Yuwele 1:13 - Xitsonga (Bibele)

¹³ N'wina vaprista, ambalani maxuka mi tiba swifuva! Rilani, n'wina lava mi tirhelaka alitari. Tanani mi tshama nivusiku, mi funengele maxuka, n'wina lava mi tirhelaka Xikwembu xa mina! Hikuva mihlengo ni magandzelo a swa ha fiki endlwini ya Xikwembu xa n'wina!

BIBELE Mahungu Lamanene

¹³ N'wina vaprista, ambalani leswo khwaxa mi rila; banani nkalanga, n'wina vatirhi va le alitarini. Nghenani eTempeleni, mi rila vusiku hinkwabyo, n'wina mi tirhelaka Xikwembu xanga, hikuva mapa ya magandzelo ni vhinyo ya wona a swa ha yisiwi endlwini ya Xikwembu xa n'wina.

Yuwele 1:13 Referans Kwoze

Yeremiya 4:8

Hikwalaho mi tiboha swisuti hi nguvu leyi khwaxaka, mi rila, mi vovola; hikuva vukari lebyi hisaka bya Yehovha a byi hi tlhelelanga.

Yuwele 2:17

Ni vaprista lava tirhelaka Yehovha, a va be nkosi exikarhi ka rikupakupa ni alitari, va ku: “Oho! Yehovha, tsetselela tiko ra wena; u nga nyiketi ndzhaka ya wena eku soriweni, yi tseketseriwa hi vamatiko! Xana ku nga vuriwela yini exikarhi ka matiko, va ku: ‘Xi kwihi-ke, Xikwembu xa vona?’ ”

Ezekiele 7:18

Va ta ambala tinguvu leto khwaxa, ku chava ku va funengeta; tingana ti le mimombyeni ya vona, tinhloko ta vona ti byewuriwile.

Yeremiya 9:10

Ndzi ta tlakusa swirilo, ndzi vovola etintshaveni, ni le madyelweni ya mananga, hikuva ma hisiwile; a ka ha ri na munhu la hundzaka kona, kutani a ka ha twakari ku rila ka tihomu; tinyanyana ta matilo ni swiharhi swi balekile, swi fambile.

1 TIHOSI 21:27

Akabu, kuteloko a yingisile marito lawa, a handzula tinguvu ta yena, a ambala nguvu yo khwaxa a titsona swakudya; a tilata a ri ni nguvu yo khwaxa, a famba khwatsi.

2 Vakorinto 11:23

Xana i malandza ya Kriste? (Ndzi vulavula hi vuhunguki) ndza va tlula kwalaho; ndzi va tlula hi mitirho, ni timbanga ngopfu; ni le makhotsweni, ndzi le kule na vona; ni le eku feni, ku tele.

2 Vakorinto 6:4

kambe hi ri karhi hi tiyimela hinkwako, kukotisa malandza la ma lulameke ya Xikwembu: hi ku tiyisela lokukulu emaxangwini, ni le vusiwaneni,

2 Vakorinto 3:6

kambe matimba ya hina ma huma eka Xikwembu xi nga xona lexi hi nyikeke matimba ya ku tirhela ntwanano lowuntshwa, wu nga ri wa letere, kambe wu ri wa Moya; hikuva letere rona ra dlaya, kambe Moya wa hanyisa.

1 Vakorinto 9:13

Xana a mi swi tivi leswaku lava tirhaka leswi kwetsimaka, va dya leswo kwetsima, ni leswaku lava tirhaka ealitarini, va dya swa alitari xana?

1 Vakorinto 4:1

Loko swi ri tano, munhu un'wana ni un'wana wa hi tiva leswaku hi malandza ya Kriste, ni vahlavuteri va swihundla swa Xikwembu.

Esaya 61:6

Kambe n'wina, mi ta thyiwa vaprista va Yehovha, mi ta vuriwa malandza ya Xikwembu xa hina; mi ta dya rifuwo ra matiko, mi ta tidzunisa hi ku twala ka wona.

2 SAMIELE 12:16

Kambe Davhida a lava Xikwembu hikwalaho ka n'wana, a titsona swakudya, a nghena endlwini a tshama vusiku hinkwabyo a etlele hansi.

Tinhlayo 29:6

Mi ta swi humesa ehenhla ka holokosta ya n'weti ni nyiko ya yona, ni le henhla ka holokosta leyi nga heriki ni nyiko ya yona, ni vucheleto bya swona, hi nawu wa swona; i gandzelo leri hisiwaka hi ndzilo, leri nga ni risuna leri nun'hwelaka eka Yehovha.

Nhlavutelo 11:3

Kutani ndzi ta nyika timbhoni ta mina ha timbirhi ku profeta hi masiku ya khume ra madzana na madzana mambirhi, na ntlhanu wa makume, na khume rin'we 1 260, ti ambele masaka.”

Esaya 22:12

Hosi, Yehovha wa tinyimpi, u mi vitanele hi siku lero eku rileni ni ku tiba swifuva, ku byewula misisi ni ku ambala nguvu leyo khwaxa.

Ezekiele 21:12

Kutakuloko va ku eka wena: U hefemutekela yini? U ta ku: Ndzi hefemutekela timhaka leti taka; hikuva timbilu hinkwato ti ta n'oka, mavoko hinkwawo ma ta hela matimba, mimoya hinkwayo yi ta chava, ni matsolo hinkwawo ma ta hundzuka mati; vonani, timhaka ta ta, ti tile, ku vula Hosi Yehovha.”

Hosiya 9:5

Mi ta endla yini hi siku leri hlawulekeke, hi siku ra nkhuvo wa Yehovha xana?

Yuwele 2:14

Ku tiva mani xana kumbe a nga ka a nga tlheri a rivalela, ni ku siya endzhaku ka yena ku kateka, ni mihlengo, ni magandzelo lama humeseriwaka Yehovha Xikwembu xa n'wina?

Tinhlayo 28:4

U ta humesa xinyimpfana nimixo, ni xinyimpfana xin'wana nimadyambu;

Tinhlayo 28:7

Vucheleto bya rona byi ta va bya ku avanyisa ka vumune bya hini, swi ri swa xinyimpfana xo sungula: vuchelo bya vhinyo leyinene byi ta cheleriwa Yehovha evukwetsimelweni.

Tinhlayo 28:14

Vucheleto bya swona i hafu ya hini ya vhinyo hi nkunzi yin'wana ni yin'wana, ni ku avanyisa ka vunharhu bya hini hi khuna rin'wana ni rin'wana, ni ka avanyisa ka vumune ka hini hi xinyimpfana xin'wana ni xin'wana. Hi yona holokosta ya n'hweti yi va ya tin'hweti hinkwato ta Lembe.

Ezekiele 27:31

Va ta tiendla mimpandhla hikwalaho ka wena, va tiboha hi tinguvu leto khwaxa, va rilela wena hi ku vaviseka ka timbilu hi ku rila loku chavisaka.

Yuwele 2:12

“Hambi ku ri namuntlha,” ku vula Yehovha, “vuyani eka mina hi timbilu ta n'wina hinkwato, mi titsona swakudya, mi rila, mi tiba swifuva.