Yuwele 2:13 - Xitsonga (Bibele)

¹³ Handzulani timbilu ta n'wina, ti nga ri tinguvu,” mi tlhelela eka Yehovha, Xikwembu xa n'wina, hikuva u ni tintswalo ni nsovo, wa hlwela ku kariha, u tele musa, wa vaviseka loko a vavisa munhu.

BIBELE Mahungu Lamanene

¹³ Handzulani timbilu ta n'wina, ku nga ri swiambalo. Tlhelelani eka HOSI Xikwembu xa n'wina, hikuva xa tsetselela, xi twela vusiwana, xi hlwela ku kariha, xi tele tintswalo, xa tlhela emakungwini ya xona ya ku twisa vanhu ku vava.

Yuwele 2:13 Referans Kwoze

Pisalema 86:15

Kambe wena, Yehovha, u Xikwembu lexi twelaka vusiwana, lexa tintswalo, La hlwelaka ku kariha, la teleke tintswalo ni vunene.

Pisalema 34:18

Yehovha u kusuhi ni lava nga ni timbilu leti tshovekeke, U ponisa va mimoya leyi khinyekeke.

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Mikiya 7:18

Hi xihi Xikwembu lexi fanaka na wena, lexi susaka ku homboloka, lexi khomelaka ku dyoha ka xisalela xa ndzhaka ya xona? A xi nga hlayisi ku kariha ka xona hi masiku, hikuva xi tsakela ku tsetselela.

Pisalema 86:5

Hikuva wena, Yehovha, u lonene, la rivalelaka; Tintswalo ta wena ti tala eka lava ku khongelaka.

Pisalema 103:8

Yehovha u ni tintswalo ni ku tsetselela, U hlwela ku kariha, u tele vunene.

Yonasi 4:2

Kutani a khongela Yehovha, a ku: “Yehovha, xana a hi leswi ndzi swi vuleke loko ndza ha ri etikweni ra rikwerhu xana? Hilaha ndzi hatliseke ku balekela eTarxixi, hikuva a ndzi tiva leswaku u Xikwembu xa nsovo, xa tintswalo, lexi hlwelaka ku kariha, lexi nga ni musa ngopfu, lexi tshikaka ku ba.

Esaya 66:2

Swilo leswi hinkwaswo, voko ra mina ri swi endlile kutani sweswo hinkwaswo swi humelele,” ku vula Yehovha. “Vona, loyi ndzi nga ta n'wi languta, hi loyi a titsongahataka, loyi mbilu ya yena yi nga leyi tshovekeke, ni loyi a rhurhumelaka hi rito ra mina.

2 SAMIELE 1:11

Kavaloko Davhida a handzula tinguvu ta yena, ni vanhu hinkwavo va yena va endlisa sweswo;

Varhoma 2:4

Kumbe u tsan'wa vunene, ni xivindzi, ni musa wa Xikwembu, u nga tsundzuki leswaku vunene bya xona byi ku byisela eku hundzukeni xana?

Pisalema 51:17

Magandzelo ya Xikwembu i moya lowu tshovekeke; Oho Xikwembu! A ku soli mbilu leyi tshovekeke, leyi nga enhlomulweni.

2 TIHOSI 22:19

Leswi mbilu ya wena yi oloveke, kutani u titsongahatile emahlweni ka Yehovha loko u yingisile leswi ndzi swi vuleke ehenhla ka ndhawu leyi, ni le henhla ka vaaki va yona, leswaku va ta herisiwa ni ku rhukaniwa, kutani leswi u handzuleke tinguvu ta wena, u ko u rila emahlweni ka mina, na mina ndzi yingisile, ku vula Yehovha.

Vaefesa 2:4

Kambe Xikwembu lexi teleke tintswalo, hikwalaho ka rirhandzu lerikulu ra xona, leri xi hi rhandzeke ha rona,

Pisalema 106:45

Kutani a tsundzuka ntwanano wa yena hikwalaho ka vona, A va tsetselela hikwalaho ka tintswalo ta yena letikulu.

Ntirho 1:20

Yobo a yima, a handzula tinguvu ta yena, a byewula nhloko, a tiwisa ehansi a khinsama, a ku:

Tinhlayo 14:18

‘Yehovha u hlwele ku kariha, u tele tintswalo, wa khomela nandzu ni ku dyoha; kambe xidyohi, a nga xi vuri la nga riki na nandzu, kutani a londza ku dyoha ka vatatana ehenhla ka vana va vona, ku fika erixakeni ra vunharhu ni ra vumune.’

