Yuwele 2:27 - Xitsonga (Bibele)

²⁷ Mi ta tiva leswaku ndzi le xikarhi ka Israele, ni leswaku mina Yehovha ndzi Xikwembu xa n'wina; a ku na xin'wana; tiko ra mina ri nga ka ri nga ha tshami ri khomiwa hi tingana, ni siku ni rin'we.

BIBELE Mahungu Lamanene

²⁷ Mi ta swi tiva leswaku ndzi kona exikarhi ka Vaisraele, ni leswaku mina HOSI, ndzi Xikwembu xa n'wina; a ku na xin'wana ehandle ka mina. Hakunene vanhu va mina a va nga ha tlheli va khomiwa hi tingana, ni siku ni rin'we.”

Yuwele 2:27 Referans Kwoze

Sofoniya 3:17

Yehovha, Xikwembu xa wena, u le xikarhi ka wena; i nhenha leyi ponisaka; u ta ku tsakela hi ku tsaka lokukulu, a va a miyela hikwalaho ka rirhandzu ra yena, u ta ku tsakela hi ku yimbelela.

Esaya 45:5

Hi mina Yehovha, ku hava un'wana; ehandle ka mina, ku hava Xikwembu. Ndzi ku tsimbile loko u nga si ndzi tiva,

Yuwele 3:17

“Kutani mi ta tiva leswaku hi mina Yehovha, Xikwembu xa n'wina; mina la tshameke eSiyoni, entshaveni ya mina leyi hlawuriweke, Yerusalema, u ta va xivandla lexi hlawuriweke; vamatiko a va nga ha hundzi eka yena.

Ezekiele 39:28

va ta tiva leswaku hi mina Yehovha, Xikwembu xa vona, lexi ingi xi va yisile ematikweni, va ri makhumbi, xi tlhela xi va hlengeleta etikweni ra vona; ndzi nga ka ndzi nga siyi na un'we endzhaku.

Yuwele 2:26

Mi ta dya, mi ko mi xurha, mi ta dzunisa vito ra Yehovha, Xikwembu xa n'wina, la mi endleleke leswi hlamarisaka, kutani tiko ra mina ri nga ka ri nga ha tshami ri khomiwa hi tingana, ni siku ni rin'we.

Pisalema 46:5

Xikwembu xi le xikarhi ka wona, a wu tsekatsekisiwi; Xikwembu xi wu pfuna wa ha ri mixo.

Duteronoma 23:14

Hikuva Yehovha, Xikwembu xa wena, a famba exikarhi ka mixaxa ya wena ku ku ponisa ni ku nyiketa valala va wena emavokweni ya wena; mixaxa ya wena yi ta va leyi hlawuriweke, Yehovha a nga tshuki a vona leswo biha eka wena, leswaku a nga suki eka wena.

Esaya 12:6

N'wina la mi akeke eSiyoni mi huwelela mi tsakisisa hi tinsimu, hikuva Mukwetsimi wa Israele u nkulukumba exikarhi ka wena.”

Nhlavutelo 21:3

Kutani ndzi twa rito lerikulu ri huma exiluvelweni, ri ku: “Vonani tabernakela ya Xikwembu exikarhi ka vanhu; xi ta aka na vona, ri ta va tiko ra xona, kutani Xikwembu xi ta va na vona hi xiviri xa xona, xi va Xikwembu xa vona.

1 Petro 2:6

Hikwalaho, ku tsariwile Matsalweni leswaku: “Vonani, ndzi yimisa eSiyoni ribye ra yinhla, leri hlawuriweke, leri pfumariwaka; la pfumelaka eka rona, a nga ka a nga khomiwi hi tingana.”

Pisalema 68:18

U tlhandlukele ehenhla, u yise vakhomiwa, U tekile tinyiko exikarhi ka vanhu, Ni le xikarhi ka lava tiarisaka, Leswaku ku va ni vuako bya Yehovha Xikwembu exikarhi ka vona.

2 Vakorinto 6:16

Tempele ya Xikwembu yi ni ku pfumelelana kwihi ni swifaniso leswi khongeriwaka? Hikuva hi n'wina mi nga tempele ya Xikwembu lexi hanyaka, kukotisa leswi Xikwembu xi nga te: “Ndzi ta tiakela exikarhi ka vona, ndzi tifambela kona, ndzi ta va Xikwembu xa vona, kutani vona va ta va tiko ra mina.”

