Yuwele 3:8 - Xitsonga (Bibele)

⁸ Ndzi xavisa vana va n'wina va xinuna ni va xisati eka vana va Yuda, leswaku va xavisiwa eka va Xeba, tiko ra le kule; hikuva Yehovha u vurile.”

BIBELE Mahungu Lamanene

⁸ Vana va n'wina va xinuna ni va xisati, ndzi ta va xavisela vanhu va tiko ra Yuda, vona va ta va xavisela tiko ra le kule ra Xeba. Ndzi vulavurile, mina HOSI!”

Yuwele 3:8 Referans Kwoze

Esaya 60:14

Vana va vaxanisi va wena va ta ta eka wena hi ku titsongahata, kutani hinkwavo lava ku soleke va ta khinsama emilengeni ya wena; u ta vuriwa muti wa Yehovha, Siyoni wa Mukwetsimi wa Israele.

Ntirho 1:15

kutani va ka Xeba va hi wela ehenhla, va teka swifuwo, va dlaya varisi hi matlhari; ku pona mina ntsena ndzi ku byelaka.”

Vaavanyisi 2:14

Kutani ku kariha ka Yehovha ku pfurhela Vaisraele, a va nyiketa emavokweni ya vaonhi lava va onhaka, kutani a va nyiketa emavokweni ya valala va vona lava va va rhendzeleke; va tsandzeka ku yima emahlweni ka valala va vona.

Ezekiele 23:42

Kutani kona a ku twakala rito ra vunyingi lebyi tshameke byi tiphina; kambe, exikarhi ka rixaka ra vanhu ta vitane lava ingi va pfa Saba emananga, lava va beleke masindza emavokweni, ni swihuku swa vukosi leswo saseka va va rhwexa etinhlokweni ta vona.

Yeremiya 6:20

Mirhi ya risuna leyi humaka eXeba yi nga va yini ka mina ni rihlanga leri nun'hwelaka ra matiko ya le kule, ndzi nga ri endla yini? Tiholokosta ta n'wina a ti ndzi tsakisi, ni magandzelo ya n'wina a ma ndzi nandziheri.”

Vaavanyisi 4:9

Debora a ku: “Ku ya, ndzi ta ya na wena, kambe u nga ka u nga voni ku dzunisiwa endleleni leyi u nga ta famba ha yona, hikuva Yehovha u ta nyiketa Sisera emavokweni ya wansati.”

Vaavanyisi 4:2

Kutani Yehovha a va nyiketa emavokweni ya Yabini, hosi ya Kanana, la nga fuma Hasoro; mufambisi wa mavandla ya yena a a ri Sisera, a akile eHaroxete-Goyimi.

Duteronoma 32:30

Xana munhu a nga hlongorisa ku yini va 1 000 xana? Ni vambirhi va nga hlongorisa va 10 000 xana? Loko ngi ribye ra vona ri nga va xavisanga, Ni loko Yehovha a nga va nyiketanga xana?

Pisalema 72:10

Tihosi ta le Tarxixi ni ta swihlale ti ta tisa ndzuvo, Tihosi ta le Xeba ni ta Seba ti ta humesa tinyiko;

Yeremiya 30:16

Hambiswiritano hinkwavo lava ku dyaka va ta dyiwa hinkwavo lava ku kamanyetaka va ta yisiwa eku bohiweni, lava ku nyenyemukaka va ta nyenyemukiwa hinkwavo lava ku onhaka ndzi ta va nyiketa eku onhakeni.

Ezekiele 38:13

Xeba na Dedani, ni vapindzuri va le Tarxixi, ni tinghalanyana ta kona hinkwato ti ta ku byela, ti ku: ‘A ku telanga ku hlasela xana? A ku hlengeletangi mitlawa ya wena ku ta phanga, ku ta vutla silivhere ni nsuku, ku ta teka mitlhambi ni xuma, ku titekela mbhari leyikulu xana?’