Yuwele 2:23 - Xitsonga (Bibele)

²³ Na n'wina vana va Siyoni, tsakani, mi tsaka ngopfu eka Yehovha, Xikwembu xa n'wina, hikuva u ta mi nyika hilaha ku fanelaka e timpfula letikulu, u ta mi nisela timpfula, timpfula ta rihunga, ni ta xirimo; hi wona masungulo.

BIBELE Mahungu Lamanene

²³ N'wina vanhu va Siyoni, tsakani, yimbelelani mi dzunisa HOSI Xikwembu xa n'wina, hikuva xi mi niserile mpfula yo ringana, xi lo mi chululela yona kunene; ku fana ni khale, mpfula leyo sungula yi nile, hambi yi ri leyo tsema nguva na yona yi nile.

Yuwele 2:23 Referans Kwoze

Vafilipiya 4:4

Titsakeleni eHosini hi masiku; ndzi tlhela ndzi vurisa sweswo, ndzi ri: Titsakelani.

Levhitika 26:4

ndzi ta mi nyika timpfula emikarhini ya tona; misava yi ta humesa swa yona, ni mirhi ya masimu yi ta veka mihandzu ya yona.

Hosiya 6:3

A hi tiveni Yehovha, a hi chivirikeni ku n'wi tiva! Ku humelela ka yena ku tiyile kukotisa vurhonga; u ta hi tela kukotisa mpfula, kukotisa mpfula ya xirimo leyi nonisaka misava.”

Duteronoma 11:14

ndzi ta nyika tiko ra n'wina mpfula hi nkarhi wa yona, ti ri timpfula leto sungula, ni leto hetelela; u ta tshovela koro ya wena, ni vhinyo ya wena ni mafurha ya wena.

Esaya 41:16

u ta swi hlela, moya wu va wu swi susa, kutani xihuhuri xi swi hangalasa; kambe wena u ta titsakela eka Yehovha, u ta tidzunisa eka Muhlawuleki wa Israele.

Pisalema 149:2

Israele a a tsakele muvumbi wa yena, Vana va Siyoni a va tsakele hosi ya vona!

Vafilipiya 3:1

Loko swi ri tano, vamakwerhu, titsakeleni eHosini, A ndzi karhali ku mi tsalela timhaka ti ri tin'we, hikuva mi tiyisiwa ha tona.

Zakariya 10:1

Kombelani mpfula eka Yehovha hi nkarhi wa timpfula ta xirimo! Yehovha u ta humesa tihati; kutani u ta va nyika mpfula ya dzonga, a nyika un'wana ni un'wana leswi milaka ensin'wini ya yena.

Pisalema 28:7

Yehovha i matimba ya mina ni xitlhangu xa mina; Mbilu ya mina yi titshembele yena kutani ndzi pfunekile; Mbilu ya mina yi tsakile hikwalaho, Kutani ndzi n'wi twarisa hi tinsimu ta mina.

Esaya 30:23

Enkarhini wolowo u ta nisela timbewu leti mi nga ta byala emasin'wini kutani swakudya swa tinhlampfu leti mirisiweke hi misava swi ta va leswi noneke leswi xurhisaka. Enkarhini wolowo mitlhambi ya n'wina yi ta dyela emadyelweni lama ahlameke.

Duteronoma 32:2

Dyondzo ya mina yi ta swama kukota mpfula, Rito ra mina ri ta xiririka kukotisa mberha; Kukota mpfula erihlazeni, Kukota mberha leyo tala ebyanyini!

Duteronoma 28:12

Yehovha u ta ku pfulela tilo, byi nga vukosi bya yena lebyinene, ku nyika misava ya wena mpfula hi nkarhi wa yona, ni ku katekisa mitirho hinkwayo ya mavoko ya wena. Matiko layo tala ma ta lomba eka wena, kambe wena u nga ka u nga lombi eka vona.

Vafilipiya 3:3

Hikuva hi hina hi nga ngoma leyinene, hina lava hi tirhelaka Xikwembu emoyeni, lava hi tidzunisaka ha Yesu Kriste, lava hi nga titshembiki enyameni.

Zakariya 10:7

Efrayimi u ta kota nhenha; timbilu ta vona ti ta tsaka kukotisa loko swa nga va nwile vhinyo. Vana va vona va ta swi vona, va tsaka; timbilu ta vona ti ta titsakela eka Yehovha.

