Yuwele 3:9 - Xitsonga (Bibele)

⁹ Banani nkosi exikarhi ka matiko leswaku va hloma, va pfuxa tinhenha! A va te, a va tshinele, vavanuna hinkwavo va nyimpi!

BIBELE Mahungu Lamanene

⁹ Huwelelani, mi byela matiko mhaka leyi, mi ku: “Tilulamiseleni ku lwa nyimpi, pfuxani tinhenha. Masocha hinkwawo a ma tshinele kusuhi, ma humelela erivaleni.

Yuwele 3:9 Referans Kwoze

Ezekiele 38:7

“Tilunghise! U lunghisa hinkwaswo, wena, ni ntshungu wa wena hinkwawo lowu hlengeletanaka ekusuhi na wena. U va mufambisi wa vona.

Yeremiya 31:10

“Yingisani rito ra Yehovha, n'wina matiko, mi tivisa swihlale swa le kule, mi ku: ‘La hangalaseke Israele wa n'wi hlengeleta, u ta n'wi risa kukotisa murisi la rixaka ntlhambi wa yena.’

Mikiya 3:5

Ku vula Yehovha ematshan'weni ya vaprofeta lava xisaka tiko ra mina, volavo, loko va ha nhlampfunha hi meno va vula ku rhula, kambe loko va nga nyikiwanga nchumu, va ri pfuxela nyimpi.

Yeremiya 50:2

“Tivisani sweswo exikarhi ka matiko, mi ti twarisa, mi yimisa mujeko; va byeleni, mi nga fihli, mi ku: ‘Babilona u khomiwile, Bele u khomisiwe tingana, Merodaka u tshoviwile; swifaniso swa yena swi khomisiwile tingana, swikwembu swa yena swi tshoviwile.’

Esaya 34:1

Tshinelani, n'wina matiko mi ta yingisa! N'wina vanhu yingiselani! Misava a yi yingise ni swa yona hinkwaswo; misava, ni leswi humaka eka yona hinkwaswo!

Pisalema 96:10

Vulani xikarhi ka matiko, mi ku: “Yehovha wa fuma. Na yona misava yi tiyile, a yi tsekatseki; Yehovha u ta avanyisa matiko hi ku lulama.”

Yeremiya 6:4

Sungulani ku lwa na yena; pfukani-ke hi khandziya ninhlekanhi! Hi ni khombo hina, hikuva dyambu ra pela, ni mindzhuti ya madyambu yi rhendzelekile.

Yeremiya 51:11

Vangamisani miseve, mi tamela switlhangu. Yehovha u pfuxile moya wa tihosi ta Vameda, hikuva u kanelela Babilona ku n'wi onha; hikuva hi kona ku rihisa ka Yehovha, ku ri ku rihisela tempele ya yena.

Yeremiya 51:27

“Yimisani mujeko etikweni, mi yimba nanga ematikweni, mi n'wi pfuxela matiko, mi hlengeleta ku fuma ka Ararata, ni ka Mini, ni ka Axikenazi ku lwa na yena, mi veka tindhuna ta nyimpi; tshinetani tihanci, ti tlhandluka kukota tinjiya ta dyandza.

Ezekiele 38:17

“Hosi Yehovha a vulavula sweswo, a ku: Xana a hi wena loyi ndzi n'wi vuleke emikarhini ya khale, hi nomu wa malandza ya mina, vaprofeta va Israele, lava nga profeta emasikwini lawa hi malembe yo tala, va ku: Ndzi ta ku rhuma ku lwa na vona?

Hagayi 2:7

Ndzi ta tsekatsekisa ni matiko hinkwawo kutani leswi rhandzekaka swa matiko hinkwawo swi ta ta kwala, ndzi va ndzi tata yindlu leyi hi ku kwetsima, ku vula Yehovha wa mavandla.

Zakariya 14:2

Hikuva ndzi ta hlengeleta matiko hinkwawo ku lwa na Yerusalema; muti wu ta ngheniwa, ku ta phangiwa tindlu vavasati va ta pfinyiwa va etleriwa, hafu yin'wana ya muti yi yisiwa evukhumbini; kambe lava seleke va tiko a va nga susiwi emutini.

Zakariya 14:3

Yehovha u ta humelela, a lwa ni matiko wolawo, kukota siku a lwaka esikwini ra ku dlaya.