Zakariya 10:9 - Xitsonga (Bibele)

⁹ Ndzi ta va byala exikarhi ka matiko, va ta ndzi tsundzuka ematikweni ya le kule va ta hanya ni vana va vona va ko va tlhela.

BIBELE Mahungu Lamanene

⁹ Hambileswi ndzi va hangalaseleke ematikweni, va ta ndzi tsundzuka va ri kwale kule; va ta kurisela kona vana va vona, kambe va ta tlhela va vuya na vona.

Zakariya 10:9 Referans Kwoze

Ezekiele 6:9

Lava nga ta pona va ta ndzi anakanya va ri ematikweni laha va nga ta bohiwa kona, hikuva ndzi ta va ndzi tshovile timbilu ta vona leti hombolokeke, leti nga tshembekiki, ni mahlo ya vona lama oswaneke ni swikwembu swa vona. Va ta tinyenya va ri vona hikwalaho ka swidyoho hinkwaswo leswi va swi endleke, ni manyala hinkwawo ya vona.

Mikiya 5:7

Lava seleke va ka Yakobo va ta va exikarhi ka matiko lamanyingi kukotisa mberha leyi humaka eka Yehovha, ni mathonsi lama nga ehenhla ka byanyi; lama nga languteleki ku lerisa ka munhu, hambi ku ri ku fumiwa hi vana va vanhu.

Hosiya 2:23

Kutani ndzi ta tibyalela yena emisaveni; ndzi va ndzi tsetselela Lo-Ruhama, kutani ndzi ta ku eka Lo-Ami: ‘U tiko ra mina’; kutani yena u ta ku eka mina: ‘U Xikwembu xanga’.”

Yeremiya 31:27

“Vonani, ku vula Yehovha, ma ta masiku lawa ndzi nga ta byalela yindlu ya Israele, ni yindlu ya Yuda mbewu ya vanhu, ni mbewu ya swifuwo.

Esaya 65:23

va nga ha tikarhateli swahava, a va nga ha veleki vana ku va vona va hatla va fa; hikuva va ta va rixaka leri katekisiweke hi Yehovha, kutani vana va vona va ta hanya na vona.

Esaya 65:9

Ndzi ta humesa eka Yakobo rixaka, ni ka Yuda mudyandzhaka wa tintshava ta mina, vahlawuriwa va mina va ta ti fuma, ni malandza ya mina ma ta tshama eka tona.

Estere 8:17

Etikweni rin'wana ni rin'wana, ni le mutini wun'wana ni wun'wana, eswivandleni hinkwaswo leswi rito ra hosi ni ku lerisa ka yona swi fikeke eka swona, Vayuda va tshamisa eku tsakeni ni le ku tsakisiseni va endla nkhuvo hi siku lerinene; ku tsandza ni lavanyingi exikarhi ka vanhu va matiko va tiendla Vayuda, hikuva ku chava ka Vayuda a ku va wele ehenhla.

Nehemiya 1:9

kambe loko mi hundzukela eka mina, mi endla hakona, hambi mi nga hangalasiwa emakun'wini ya matilo, ndzi ta mi hlengeleta ndzi mi vuyisela endhawini leyi ndzi yi hlawuleke ku veka vito ra mina ka yona.’

Yeremiya 51:50

“N'wina mi balekeleke fumu, sukani, mi nga yimi; anakanyani Yehovha ma ha ri kule, kutani Yerusalema, a a ve etimbilwini ta n'wina.

Amosi 9:9

“Hikuva, vonani, ndzi ta lerisa, kutani ndzi ta hlela yindlu ya Israele exikarhi ka matiko hinkwawo, ku kota loko ku hlunguriwa mavele hi rihlelo, ku nga sali ni ndzhoho leyi welaka ehansi.

Varhoma 11:24

Hikuva leswi wena u tekiweke emutlhwarini lowu nga wa nhova hi ntumbuluko, u nghenisiwile emutlhwarini wa le kaya, hi mukhuva lowu nga riki wa ntumbuluko, ngopfungopfu marhavi lama nga wona hi xiviri, ma ta tlhomiwa emutlhwarini lowu nga wona.

Timhaka 8:4

Kutani lava ingi va hangalasiwile, a va ri karhi va vula rito hinkwako laha va yaka kona.

Timhaka 8:1

Kambe Sawulo u khensile ku dlawa ka Stefano. Enkarhini wolowo, kereke ya Yerusalema yi humeleriwa hi ku xaniseka lokukulu, va hangalasiwa hinkwavo ematikweni ya Yudiya ni ya Samariya; ku sala vaapostola ntsena.

Esaya 44:21

“Anakanya timhaka leti, wena Yakobo, na wena Israele! Hikuva u nandza wa mina, ndzi ku vumbile, u nandza wa mina, wena Israele, a ndzi nga ku rivali.

Esaya 64:4

A ku nga si twiwa, a ku nga si yingisiwa ni siku ni rin'we, a ku nga si voniwa, ni siku ni rin'we, Xikwembu xin'wana ehandle ka wena lexi tirhaka ku pfuna lava xi langutelaka.