Yeremiya 5:24

Kambe a va tilayi etimbilwini ta vona, va ku: ‘Hi fanele ku chava Yehovha, Xikwembu xa hina, la hi nyikaka, mpfula yo rhanga ni ya hlovo enkarhini wa yona, la hi hlayiselaka mavhiki lama vekiweke ya ku tshovela.’

Pisalema 104:34

Mianakanyo ya mina a yi n'wi tsakise! Ndzi ta endla Yehovha ku tsaka ka mina.

Yeremiya 3:3

Hikwalaho mpfula yi nga siveriwa, ni mpfula ya hlovo a yi vanga kona; kambe mombo wa wena i wa muoswi, a ku khomiwi hi tingana.

Esaya 61:10

Ndzi ta titsakela eka Yehovha, moya wanga wu ta titsakela eka Xikwembu xa mina; hikuva xi ndzi ambexile tinguvu ta ku hlayiseka, xi ndzi funengetile hi nkumba wa ku lulama kukotisa muvuti la tibombiseke hi musingasoro, kukotisa mutekiwa la tibombiseke hi ku saseka ka nsuku.

Esaya 30:21

Kutani tindleve ta wena ti ta twa rito endzhaku ka wena, ri ku: “Ndlela hi leyi, fambani ha yona,” mi nga yi hi ra xinene, kumbe hi ra ximatsi!

Swivuriso 16:15

Eku vonakaleni ka mombo wa hosi ku ni vutomi, Rirhandzu ra yena i papa leri nisaka mpfula ya le ndzhaku.

Pisalema 32:11

Titsakeleni ha Yehovha, mi va mi tsakisisa, n'wina va ku lulama! Yimbelelani hi ku tsaka, n'wina hinkwenu va timbilu to lulama!

Ntirho 33:23

Loko ntsumi yi ri kona leyi n'wi khongelelaka, Yi ri yin'we exikarhi ka khume ra madzana, Yi kombisa munhu ndlela leyi lulameke,

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Amosi 4:7

“Kambe, a ndzi mi tsonile mpfula, ka ha sele tin'hweti tinharhu mi nga si tshovela; ndzi nisela muti wun'wana, wun'wana ndzi nga wu niseri; nsimu yin'wana yi niseriwa, nsimu leyi nga niseriwangiki yi oma;

Swirilo 4:2

Vana va Siyoni lavanene Va ringanisiwe ni nsuku lowu lulameke, Va hlayiwile ku yini kukota makhuwana ya vumba, Yi nga mitirho ya mavoko ya muvumbi.

Zakariya 9:13

Hikuva ndzi ta konga Yuda kukota vurha, ndzi byi rhiya hi Efrayimi; ndzi ta pfuxa vana va wena, Siyoni, va pfukela vana va wena, Yavhani; ndzi ta ku endla u va ku kota fumu ra nhenha.

Timhaka 14:17

Hambiswiritano, a xi tipfumatanga vumbhoni, hi ku endlela vanhu swinene, ni ku hi nyika timpfula ta tilo ni tinguva ta ndzalo, xi hi andzisela ni swakudya, xi tata timbilu ta hina hi ku tsaka.”

Pisalema 84:6

Loko va hundza enkoveni wa Baka, Wu hundzuka xihlovo; Ni mpfula ya hlovo yi va funengeta hi ndzalo.

1 TIHOSI 8:36

Wena, yingisa u ri ematilweni, u rivalela malandza ya wena ni tiko ra wena ra Israele xidyoho xa vona, u va dyondzisa ndlela leyinene leyi va fanelaka ku famba ha yona, kutani u rhuma mpfula emisaveni leyi u yi nyikeke tiko ra wena ku va ndzhaka ya rona.

Ntirho 37:13

Yi nga va nhonga leyi xi baka misava ha yona, Kumbe xi nga humesa ha wona ku kateka ka xona.

Pisalema 147:8

U eneta tilo hi mapapa, u nisa mpfula emisaveni, U mirisa byanyi etintshaveni.

Ezekiele 34:26

Vona ni va le matlhelweni ya xintshabyana xa mina, ndzi ta va endlela ku kateka; ndzi ta nisa mpfula hi nkarhi wa yona; ku ta va ni ku tsakama ka ku kateka kona.