Yuwele 3:18 - Xitsonga (Bibele)

¹⁸ “Enkarhini wolowo, tintshava ti ta pfelela dzova ra vhinyo, switsunga swi ta khuluka ntswamba, ni milambu hinkwayo ya Yuda yi ta tshama yi va ni mati lama khulukaka, kutani nseledyana yi ta huma endlwini ya Yehovha yi tsakamisa rivala ra Xitimi.

BIBELE Mahungu Lamanene

¹⁸ “Hi siku ra kona, tintshava ti ta pfempfa vhinyo yo nandziha; ntswamba wu ta khuluka eswintshabyanini, swinkobyana hinkwaswo swa tiko ra Yuda swi ta hobomulana. Endlwini ya mina HOSI, ku ta baleka nthavela, mati ma ta huma ma ya cheleta Nkova-wa-Xitimi.

Yuwele 3:18 Referans Kwoze

Zakariya 14:8

Esikwini rolero, mati lama pfelelaka ma ta huma eYerusalema, man'wana ya wona ma khulukela elwandle ra le vuxeni, man'wana elwandle ra le vupeladyambu; swi tshama swi va tano rihunga ni vuxika.

Esaya 35:6

swilema swi ta tlula kukota tinhlangu, kutani ririmi ra mbheveve ri ta yimbelela hi ku tsaka; hikuva mati ma ta khuluka mananga, ni swinambyana swi ta khulukela emakwandzasini.

Esaya 30:25

Kutani ehenhla ka ntshava yin'wana ni yin'wana leyi leheke, ni le henhla ka ntsunga wun'wana ni wun'wana lowu tlakukeke, milambyana ya mati lama khulukaka yi ta va kona siku ra ku dlawa lokukulu siku makhokholo ma waka.

Tinhlayo 25:1

Israele a a tshamile Xitimi, kutani tiko ri sungula ku tinyiketa vuoswi ni vanhwanyana va Mowabu.

Pisalema 46:4

Wu kona nambu lowu mikhovotlo ya wona yi tsakisaka muti wa Xikwembu, Vukwetsimelo bya tindlu ta La nge henhlahenhla.

Ntirho 29:6

Loko mikondzo ya mina yi hlantsweka entswambeni, Ni loko ribye ri ndzi humesela swinambyana swa mafurha!

Eksoda 3:8

ndzi xikele ku ta va kutsula emavokweni ya Vaegipta, ni ku va humesa etikweni lero, ndzi va yisa etikweni lerikulu, lero saseka, etikweni ra ntswamba ni vulombe, evutshan'weni bya Vakanana, ni Vahiti, ni Vaamori, ni Vaperesi, ni Vahivhi, ni Vayebusi.

Mikiya 6:5

Tiko ranga, anakanya makungu lawa Balaka, hosi ya Mowabu ingi a ma lunghisile, ni leswi Balaama, n'wana Beyori, a n'wi hlamuleke swona, ni leswi humeleleke Xitimi ku ya fika eGiligala, u ta tiva ku endla ka Yehovha loku lulameke.”

Esaya 44:3

Hikuva ndzi ta chela mati emisaveni leyi nga ni torha, ni swinambyana emisaveni leyi omeke: ndzi ta chela moya wa mina erixakeni ra wena, ni ku kateka ka mina ehenhla ka hluke ra wena.

Esaya 45:8

N'wina matilo, humesani mberha ya n'wina leyi humaka ehenhla! Wena misava, handzuka, u humesa ku hanya, u veleka ku lulama hi nkarhi wu ri wun'we! Mina, Yehovha, ndzi tumbuluxe swilo sweswo.

Esaya 55:1

“N'wina hinkwenu lava nga ni torha, tanani ematini hambi n'wina lava pfumalaka mali! Tanani, mi ta xava, mi dya; tanani, mi xava vhinyo ni ntswamba, hambi mi nga ri na mali, a mi nga hakeri!

Esaya 66:11

leswaku mi ta dya, mi va mi xurha hi mafi ya ku chavelela ka yena; leswaku mi ta tsakela hi ku tlurisa, ku tala ka ku twala ka yena.”

Yeremiya 31:12

Va ta ta va huwelela hi ku tsaka eswitsungeni swa Siyoni; va ta tsutsumela vunene bya Yehovha, yi nga koro, ni vhinyo ni mafurha, ni leswi tswariweke hi tinyimpfu ni tihomu; mimoya ya vona yi ta kotisa ntanga lowu cheletiweke swinene, a va nga ha tshami eku vavisekeni.