Yuwele 2:26 - Xitsonga (Bibele)

²⁶ Mi ta dya, mi ko mi xurha, mi ta dzunisa vito ra Yehovha, Xikwembu xa n'wina, la mi endleleke leswi hlamarisaka, kutani tiko ra mina ri nga ka ri nga ha tshami ri khomiwa hi tingana, ni siku ni rin'we.

BIBELE Mahungu Lamanene

²⁶ “Swakudya, mi ta dya mi tlhela mi nga ha swi lavi, kutani mi ta dzunisa vito ra mina HOSI Xikwembu xa n'wina, mina ndzi mi endleleke swilo swo hlamarisa; kutani vanhu va mina a va nga ha tlheli va khomiwa hi tingana, ni siku ni rin'we.

Yuwele 2:26 Referans Kwoze

Varhoma 10:11

Hikuva Tsalwa ri te: “Mani na mani la pfumelaka eka yena, a nga ka a nga khomiwi hi tingana.”

Pisalema 22:26

Lava nga ekhombyeni va ta dya va xurha; Lava lavaka Yehovha va ta yimbelela tinsimu ta yena; Timbilu ta n'wina ti ta hanya hi laha ku nga heriki.

Varhoma 5:5

kutani ku langutela a ku khomisi munhu tingana, hikuva rirhandzu ra Xikwembu ri cheriwile etimbilwini ta hina hi Moya lowo Kwetsima lowu hi wu nyikiweke.

Duteronoma 12:7

Mi ta dya kona emahlweni ka Yehovha, Xikwembu xa n'wina, mi titsakela, mi ri ni mindyangu ya n'wina, eswilweni hinkwaswo leswi mi nga ta swi endla, leswi Yehovha, Xikwembu xa wena, a ku katekiseke ha swona.

Esaya 49:23

Tihosi ti ta va vawundli va wena, ni makosikazi va ta va vaan'wisi va wena, va ta korhamela ehansi emahlweni ka wena, va ta nantswa ntshuri wa milenge ya wena, kutani u ta swi tiva leswaku hi mina Yehovha, ni leswaku lava ndzi tshembaka va nga ka va nga vi na tingana.”

Esaya 45:17

Israele u ponisiwe hi Yehovha hi ku pona loku nga heriki, a mi nga ha vi na tingana ni ku soriwa, hi laha ku nga heriki.

Levhitika 26:5

Etikweni ra n'wina, nkarhi wa ku hula wu ta hlangana ni nkarhi wa ku khuvuta ka vhinyo; ni ku khuvuta ka vhinyo ku ta hlangana ni nkarhi wa ku byala. Mi ta dya vuswa bya n'wina mi va mi xurha, mi ta aka hi ku rhula etikweni ra n'wina.

1 Yohane 2:28

Kutani sweswi, vana, tshamani eka yena, leswaku siku a humelelaka, hi ta va ni ku tshemba loku tiyeke, hi nga tshuki hi khomiwa hi tingana emahlweni ka yena, eku humeleleni ka yena.

Varhoma 9:33

hilaha ku tsariweke leswaku: “Vonani, ndzi veka eSiyoni ribye ra ku khunguvanyisa, ni ribye leri wisaka; kutani: La pfumelaka eka yena, a nga ka a nga vi na tingana.”

Esaya 54:4

“U nga chavi, u nga ka u nga vi na tingana, u nga tshutshali, hikuva u nga ka u nga soriwi; hikuva u ta rivala tingana ta vuntshwa bya wena, kutani u nga ka u nga tsundzuki xisandzu xa vunoni bya wena.

Esaya 25:1

Oho Yehovha! U Xikwembu xa mina, ndzi ta ku dzunisa; ndzi ta twarisa vito ra wena, hikuva u endlile leswi hlamarisaka. Makungu ya wena ya khale ma tshembeka, ma tiyile.

Zakariya 9:17

Hikuva ku saseka ka vona ku ta va lokukulu! Koro yi ta kurisa varisanyana, ni vhinyo leyintshwa vanhwanyana.

Zakariya 9:15

Yehovha wa tinyimpi u ta va sirhelela, va ta dya [valala va vona], va kandziya maribye ya swipelupelu; va ta nwa, va huvela kukotisa loko ku nga hi vhinyo; va ta tala kukotisa nkambana wa magandzelo, kukota tinhla ta alitari.

Sofoniya 3:11

Esikwini lero, a ku nga ha khomiwi hi tingana hikwalaho ka swiendlo swa wena hinkwaswo leswi u ndzi hundzukeleke ha swona; hikuva kona ndzi ta susa lava titsakelaka eku tikukumuxeni ka vona exikarhi ka wena, kutani a ku nga ha tshami u tikukumuxa entshaveni ya mina leyi hlawulekeke.

Esaya 29:22

Hikwalaho Yehovha la kutsuleke Abrahama, u byela yindlu ya Yakobo, a ku: “Sweswi, Yakobo a nga ka a nga ha khomiwi hi tingana, kutani mombo wa yena wu nga ha tshami wu tshutshala.

