Zakariya 1:16 - Xitsonga (Bibele)

¹⁶ Hikwalaho, ku vula Yehovha, ndzi vuyela eka Yerusalema, hi tintswalo, yindlu ya mina yi ta tlhela yi akiwa kona, ku vula Yehovha wa tinyimpi, kutani ngoti ya ku pima yi ta tshambulutiwa ehenhla ka Yerusalema.

BIBELE Mahungu Lamanene

¹⁶ Kutani marito ya mina HOSI hi lawa: Muti wa Yerusalema, ndzi ta tlhela ndzi wu tsetselela, kutani yindlu ya mina yi ta akiwa eka wona. Ndzi vurisa sweswo, mina HOSI ya matimba hinkwawo: Ngoti ya ku pima ha yona yi ta vambiwa ehenhla ka Yerusalema.

Zakariya 1:16 Referans Kwoze

Zakariya 8:3

Yehovha u ri: Ndzi tlhelela eSiyoni, ndzi ta aka exikarhi ka Yerusalema; Yerusalema, u ta vuriwa muti wa vunene, ntshava ya Yehovha wa tinyimpi yi vuriwa ntshava leyi nga hlawuleka!

Zakariya 4:9

“Mavoko ya Zerubabele ma sungule yindlu leyi, mavoko ya yena ma ta yi heta; kutani U ta tiva leswaku, Yehovha wa tinyimpi u ndzi rhumile eka n'wina.

Ezekiele 47:3

Kuteloko wanuna yeloyi a humile hitlhelo ra vuxa — a a ri ni nghole evokweni ra yena — a pima khume ra madzana ya swisungunhu, a ndzi perisa mati: mati walawo a ma fika emahlakaleni ya milenge.

Ezekiele 40:3

Loko a ndzi yisile kona, ndzi vona wanuna yeloyi ku vonakala ka yena ku fanaka ni ku vonakala ka koporo; a tamele pindza ra ntsembyana evokweni ra yena, ni nhonga ya ku pima, a yimile enyangweni.

Ntirho 38:5

I mani la vekeke mpimo wa yona, wa n'wi tiva xana? Kumbe i mani la yi ringanyeteke hi ngoti?

Hagayi 1:14

Hilaha Yehovha a pfuxaka hakona moya wa Zerubabele, hosana ya Yuda, n'wana Salatiele, ni moya wa Yoxuwa, muprista lonkulu, n'wana Yosadaki, ni moya wa nsalo hinkwawo wa vanhu, kutani va ya, va sungula ku tirha ku aka yindlu ya Yehovha wa mavandla, Xikwembu xa vona,

Ezekiele 48:35

Loko ku tingiwa, va pima swisungunhu swa 18 000. Ku suka siku rolero, vito ra muti va ta ku: ‘Yehovha u kona la.’ ”

Esaya 34:11

Gumba ni nhloni swi ta ri fuma, kutani swikotlwana ni mawukuwuku swi ta aka kona; va ta tshandzavuta kona pindza ra ku onha ni xiringaniso xa ku herisa.

Esaya 12:1

Hi siku rero u ta ku: “Oho Yehovha! Ndza ku tlangela hikuva u ndzi karihele kambe vukari bya wena byi tlherile, kutani u ndzi chavelele.

Zakariya 2:4

yi ku eka yona: “Tsutsuma, u byela ndzisanyana loyi, u ku: ‘Yerusalema u ta akiwa kukota muti lowu nga riki na rirhangu, hikwalaho ka vunyingi bya vanhu ni swifuwo leswi nga ta va eka wona.

Zakariya 10:6

“Ndzi ta kurisa yindlu ya Yuda, ndzi ponisa yindlu ya Yosefa, ndzi ta va akisa, hikuva ndzi va tsetselele; swi ta kotisa loko swa nga a ndzi nga va lahlanga, hikuva hi mina Yehovha, Xikwembu xa vona, ndzi ta va yingisa.

Yeremiya 30:18

“Hikuva, ku vula Yehovha: Ndzi ta tlherisa lava khomiweke emitsongeni ya Yakobo, ndzi twela vuako bya vona vusiwana; muti wu ta vuyisiwa exiteni xa wona, ni yindlu ya vuhosi yi ta akiwa hi mukhuva wa yona.

Zakariya 2:5

Loko ndzi ri mina, ku vula Yehovha, ndzi ta va rirhangu ra ndzilo lowo wu rhendzelaka exikarhi, ndzi ta va ku kwetsima exikarhi ka wona.’ ”

Zakariya 2:6

Yo! Yo! Balekani, n'wina mi nga etikweni ra n'walungu, ku vula Yehovha, hikuva ndzi mi hangalasile timhehweni ta mune ta tilo, ku vula Yehovha.