Yuwele 1:10 - Xitsonga (Bibele)

¹⁰ Tinhova ti onhiwile, misava yi le ku rileni, hikuva tikoro ti herisiwile, dzova ra Vhinyo ri phyile, ni mafurha ma omile.

BIBELE Mahungu Lamanene

¹⁰ Masimu ma onhiwile, misava ya kona yi le nkosini, hikuva mavele ma herisiwile, vhinyo a ya ha kumeki, ni mafurha ma nyamalala.

Yuwele 1:10 Referans Kwoze

Hosiya 4:3

Hikwalaho tiko ri ni swirilo, ni vanhu lava akeke eka rona va tsanile, kun'we ni swiharhi swa tiko ni tinyanyana ta matilo, swi tsandza ni tinhlampfi ta lwandle, ta lova.

Hosiya 9:2

Swivuya ni swikhuvutelo swi nga ka swi nga va xurhisi, ni vhinyo, yi ta kanganyisa ku langutela ka vona.

Yeremiya 12:11

Va yi onhile; yi rila emahlweni ka mina hikwalaho ka ku onha; tiko hinkwaro ri onhakile, hikuva a ku na munhu la ri anakanyaka embilwini ya yena.

Yuwele 1:5

Hanyanyani, swidakwa, mi kolola! Na n'wina hinkwenu, vanwi va vhinyo, rilelani dzova ra vhinyo leri vutliwaka enon'wini wa n'wina!

Hagayi 1:11

kambe ndzi vitane ku oma ehenhla ka tiko, ni le henhla ka tintshava, ni le henhla ka koro, ni le henhla ka vhinyo ni mafurha, ni le henhla ka hinkwaswo leswi vekiwaka hi tiko, ni le henhla ka vanhu, ni swiharhi ni le henhla ka ntirho hinkwawo wa mavoko.”

Yuwele 1:12

Vhinya yi ni gome, ni mikuwa ya vuna, ni mirhi hinkwayo ya nhova yi omile. Hikuva ku tsaka ku herile exikarhi ka vana va vanhu.

Yeremiya 48:33

Ku tsaka ni ku tsakisisa swi susiwile emasin'wini ni le tikweni ra Mowabu; ndzi herisile vhinyo exikhuvutweni a ka ha kandziwi hi tinsimu; i huwa, a ra ha ri risimu.

Yeremiya 12:4

Misava yi ta rila ku ri kungani xana, ni byanyi bya masimu hinkwawo byi ta oma ku yisa kwihi xana? Hikwalaho ka ku biha ka vaaki va rona, swiharhi ni tinyanyana swi herile, hikuva va ri: “A nga ka a nga voni ku hela ka hina.”

Esaya 24:11

Va rila emitsendzeleni hikuva ku hava vhinyo; ku tsaka ku tlhakile; mikhuvo ya tiko yi herile!

Levhitika 26:20

Matimba ya n'wina ma ta helela mahala, misava ya n'wina yi nga ka yi nga nyiki swa yona, ni mirhi ya misava yi nga ka yi nga veki mihandzu ya yona.

Genesa 4:12

Kutakuloko u rima misava, yi nga ka yi nga ha ku nyiki mihandzu ya yona; u ta va la pepetsekaka ni la fambafambaka emisaveni.”

Esaya 15:6

Hikuva mati ya Nimri ma phyile, hikuva nhova yi tshwile, byanyi bya rilambyana a bya ha ri kona, a ka ha ri na rihunga.

Esaya 24:7

Vhinyo ya rila, murhi wa vhinya wa vuna; hinkwavo lava tsakeke va konya.

Yuwele 2:19

Yehovha u hlamulele tiko ra yena, a ku: “Vonani ndzi ta mi rhumela koro, ni dzova ra vhinyo, ni mafurha, kutani mi ta xurha hi swona; a ndzi nga ha mi endli lava sandziwaka exikarhi ka matiko.

Habakuku 3:17

Hikuva nkuwa wu nga ka wu nga baleki, ni vhinya yi nga ka yi nga veki nchumu; mihandzu ya mutlhwari a yi nga ha vi kona, masimu ma nga ka ma nga humesi swakudya; tinyimpfu ti ta pfumaleka ematshangeni, a ku nga ha vi na tihomu eswitaleni.

Malakiya 2:3

Vonani, ndzi ta onha timbewu ta n'wina, ndzi hangalasa vulongo emimombyeni ya n'wina, byi nga vulongo bya swilo leswi tlhaveriwaka mikhuvo ya n'wina, kutani va ta mi cukumeta ehandle na byona.