Genesa 33:11

Wa nga amukela nhlengo wa mina lowu byisiweke eka wena, hikuva Xikwembu xi ndzi tatele tintswalo; a ndzi pfumari nchumu.” A n'wi sindzisa a kondza a amukela.

1 Timotiya 6:17

Byela vafuwi va nkarhi wa sweswi, leswaku va nga tshuki va tidzunisa, va nga tshuki va tshemba rifuwo leri nga tiyangiki, kambe va tshemba Xikwembu lexi hi nyikaka hinkwaswo hi ku rhandza ka xona, leswaku hi swi tsakela,

Esaya 55:2

Xana mi xavela yini hi mali, leswi swi nga riki vuswa xana? Xana mi tirhela yini, leswi nga xurhisiki xana? Ndzi yingiseni, mi ta dya leswo nandziha; mimoya ya n'wina yi ta titsakela endzalweni.

Risimu ra Tinsimu 5:1

Ndzi tile ensin'wini ya mina, oho makwerhu, muvutiwa wa mina! Ndzi hlengeletile mirha ya mina ni swinun'hwelo swa mina; Ndzi dyile xihlenga xa mina ni vulombe bya mina; Ndzi nwile vhinyo ya mina ni ntswamba wa mina. Dyanani, maxaka, nwanani, mi pyopya hi rirhandzu.

Swivuriso 13:25

Munhu wo lulama u dya a xurha swinene, Loko ma ri makhwiri ya lavo biha, ma twa ndlala.

Pisalema 116:7

Moya wa mina, tlhelela eku wiseni ka wena, Hikuva Yehovha u ku katekisile.

Pisalema 103:5

Hi yena la ku xurhisaka hi leswo nandziha eku dyuhaleni ka wena, Vuntshwa bya wena byi ko byi pfuxiwa kukotisa gama.

Pisalema 72:18

A ku khensiwe Yehovha, Xikwembu xa Israele, La endlaka swihlamariso a ri swakwe!

Pisalema 37:19

Va nga ka va nga vi na tingana enkarhini wa mahlomulo, Kambe va ta xurha emasikwini ya ndlala.

Pisalema 13:6

Mbilu yanga yi tsaka hi ku hlayiseka ka wena; Ndzi ta twarisa Yehovha, hikuva u ndzi endle swinene.

Nehemiya 9:25

Va teka miti ya rirhangu ni tiko leri noneke va fuwa tindlu leti teleke xuma xa tinxakaxaka hinkwato ni swihlovo leswi ceriweke, ni tivhinya ni mitlhwari, ni mirhi yo tala leyi vekaka mihandzu, va dya, va xurha va nona, kutani va hanya eku tsakeni hinkwako hi tintswalo ta wena letikulu.

Duteronoma 12:18

U ta dya swilo leswi emahlweni ka Yehovha, Xikwembu xa wena, exivandleni lexi Yehovha, Xikwembu xa wena, a nga ta xi hlawula, u ta dya u ri ni vana va wena va xinuna ni va xisati, ni malandza ya wena ya xinuna ni ya xisati, ni Valevhi lava nga emitini ya wena; u ta titsakela emahlweni ka Yehovha, Xikwembu xa wena, emitirhweni hinkwayo ya mavoko ya wena.

Duteronoma 12:12

Mi ta titsakela emahlweni ka Yehovha, n'wina ni vana va n'wina va xinuna ni va xisati, ni malandza ya n'wina ya xinuna ni ya xisati, ni Mulevhi la nga emitini ya n'wina, hikuva a nga nyikiwanga ku averiwa ni ndzhaka swin'we na n'wina.

Duteronoma 8:10

U ta dya u ko u xurha, kambe u ta khensa Yehovha, Xikwembu xa wena, hikwalaho ka tiko lerinene leri a ku nyikeke rona.

Levhitika 26:26

Kutakuloko ndzi mi tekerile vuswa bya n'wina, vasati va khume va ta mi swekela vuswa hi mbita yin'we va mi pimela vuswa bya n'wina hi mpimo; mi ta dya, kambe mi nga ka mi nga xurhi.

Mikiya 6:14

U ta dya, kambe u nga ka u nga xurhi, ndlala yi ta sala endzeni ka wena; u ta rhwala xuma kambe xi nga ka xi nga poni; lexi u nga xi ponisaka, ndzi ta xi nyiketa tlhari!

Duteronoma 11:15

Ndzi ta mirisa byanyi bya swifuwo swa wena enhoveni ya wena, kutani u ta dya, u xurha.

Pisalema 67:5

Matiko ma ta ku vonga, oho Xikwembu! Vamatiko hinkwavo va ta ku twarisa.

Levhitika 25:19

Misava yi ta humesa mihandzu ya yona, mi dya mi ko mi xurha, kutani mi ta aka eka yona mi nga chavi nchumu.