Yuwele 2:12 - Xitsonga (Bibele)

¹² “Hambi ku ri namuntlha,” ku vula Yehovha, “vuyani eka mina hi timbilu ta n'wina hinkwato, mi titsona swakudya, mi rila, mi tiba swifuva.

BIBELE Mahungu Lamanene

¹² HOSI Xikwembu xi vula sweswo xi ri: “Hambi ku ri sweswi, mi nga ha vuyela eka mina hi timbilu ta n'wina hinkwato, mi titsona, mi rila mi khavaxela.”

Yuwele 2:12 Referans Kwoze

Hosiya 12:6

Yehovha i Xikwembu xa tinyimpi, Yehovha hi rona vito ra yena.

Yeremiya 4:1

“Israele, loko u nga hundzuka, loko u tlhelela eka mina, ku vula Yehovha, kutani u susa manyala ya wena emahlweni ka mina, u nga ka u nga ha tsendzeleki.

Hosiya 6:1

“Tanani, a hi tlheleleni eka Yehovha, hikuva hi yena la hi handzuleke, kambe u ta hi horisa; u tsemile, kambe u ta hi bohelela timbanga.

1 SAMIELE 7:6

Kavaloko va hlengeletana eMispa, kutani va ka mati, va ma halatela emahlweni ka Yehovha. Va titsona swakudya hi siku lero, va ku: “Hi dyohele Yehovha!” Kutani Samiele a avanyisa vana va Israele eMispa.

1 SAMIELE 7:3

Kavaloko Samiele a byela yindlu ya Israele hinkwayo, a ku: “Ku nga ku loko mi tlhelela eka Yehovha hi timbilu hinkwato ta n'wina, susani xikarhi ka n'wina swikwembu swimbe ni va Astarte, mi tiyisa timbilu ta n'wina eka Yehovha, mi tirhela yena ntsena; hi kona a nga ta mi ponisa emavokweni ya Vafilista.”

Timhaka 26:20

Kambe ndzi sungule ku ambela va Damaska, ni va Yerusalema, ni le tikweni hinkwaro ra Yudiya, ni le ka vamatiko, leswaku va hundzuka, va hundzukela eka Xikwembu, va tirha mitirho leyi fanekelaka ku hundzuka.

Hosiya 14:1

Israele, tlhelela eka Yehovha, Xikwembu xa wena, hikuva u wile hikwalaho ka ku dyoha ka wena.

Vaavanyisi 20:26

Kutani vana va Israele hinkwavo ni tiko hinkwaro, va tlhandlukela eBetele va karhi va rila, va yima kona emahlweni ka Yehovha, va titsonile swakudya hi siku rero, ku fikela madyambu, va humesela Yehovha magandzelo lama hisiwaka, ni magandzelo ya ku khensa.

Zakariya 7:3

ni ku vutisa vaprista va yindlu ya Yehovha wa tinyimpi ni vaprofeta, leswaku: “Xana ndza ha ta rila ni ku titsona swakudya hi n'hweti ya vuntlhanu tanihi leswi ndzi swi endleke hi malembe layo nghasi?”

Esaya 22:12

Hosi, Yehovha wa tinyimpi, u mi vitanele hi siku lero eku rileni ni ku tiba swifuva, ku byewula misisi ni ku ambala nguvu leyo khwaxa.

Zakariya 7:5

Leswi mi tshamaka mi titsona swakudya mi va mi rila hi n'hweti ya vuntlhanu, ni ya vuntlhanu na timbirhi, hi malembe walawo ya ntlhanu wa makume ni makume mambirhi, xana a mi titsonela mina-ke?

Estere 4:16

“Famba u ya hlengeleta Vayuda hinkwavo lava nga kona eXuxani; mi titsona swakudya ematshan'weni ya mina; mi nga tshuki mi dya, ni loko ku ri ku nwa hi masiku manharhu, vusiku ni nhlekanhi; na mina ni vanhwanyana va mina, hi ta titsona swakudya sweswo, ndzi ta nghena eka hosi, ni loko nawu wu nga pfumeri; hambi ndzi nga dlawa, a ndzi dlayiwe.”

Esaya 58:4

Vonani, mi titsona swakudya ku lwisana ni ku tengisana, ni ku banana hi swibakela swa tihanyi, a mi titsoni swakudya hilaha swi fanelaka siku lero, leswaku rito ra n'wina ri ta yingisiwa kwale henhla.

