Yuwele 3:11 - Xitsonga (Bibele)

¹¹ Hatlisani mi ta, n'wina matiko hinkwawo ya matlhelo mi hlengeletana! Wena, Yehovha, xikisela tinhenha ta wena kona.

BIBELE Mahungu Lamanene

¹¹ Hatlisani mi ta, n'wina matiko hinkwawo, mi huma ematlhelweni hinkwawo, kutani mi ta hlengeletana kwala.” Kutani mina ndzi ta ku: “We HOSI, rhumela mavuthu ya wena!”

Yuwele 3:11 Referans Kwoze

Esaya 13:3

Ndzi lerisile vahlawuriwa va mina, eku tirihiseleni ka mina ndzi vitanile tinhenha ta mina leti tsakelaka vukulukumba bya mina.

Sofoniya 3:8

“Hikwalaho, ndzi languteleni,” ku vula Yehovha, “esikwini lero ndzi nga ta yima ha rona ku phanga, hikuva ndzi kanerile ku hlengeleta matiko ni ku hlanganisa ku fuma, ndzi ta chela ehenhla ka wona vukari bya mina, ni ku pfurha hinkwako ka vukari bya mina; hikuva misava hinkwayo yi ta hisiwa hi ndzilo wa rilondzo ra mina.

Nhlavutelo 19:14

Mavandla ya le tilweni a ma n'wi landzelela, va khandziyile tihanci to basa, va ambele ntsembyana lowo vevuka lowo basa, lowu tengeke.

2 Vatesalonika 1:7

siku Hosi Yesu a vonakalaka, a huma etilweni ni tintsumi ta yena leta matimba,

Mikiya 4:12

Kambe a ma tivi mianakanyo ya Yehovha, a ma twisisi ku tsundzuka ka yena; hikuva u ma hlengeleta kukotisa tinyandza exivuyeni.

Yuwele 3:2

ndzi ta hlengeleta matiko hinkwawo, ndzi ma xikisela enkoveni wa Yoxafati, ndzi ta tengisana na vona hikwalaho ka Israele tiko ra mina, ni ndzhaka ya mina, loyi va n'wi hangalaseke exikarhi ka matiko va ko va avelana tiko ra mina.

Esaya 37:36

Hi vusiku byebyo, ntsumi ya Yehovha yi huma, yi dlaya vavanuna va 185 000 emixaxeni ya Vaaxuru nimixo, kuteloko va pfukile, maswivo a yi ri mitsumbu ntsena.

Esaya 10:34

Wa tsema hi nsimbhi swihlahla leswi tlhumeke, Lebanoni u ta wisiwa hi Lowa matimba!

Pisalema 103:20

Khensani Yehovha, n'wina tintsumi ta yena, Leti tiyeke matimba, leti endlaka swileriso swa yena, Hi ku yingisa mpfumawulo wa rito ra yena!