Nehemiya 9:17

va ala ku twa, a va anakanyangi swihlamariso swa wena leswi u va endleleke swona, kambe va nonon'hwisa tinhamu ta vona, va tiarisa, va tivekela tihosi va ta tlhelela eku bohiweni ka vona. Kambe wena u Xikwembu lexi teleke ku rivalela ni tintswalo ni vunene, u hlwela ku kariha, u tele ku tsetselela, a ku va fularhelanga.

1 Timotiya 4:8

Hikuva ku titiyisa emirini swa pfunanyana; kambe vukhongeri byi pfuna hinkwako, byi ni ku tshembisa ka vutomi bya sweswi ni ka lebyi nga ta ta.

Nahume 1:3

Yehovha u lehe mbilu, i nkulu ngopfu, loko a landzulela munhu nandzu wa yena. Yehovha! ... Ndlela ya yena yi le xikarhi ka xidzedze ni ndhambi, mapapa i ntshuri wa milenge ya yena.

Ezekiele 9:4

a ku eka yena: “Tsemakanya exikarhi ka muti, exikarhi ka Yerusalema, u fungha emombyeni vanhu lava hlunameke, lava rilaka hikwalaho ka manyala hinkwawo lama endliwaka exikarhi ka vona.”

2 TIHOSI 6:30

Hosi, kuteloko yi twile marito ya wansati loyi, yi handzula tinguvu ta yona, kutani kakuloko yi hundza erirhangwini tiko ri vona leswaku yi ambele nguvu leyo khwaxa emirini, endzeni.

2 TIHOSI 5:7

Kuteloko hosi ya Israele yi hlayile papila, yi handzula tinguvu ta yona yi ku: “Xana ndzi Xikwembu lexi tivaka ku dlaya ni ku hanyisa, leswi loyi a rhumeke eka mina leswaku ndzi hanyisa munhu nhlokonho ya yena? Tivani, mi twisisa leswaku a ndzi lavela nandzu.”

1 TIHOSI 21:27

Akabu, kuteloko a yingisile marito lawa, a handzula tinguvu ta yena, a ambala nguvu yo khwaxa a titsona swakudya; a tilata a ri ni nguvu yo khwaxa, a famba khwatsi.

Genesa 37:34

Yakobo a handzula tinguvu ta yena, a titsimba hi saka lero khwaxa, a rila n'wana wa yena hi masiku layo tala.

Genesa 37:29

Kuteloko Rhuveni a tlhelela ekheleni, a kuma Yosefa a nga ha ri kona ekheleni.

Esaya 58:5

Xana hi kona ku titsona swakudya loku nga ndzi tsakisaka, siku munhu a tsongahatisaka moya wa yena ha rona xana? Ku korhamisa nhloko kukotisa rihlanga, ku tilata esakeni, ni le nkumeni, xana hi swona leswi u swi vulaka ku titsona swakudya-ke, siku leri tsakisaka Yehovha xana?

2 TIHOSI 22:11

Hosi, kuteloko yi twile marito ya buku ya nawu, yi handzula tinguvu ta yona.

Yeremiya 41:5

ku fika vanhu va Xikeme, ni va Xilo, ni va Samariya va 80, va byewurile malebvu, ni swiambalo swa vona swi handzukile va va va titlhavele miri, va tamele tinyiko, ni maakha, va swi tisa endlwini ya Yehovha.

Yeremiya 42:10

Loko mi tlhela mi aka etikweni leri, ndzi ta mi andzisa, ndzi nga ka ndzi nga mi lovisi; ndzi ta mi byala, ndzi nga ka ndzi nga mi yimbuli, hikuva ndzi tlherile eku biheni loku ndzi mi endleke kona.

Hosiya 14:1

Israele, tlhelela eka Yehovha, Xikwembu xa wena, hikuva u wile hikwalaho ka ku dyoha ka wena.

2 TIKRONIKA 6:27

wena, yingisa u ri etilweni, u rivalela malandza va wena ni tiko ra wena ra Israele swidyoho swa vona, hikuva u va dyondzisile ndlela leyinene leyi va faneleke ku famba ha yona, kutani u rhuma mpfula etikweni leri u ri nyikeke tiko ra wena ku va ndzhaka ya rona!

Yeremiya 36:7

Kumbe va ta veka xikhongelo xa vona emahlweni ka Yehovha, va hundzuka un'wana ni un'wana emikhuveni ya yena leyo biha, hikuva ku kariha ku kurile, na kona ku leva kukulu loku Yehovha a ku vuleke ehenhla ka tiko leri.”

Yonasi 3:9

Ku tiva mani? Kumbe Xikwembu xi ta hundzuka, xi tlhela evukarini bya ku hlundzuka ka xona, hi nga ti lova.”