Yeremiya 4:2

Loko u hlambanya hi swinene, ni ku tiyisa, ni ku lulama u ku: ‘Yehovha wa hanya,’ matiko ma ta kateka ha yena, ma tidzunisa ha yena.”

Ezekiele 33:11

U nge eka vona: Ndza hanya, ku vula Hosi Yehovha, a ndzi tsakeri rifu ra mudyohi, kambe hileswaku a hundzuka endleleni ya yena kutani a hanya; hundzukani, mi hundzuka etindleleni ta n'wina leto biha, hikuva mi rhandza ku fa hikwalaho ka yini, n'wina yindlu ya Israele?

Daniele 9:3

Kutani ndzi tlakusa mahlo ya mina eka Hosi Xikwembu, ndzi tilunghisela ku khongela ni ku kombela hi ku titsona swakudya; ndzi funengele nguvu leyo khwaxa, ni nkuma.

Malakiya 1:9

‘Kutani sweswi, khongelani emahlweni ka Xikwembu, leswaku xi hi tsetselela!’ Mhaka leyo a yi endliwa hi n'wina. Xana u ta mi amukela xana? ku vula Yehovha wa mavandla.

Eksoda 33:5

Kambe Yehovha u byerile Muxe, a ku: “U nge eka vana va Israele: ‘Mi vanhu va tinhamu leti nonon'hwaka; loko ndzi famba na n'wina ku nga ri kungani, ndzi nga mi lovisa. Kutani sweswi, susa leswi u bombaka ha swona, ndzi ta tiva leswi ndzi nga ta swi endla.’ ”

Vaavanyisi 2:4

Kakuloko ntsumi ya Yehovha ya ha vulavula timhaka teto eka vana va Israele hinkwavo, tiko ri kolola hi ku rila.

2 SAMIELE 24:10

Kuteloko Davhida a hlayile tiko, ripfalo ra yena ri n'wi tlhava. Kutani Davhida a ku eka Yehovha: “Ndzi dyohile ngopfu eku endleni ka mina! Sweswi, oho Yehovha, wanga susa ku dyoha ka nandza wa wena, hikuva kunene ndzi hungukile.”

2 TIKRONIKA 6:27

wena, yingisa u ri etilweni, u rivalela malandza va wena ni tiko ra wena ra Israele swidyoho swa vona, hikuva u va dyondzisile ndlela leyinene leyi va faneleke ku famba ha yona, kutani u rhuma mpfula etikweni leri u ri nyikeke tiko ra wena ku va ndzhaka ya rona!

2 TIKRONIKA 30:6

Kutani vatsutsumi va ya etikweni hinkwaro ra Israele ni ra Yuda, va ri ni matsalwa ya hosi ni ya tindhuna ta yena, va vula hi ku lerisa ka hosi va ku: “Vana va Israele, tlhelani ka Yehovha, Xikwembu xa Abrahama, ni xa Isaka, ni xa Israele, kutani yena u ta tlhela eka lava poneke xikarhi ka n'wina emavokweni ya tihosi ta Asiriya.

Yeremiya 3:22

“Tlhelani, n'wina vana lava hambukeke, kutani ndzi ta horisa ku hambuka ka n'wina.” “Languta, ha ta eka wena hikuva u Yehovha, Xikwembu xa hina.

Yeremiya 36:7

Kumbe va ta veka xikhongelo xa vona emahlweni ka Yehovha, va hundzuka un'wana ni un'wana emikhuveni ya yena leyo biha, hikuva ku kariha ku kurile, na kona ku leva kukulu loku Yehovha a ku vuleke ehenhla ka tiko leri.”

Hosiya 12:7

Kambe loko u ri wena, tlhelela eka Yehovha, u hlayisa tintswalo ni ku lulama, u titshembela Xikwembu xa wena hi masiku.

Yuwele 1:13

N'wina vaprista, ambalani maxuka mi tiba swifuva! Rilani, n'wina lava mi tirhelaka alitari. Tanani mi tshama nivusiku, mi funengele maxuka, n'wina lava mi tirhelaka Xikwembu xa mina! Hikuva mihlengo ni magandzelo a swa ha fiki endlwini ya Xikwembu xa n'wina!