Yuwele 1:7 - Xitsonga (Bibele)

⁷ Ri onhile masimu ya mina ya vhinya, ri tshovile mikuwa yanga; ri swi phaphile, ri hangalasa makamba ehansi; marhavi ya swona ma tshama ma basile.

BIBELE Mahungu Lamanene

⁷ Va onhile masimu ya hina ya vhinya, ni mirhi ya hina ya minkuwa, va yi tsemelerile. Va kwamurile mahanti ya yona, va ma cukumetela ehansi, marhavi ya yona va ma kwalarisile.

Yuwele 1:7 Referans Kwoze

Amosi 4:9

“Ndzi bile mavele ya n'wina hi rivungu ni ku vuna; masimu ya n'wina layo tala ya mirhi ni ya vhinya, ni mikuwa ya n'wina, ni mitlhwari swi dyiwa hi tinjiya; hambiswiritano a mi tlhelelanga eka mina,” ku vula Yehovha.

Esaya 5:6

Ndzi ta yi endla fusi yi nga ha hlakuriwi, yi nga ha rimiwi, ku ta mila mitwa ni swigatlu ntsena; kutani ndzi ta lerisa mapapa leswaku ma nga ha tshami ma nisa mpfula ehenhla ka yona.

Yuwele 1:12

Vhinya yi ni gome, ni mikuwa ya vuna, ni mirhi hinkwayo ya nhova yi omile. Hikuva ku tsaka ku herile exikarhi ka vana va vanhu.

Habakuku 3:17

Hikuva nkuwa wu nga ka wu nga baleki, ni vhinya yi nga ka yi nga veki nchumu; mihandzu ya mutlhwari a yi nga ha vi kona, masimu ma nga ka ma nga humesi swakudya; tinyimpfu ti ta pfumaleka ematshangeni, a ku nga ha vi na tihomu eswitaleni.

Hosiya 2:12

Ndzi ta onha masimu ya yena ya vhinya ni ya makuwa, lawa a nga ku: ‘I hakelo leyi ndzi yi nyikiweke hi swigangu swa mina!’ Kambe ndzi ta ma hundzula xihlahla lexi nga ta dyiwa hi swiharhi swa le handle.

Yeremiya 8:13

“Ndzi ta va heta,” ku vula Yehovha, “leswaku ku ta pfumariwa mihandzu evhinyeni, ni loko ma ri makuwa enkuweni, ni matluka ma ta oma, kambe lexi ndzi va nyikeke xona xi ta va phonyomukela.”

Esaya 24:7

Vhinyo ya rila, murhi wa vhinya wa vuna; hinkwavo lava tsakeke va konya.

Pisalema 105:33

A ba tivhinya ta vona ni mikuwa ya vona, A tshovelela mirhi ya tiko ra vona.

Eksoda 10:15

Ti funengeta misava hinkwayo, kutani tiko ri phumela; ti dya hinkwaswo leswi milaka etikweni, ni mihandzu hinkwayo ya mirhi leyi nga pona xihangu; a ku salanga tlhuka emirhini, ni le ka leswi milaka emasin'wini, etikweni hinkwaro ra Egipta.

Eksoda 10:14

Tinjiya ti huma, ti tata tiko ra Egipta hinkwaro, ti eneta misava hinkwayo ya Egipta hi ku tala ka tona. A ku nga si va na tinjiya leto tano emikarhini ya khale, na swona ku nga ka ku nga ha vi na leto tano.

Esaya 32:12

Mi ta tiba swifuva hikwalaho ka masimu lama tsakisaka, hikwalaho ka tivhinya leti velekaka ngopfu!

Malakiya 3:11

Ndzi ta sivela xisingiri, xi nga ti mi onhela swakudya swa tiko, kutani vhinya yi nga ka yi nga tshiki mihandzu ya yona etikweni, ku vula Yehovha wa mavandla.