Ezekiele 39:22

Kutani yindlu ya Israele yi ta tiva leswaku hi mina Yehovha, Xikwembu xa yona, ku suka siku rero ni le mahlweni;

Esaya 53:6

Hinkwerhu a hi pepetseka tanihi tinyimpfu, a hi famba un'wana ni un'wana endleleni ya yena, kutani Yehovha u n'wi rhwexile ku dyoha ka hina hinkwerhu.

Esaya 45:18

Hikuva u vurile sweswo Yehovha, la endleke matilo, xona Xikwembu lexi endleke misava ni ku yi vumba lexi yi sunguleke xi ri xona; a nga yi endlanga mananga, kambe u yi endlile leswaku yi akiwa. “Hi mina Yehovha, ku hava un'wana!

Esaya 44:8

Mi nga chaveni, mi nga rhurhumeli! Xana a ndzi ku byelanga, a ndzi ku tivisanga ni khale? A hi n'wina timbhoni ta mina xana? Xana ku ni xikwembu ehandle ka mina? A ku na rin'wana ribye lerikulukumba, a ndzi ri tivi.”

Esaya 45:6

leswaku ku sukela evuxeni, ku fika evupeladyambu ku ta tiviwa leswaku a ku na un'wanyana ehandle ka mina; hi mina Yehovha, ku hava un'wana.

Esaya 49:23

Tihosi ti ta va vawundli va wena, ni makosikazi va ta va vaan'wisi va wena, va ta korhamela ehansi emahlweni ka wena, va ta nantswa ntshuri wa milenge ya wena, kutani u ta swi tiva leswaku hi mina Yehovha, ni leswaku lava ndzi tshembaka va nga ka va nga vi na tingana.”

Ezekiele 37:6

Ndzi ta mi nyika misiha, ndzi mirisa tinyama ehenhla ka n'wina, ni ku mi funengeta hi nhlonge, kutani ndzi ta nghenisa eka n'wina moya, mi ta hanya, hilaha mi nga ta tiva leswaku hi mina Yehovha.”

Yuwele 3:21

Ndzi ta hlantswa ngati ya vona, leyi ndzi nga siki yi hlantswa, kutani Yehovha u ta aka eSiyoni.”

Sofoniya 3:11

Esikwini lero, a ku nga ha khomiwi hi tingana hikwalaho ka swiendlo swa wena hinkwaswo leswi u ndzi hundzukeleke ha swona; hikuva kona ndzi ta susa lava titsakelaka eku tikukumuxeni ka vona exikarhi ka wena, kutani a ku nga ha tshami u tikukumuxa entshaveni ya mina leyi hlawulekeke.

Tinhlayo 11:29

Muxe a ku eka yena: “Xana u ni ritsimbo hikwalaho ka mina, xana? Mawako loko tiko hinkwaro ra Yehovha ri bvumbha ni loko Yehovha a veke moya wa yena ehenhla ka vona!”

Tinhlayo 23:21

A nga voni nandzu eka Yakobo, A nga voni ku homboloka ka Israele. Yehovha, Xikwembu xa yena, u na yena, I hosi ya yena loyi va n'wi bumabumelaka.

Swivuriso 1:23

Hundzukani hi ku tshinya ka mina! Maswivo, ndzi ta mi chelela moya wa mina, Ndzi mi dyondzisa timhaka ta mina.

Esaya 44:3

Hikuva ndzi ta chela mati emisaveni leyi nga ni torha, ni swinambyana emisaveni leyi omeke: ndzi ta chela moya wa mina erixakeni ra wena, ni ku kateka ka mina ehenhla ka hluke ra wena.

Esaya 46:9

Tsundzukani swilo leswi humeleleke khale; hikuva hi mina Xikwembu, a ku na xin'wana; ndzi Xikwembu, kutani a ku na loyi a fanaka na mina.

Ezekiele 39:29

Ndzi nga ka ndzi nga ha va fihleli mombo wa mina, hikuva ndzi ta chela moya wa mina ehenhla ka yindlu ya Israele ku vula Hosi Yehovha.”

Zakariya 2:9

“Hikuva ndzi ta ndzuluta voko ra mina ehenhla ka wona, ma ta hluriwa hi malandza ya wona, kutani mi ta tiva leswaku Yehovha wa tinyimpi u ndzi rhumile.