Yuwele 2:28 - Xitsonga (Bibele)

²⁸ “Endzhaku ka sweswo, ndzi ta chela moya wa mina ehenhla ka nyama hinkwayo, ku ta profeta vana va n'wina va xinuna ni va xisati; swidyuhati swa n'wina swi ta lorha milorho, ni majaha ya n'wina ma vona mahlori.

BIBELE Mahungu Lamanene

²⁸ “Endzhaku ka sweswo, nkarhi wu ta fika lowu ndzi nga ta chela moya wa mina ehenhla ka vanhu hinkwavo. Vana va n'wina va xinuna ni va xisati va ta vhumbha, lava dyuhaleke va n'wina va ta lorha milorho, vana va n'wina va majaha va ta vona swivono.

Yuwele 2:28 Referans Kwoze

Ezekiele 39:29

Ndzi nga ka ndzi nga ha va fihleli mombo wa mina, hikuva ndzi ta chela moya wa mina ehenhla ka yindlu ya Israele ku vula Hosi Yehovha.”

Timhaka 2:39

Hikuva ku tshembisa loku, ku hlayeriwe n'wina ni vana va n'wina, ni hinkwavo lava nga ekule, lava va ha taka vitiwa hi Hosi, Xikwembu xa hina.”

Esaya 32:15

ku fikela loko moya wa le henhla wu cheriwa ehenhla ka hina, ni loko mananga ma hundzuka mitanga, kutani ntanga wu fanisiwa ni xihlahla.

Esaya 44:3

Hikuva ndzi ta chela mati emisaveni leyi nga ni torha, ni swinambyana emisaveni leyi omeke: ndzi ta chela moya wa mina erixakeni ra wena, ni ku kateka ka mina ehenhla ka hluke ra wena.

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Swivuriso 1:23

Hundzukani hi ku tshinya ka mina! Maswivo, ndzi ta mi chelela moya wa mina, Ndzi mi dyondzisa timhaka ta mina.

Yohane 7:39

Hi rito lero, a a ringanisa Moya lowu lava pfumelaka eka yena va nga ta wu nyikiwa; hikuva Moya a wu nga si va kona, hikuva Yesu a a nga si dzunisiwa.

Timhaka 2:33

Kakuloko a tlakusiwile hi voko ra xinene ra Xikwembu, u amukerile eka Tatana, ku tshembisa ka Moya lowo Kwetsima, kutani u chelerile leswi mi swi vonaka, ni leswi mi swi twaka.

Luka 3:6

kutani nyama hinkwayo yi ta vona ku hlayiseka ka Xikwembu.”

Vagalatiya 3:28

A ka ha ri na Muyuda hambi Mugriki; a ka ha ri na khumbi, ni loko a ri n'wana wa xitswalwa; a ka ha ri na wanuna, ni loko a ri wansati, hikuva hinkwenu mi un'we eka Yesu Kriste.

Esaya 40:5

Ku vonakala ka Yehovha ku ta humelela, kutani nyama yin'wana ni yin'wana yi ta ku vona, hikuva nomu wa Yehovha wu vurisile.”

Tinhlayo 12:6

Kavaloko a ku: “Yingisani swinene marito ya mina! Loko muprofeta u kona exikarhi ka n'wina, mina Yehovha ndzi tikombisa ka yena hi mahlori, ndzi vulavula na yena enorhweni.

Esaya 49:6

U ri: “A swi ringani leswaku u va nandza wa mina ku pfuxa tinxaka ta Yakobo ni ku vuyisa lava poneke va Israele; ndzi ta endla ha wena ku vonakala ka matiko, ku fikisa ku pona ka mina emakun'wini ya misava!”

Timhaka 21:9

A a ri ni mune wa vana va vanhwana lava profetaka.

Yeremiya 23:28

Muprofeta la nga ni norho, a a vulavule norho; la nga ni rito ra mina, a a vulavule rito ra mina swinene. Mungu wu endla yini exikarhi ka koro xana, ku vula Yehovha?

Esaya 54:13

Vana va wena va xinuna hinkwavo va ta va vadyondzisiwa va Yehovha, ku rhula ka vona ku ta va lokukulu.

Luka 1:67

Kavaloko Zakariya, tata wa yena, a tala hi Moya lowo Kwetsima, a bvumbha, a ku:

Vaheveru 1:1

Xikwembu xi vulavurile khale na vatatana hi mikarhi leyo tala ni mikhuva leyo tala xi vulavula hi vaprofeta;

Tinhlayo 11:17

Ndzi ta xika, kutani ndzi ta vulavula na wena kona; ndzi ta pambula moya lowu nga eka wena, ndzi wu veka ehenhla ka vona, va ta rhwala na wena ndzhwalo wa tiko, u nga tshuki u wu rhwala u ri wena ntsena.

1 SAMIELE 19:20

Kavaloko Sawulo a rhuma vanhu ku ya khoma Davhida; kutani va vona ntlawa wa vaprofeta lava bvumbhaka, Samiele a ri exikarhi ka vona a va dyondzisa, kutani Moya wa Xikwembu wu khoma varhumiwa va Sawulo, na vona va bvumbha.

1 SAMIELE 28:6

Sawulo a vutisa Yehovha, kambe Yehovha a nga n'wi hlamulanga nchumu, hambi ku ri milorhweni, hambi hi Urimi, hambi hi vaprofeta.

Esaya 49:26

Ndzi ta dyisa vaxanisi va wena nyama ya vona, va ta pyopyiwa hi ngati ya vona, yi va tanihi vhinyo leyintshwa, kutani nyama hinkwayo yi ta tiva leswaku mina Yehovha, ndzi Muponisi wa wena, ni leswaku Mukutsuri wa wena hi Lowa matimba wa Yakobo.”

Yeremiya 23:25

Ndzi twile leswi vuriwaka hi vaprofeta lava profetaka mavunwa hi vito ra mina, loko va ku: ‘Hi lorhile, hi lorhile.’

Ezekiele 36:27

Ndzi ta veka endzeni ka n'wina moya wa mina ndzi endla leswaku mi famba eku leriseni ka mina, mi va mi hlayisa milawu ya mina ni ku endla ha yona.

Ezekiele 37:14

Kutani ndzi ta nghenisa moya wa mina endzeni ka n'wina, mi ta hanya, kutani ndzi ta mi nyika ku wisa etikweni ra n'wina, mi ta tiva leswaku mina Yehovha ndzi vulavula ndzi va ndzi endla, ku vula Yehovha.”

Daniele 7:1

Hi lembe ra ku sungula ka ku fuma ka Belxatsara, hosi ya Babilona, Daniele, a ri vulawini bya yena, a va ni norho ni swivono emoyeni wa yena.

1 SAMIELE 19:21

Va ya vikela Sawulo, kutani a rhuma vanhu van'wana, kambe, na vona, va bvumbha. Sawulo a va rhuma kambe ra vunharhu, kutani, na vona, va bvumbha.