Zakariya 10:3 - Xitsonga (Bibele)

³ “Vukari bya mina byi pfurhele varisi, ndzi ta tshinya swiphongo; hikuva Yehovha wa tinyimpi u endzela ntlhambi wa yena, yi nga yindlu ya Yuda, u ta yi endla hanci ya yena yo saseka enyimpini.

BIBELE Mahungu Lamanene

³ Xikwembu xi ri: “Ndzi hlundzukerile lava tiendlaka varisi; lava tivulaka varhangeri, ndzi ta va tshinya; hikuva mina HOSI ya matimba hinkwawo ndzi tikarhatela ntlhambi wa mina va nga vanhu va le Yuda, ndzi ta va endla tihanci ta mina ta nyimpi leti tiyeke.

Zakariya 10:3 Referans Kwoze

Ezekiele 34:2

“N'wana wa munhu, profeta eka varisi va Israele, profeta, u ku eka vona: Hosi Yehovha u ri eka varisi: Khombo eka varisi va Israele lava tiphamelaka; a ndzi ku varisi va fanele ku phamela mitlhambi xana?

Zakariya 11:17

“U ni khombo murisi wa swahava, la tshikaka ntlhambi! Fumu ri ta ba voko ra yena, ri ta omelela kunene, tihlo ra yena ra xinene ri ta fa.”

Sofoniya 2:7

Ri ta va tiko ra nsalo wa yindlu ya Yuda; va ta dyisela mitlhambi ya vona kona; nimadyambu, va etlela etindlwini ta Axikeloni; hikuva Yehovha, Xikwembu xa vona, u ta va endzela, a tlherisela vabohiwa va vona.

Yeremiya 25:34

Kololani, n'wina varisi, mi huwelela, puluvundzani enkumeni, n'wina vini va ntlhambi, hikuva ku fikile masiku ya n'wina ya ku dlayiwa, kutani ndzi ta mi hangalasa, mi wa kukotisa swibya swa nxavo wa nkoka.

Swivuriso 21:31

Hanci yi lunghiseriwa siku ra nyimpi, Kambe ku pona i ka Yehovha.

1 Petro 2:12

mi va ni mikhuva yo saseka exikarhi ka matiko, leswaku timhaka leti va mi hlevaka ha tona kukota loko ngi mi ri vadyohi, va ta tiva ku dzunisa Xikwembu ha tona, siku xi nga ta va endzela, hikwalaho ka mitirho leyo saseka leyi va nga ta va va yi vonile eka n'wina.

Luka 1:68

“A ku vongiwe Hosi, Xikwembu xa Israele, hikuva xi endzele tiko ra xona, xi ri kutsurile;

Rhuti 1:6

Kutani a pfuka ni vingi va yena, a a sukela etikweni ra Mowabu, hikuva a a twile etikweni ra Mowabu leswaku Yehovha u endzele tiko ra yena, a ri nyike swakudya.

Eksoda 4:31

Kutani tiko ri pfumela; va twa leswaku Yehovha u endzele vana va Israele, ni leswaku u langutile ku xaniseka ka vona; kavaloko va khinsama, va korhame hansi.

Sofoniya 1:8

Esikwini ra xitlhavelo xa Yehovha, “ndzi ta tshinya tihosana ni vana va hosi, ni hinkwavo lava funengeleke swifunengelo swa tiko rin'wana;

Yeremiya 50:6

“Tiko ra mina a ri kotisa ntlhambi wa tinyimpfu leti lahlekeke, varisi va tona a va ti hambuxa, va ti fambisa etintshaveni ni le switsungeni, ti kondza ti rivala tshanga ra tona.

Yeremiya 25:12

“Kambe kutakuloko malembe ya 70 ma herile, ndzi ta holovela hosi ya Babilona ni tiko ra kona hikwalaho ka ku homboloka ka vona, ku vula Yehovha, ndzi holovela ni tiko ra Vakalediya, ndzi ri hundzula swahava hilaha ku nga heriki.

Yeremiya 11:22

Hikwalaho Yehovha wa tinyimpi u vula a ku: ‘Langutani, ndzi ta va ba! Lavantshwa va ta fa hi tlhari, ni vana va vona va xinuna ni va xisati va fa hi ndlala.

Yeremiya 10:21

Hikuva varisi va hungukile, a va lavanga Yehovha; hikwalaho a va tlharihanga, kutani mitlhambi hinkwayo ya vona yi hangalasiwile.

Esaya 24:21

Hi siku rero Yehovha u ta avanyisa le tilweni mavandla ya le henhla ni tihosi ta la ehansi emisaveni.

Esaya 10:12

Kambe kutakuloko Hosi yi hetile ntirho wa yona hinkwawo entshaveni ya Siyoni na Yerusalema, ndzi ta ba hosi ya Asiriya hikwalaho ka mihandzu ya ku tikurisa ka mbilu ya yona, ni ku tiarisa ka mahlo ya yona lama tlakukeke;

Risimu ra Tinsimu 1:9

Ndzi ku fanisile, murhandziwa wanga, Ni ntlawa wa tihanci leti kokaka tigolonyi ta Faro.

Ezekiele 34:12

Ku fana ni ku kambisisa ka murisi entlhambini wa yena hi siku a tshukaka a ri exikarhi ka tinyimpfu ta yena leti hangalakeke, tinyimpfu ta mina ndzi ta ti kambisisa xisweswo, ndzi ti humesa eswivandleni hinkwaswo leswi ti hangalakeleke eka swona, hi siku ra mapapa ni munyama.

Daniele 11:32

Kutani hi ku xengetela ka yena, u ta tikokela lava tlulaka xinakulobye, kambe tiko ra lava tivaka Xikwembu xa vona, ri ta tiya, ri tirha.

Ntirho 39:25

Loko yi twa mpfumawulo wa yona yi ku: ‘Aháà!’ Loko ya ha ri ekule yi nun'hwetela nyimpi, Ni rito ra tindhuna, ni nkosi wa nyimpi.

Ezekiele 34:11

“Hikuva Hosi Yehovha u ri: Vona mina ndzi ta lavisisa tinyimpfu ta mina, ndzi ti kambisisa.