nga ha vi swakudya swa vona.

Yeremiya 23:22

Loko ingi va yimele emakungwini ya mina, a va ta tivisa tiko ra mina marito ya mina, va va hundzuluxa emikhuveni ya vona leyo biha ni le vumbabveni bya ku endla ka vona!

Esaya 40:11

Tanihi murisi, u ta risa ntlhambi wa yena; u ta rhola swinyimpfana hi mavoko u ta swi vukarha erhumbyini ra yena, u ta fambisa khwatsi leti an'wisaka.

Genesa 33:13

Kambe Yakobo a ku: “Hosi yanga, wa swi tiva leswaku swihlangi swi tsanile, ni leswaku ndzi talelwe hi tinyimpfu ni tihomu leti an'wisaka; kutakuloko swi angwetlisiwa hi siku rin'we, swifuwana hinkwaswo swi nga fa.

Genesa 31:38

Hi malembe walawo ya makume mambirhi ndzi nga tshama na wena, tinyimpfu ta ku ni timbuti ta ku a ti holotanga, a ndzi dyanga swiphongo swa swifuwana swa wena.

Daniele 11:36

“Kutani hosi yi ta endla hilaha yi rhandzaka hakona, yi ta tikurisa, yi titlakusa ehenhla ka swikwembu hinkwaswo, kutani yi ta hleva Xikwembu xa swikwembu hi swisandzu leswi hlamarisaka, yi ta khuluka ku ko ku fika ku hetisekeni ka vukari, hikuva lexi lerisiweke xi ta endlakala.