Yuwele 2:18 - Xitsonga (Bibele)

¹⁸ Yehovha u vavisekele misava, kutani u tsetselele tiko ra yena.

BIBELE Mahungu Lamanene

¹⁸ Kutani HOSI Xikwembu xi vavisekela tiko ra xona, xi twela vanhu va xona evusiwana.

Yuwele 2:18 Referans Kwoze

Zakariya 8:2

“Yehovha wa tinyimpi u ri: Ndzi vavisekela Siyoni, ndzi vaviseka hi ku vaviseka lokukulu.

Zakariya 1:14

“Ntsumi leyi vulavulaka na mina yi ndzi byela, yi ku: ‘Tlakusa rito, u ku: Yehovha wa tinyimpi u te: Ndzi ni ritsimbo lerikulu hikwalaho ka Yerusalema, na Siyoni;

Pisalema 103:13

Hi laha tatana a nga ni tintswalo eka vana va yena, Hi sweswo Yehovha u ni tintswalo eka lava n'wi chavaka.

Yakobo 5:11

Vonani, hi dzunisa ku kateka ka lava tiyiseleke loko va ri eku vavisekeni. Mi twile ku tiyisela ka Yobo, kutani mi vonile mahetelelo ya yena eHosini; hikuva Hosi yi tele tintswalo ni nsovo.

Swirilo 3:22

I tintswalo ta Yehovha leti ti endleke leswaku hi nga tshuki hi lova, Hikuva tintswalo ta yena a ti si hela;

Esaya 63:15

Languta u ri ematilweni, u vona u le ndlwini ya wena leyo kwetsima, leyo twala: Ku chivirika ka wena ku kwihi ni matimba ya wena? Ku tshuka ka marhumbu ya wena, ni tintswalo ta wena a swa ha tirhi ka mina.

Esaya 63:9

Eku karhatekeni ka vona, a a karhateka na yena, kutani ntsumi ya mombo wa yena yi va ponisile. Erirhandzwini ra yena ni le vuneneni bya yena, u va kutsurile a ri yena, u va seketerile, u va tlakurile emasikwini hinkwawo ya khale.

Luka 15:20

Kwalaho a pfuka, a ya eka tata wa yena. Kakuloko a ha ri ekule, tata wa yena a n'wi vona, a n'wi twela vusiwana; kutani a tsutsuma, a wela enhan'wini ya yena, a n'wi ntswontswa.

Yeremiya 31:20

“Xana Efrayimi i n'wana la rhandziwaka eka mina xana, kumbe n'wana loyi ndzi n'wi tsakelaka xana? Hikuva hi masiku loko ndzi n'wi vula, ndzi anakanya yena hi ku tlurisa; hikwalaho marhumbu ya mina ma pfumaka hikwalaho ka yena; kunene ndzi ta n'wi tsetselela, ku vula Yehovha.

Esaya 60:10

Vana va n'eni va ta aka rirhangu ra wena, kutani tihosi ta vona ti ta ku tirhela, hikuva evukarini bya mina ndzi ku bile, kambe etintswalweni ta mina, ndzi ku tsetselele.

Esaya 42:13

Yehovha wa huma tanihi nhenha, u pfuxa vukari bya yena tanihi munhu la yaka enyimpini, u tlakusa rito, u ba huwa, u kombisa matimba ya yena eka valala va yena.

Pisalema 103:17

Kambe nsovo wa Yehovha i wa mikarhi hinkwayo eka lava n'wi chavaka, Ni ku lulama ka yena ehenhla ka vana va vana va vona;

Vaavanyisi 10:16

Kwalaho, va tshika swikwembu swa matiko leswi ngi swi ri exikarhi ka vona, va tirhela Yehovha; Yehovha a tsetselela Vaisraele hikwalaho ka khombo ra vona.

Duteronoma 32:43

“N'wina matiko, yimbelelani hi ku tsaka kun'we ni tiko ra xona, Hikuva Xikwembu xi rihisela ngati ya malandza ya xona, Xi ta tirihisela ehenhla ka valala va xona Xi phahlela misava ya xona, ni tiko ra xona mhamba.”

Duteronoma 32:36

Hikuva Yehovha u ta avanyisa tiko ra yena, Kambe u ta tsetselela malandza ya yena. Loko a vona leswaku matimba ya vona ma herile, Ni leswaku ku nga sali la fuyiweke ni la nga fuyiwangiki.

Duteronoma 32:16

Va pfuxile vukwele bya xona hi swikwembu swin'wana, Va xi karihisile hi manyala.

Esaya 37:32

Hikuva nsalo wu ta huma eYerusalema, ni lava ponisiweke va ta huma entshaveni ya Siyoni. Swi ta endliwa hi ku hiseka ka Yehovha.

2 TIHOSI 19:31

Hikuva nsalo wu huma eYerusalema, ni lava ponisiweke va ta huma entshaveni ya Siyoni. Swi ta endliwa hi ku hiseka ka Yehovha.