Yuda 1:3 - Xitsonga (Bibele)

³ Varhandziwa, loko ndzi ri karhi ndzi chivirikela ku mi tsalela timhaka ta ku hlayiseka loku hi ku averiweke swin'we, a swi ndzi fanerile ku mi tsalela leswaku ndzi mi khongotela, ndzi ku: Mi lwela ku pfumela loku vakwetsimi va ku nyikiweke kan'we.

BIBELE Mahungu Lamanene

³ Varhandziwa, a ndzi navela ngopfu ku mi tsalela timhaka ta ku ponisiwa loku nga ka hina hinkwerhu, kambe ndzi kumile leswaku swa ndzi fanela ku mi tsalela ndzi mi khongotela ku lwela vupfumeri lebyi Xikwembu xi byi nyikeke vahlawuriwa va xona, kan'we swi hela kwalaho.

Testamente Leyimpsha Xichangana

³ Varhandziwa, aninavela ngopfu kumitsalela timhaka ta kuponisiwa lokunga ka hina hinkwerhu, kambe nikumile lesvaku svanifanela kumitsalela nimikhongotela kulwela vupfumeli lebzi Xikwembu xibzinyikeke kan'we vahlawuliwa va xona.

Yuda 1:3 Referans Kwoze

1 Timotiya 6:12

Lwana nyimpi leyinene ya ku pfumela, khoma vutomi lebyi nga heriki, lebyi u byi vitaneriweke, hilaha u nga tivula hakona hi ku tivula lokunene emahlweni ka timbhoni leto tala.

Vafilipiya 1:27

Ntsena, tifambeleni hi mukhuva lowu fanelaka Evhangeli ya Kriste, leswaku hambi ndzi ta mi vona, hambi ndzi nga ri kona, ndzi nga twa timhaka ta n'wina leswaku ma ha yima emoyeni wun'we, ni ku lwela swin'we ku pfumela ka Evhangeli hi mbilu yi ri yin'we,

Yuda 1:20

Kambe loko mi ri n'wina, varhandziwa, tiakeleni ehenhla ka ku pfumela ka n'wina loku kwetsimaka hi ku tlurisa, mi ri karhi mi khongela hi Moya lowo Kwetsima,

Nhlavutelo 12:11

Va n'wi hlurile hi ngati ya Xinyimpfana, ni rito ra vumbhoni bya vona, kutani a va rhandzangi vutomi bya vona, ku yisa eku feni.

Tito 1:4

Eka Tito, n'wananga wa xiviri eku pfumeleni loku hi nga na kona swin'we na wena; tintswalo, ni ku rhula, a swi ve na wena, swi huma eka Xikwembu Tatana, ni le ka Hosi Yesu Kriste, Mukutsuri wa hina.

Nhlavutelo 2:10

U nga chavi nchumu eka leswi u nga ta xanisiwa ha swona. Vona, Diyavulosi u ta nghenisa van'wana va n'wina ekhotsweni leswaku mi ringiwa kutani mi ta va ni nhlomulo wa masiku ya khume. U va u tshembeka ku yisa eku feni, kutani ndzi ta ku nyika harhi ya vutomi.

2 Timotiya 1:13

Tiyisela entileni wa timhaka ta ku hanyisa, leti u ti tweke eka mina, eku pfumeleni ni le rirhandzwini leri nga eka Yesu Kriste.

1 Timotiya 1:18

Timotiya, n'wananga, leswi ndzi ku khongotelaka swona, hileswaku, hilaha ku nga bvumbhiwa hakona eku sunguleni ehenhla ka wena, u lwa hakona ku lwa loko saseka,

Vagalatiya 2:5

kambe a hi pfumelanga ku tiveka ehansi ka vona ni siku ni rin'we, ntiyiso wa Evhangeli wu ta tshamisa eka n'wina wu tiyile.

Vaheveru 13:22

Kambe ndza mi khongotela, vamakwerhu, leswaku mi amukela swinene marito lawa ya ku khongotela, hikuva ndzi mi tsalerile hi marito ma nga ri mangani.

Timhaka 9:22

Kambe Sawulo a a ri karhi a nyikiwa matimba ngopfu, a hlula Vayuda lava akeke eDamaska, hi ku va kombisa leswaku Yesu i Kriste.

Esaya 45:22

Hundzulekani eka mina, mi va mi ponisiwa, n'wina hinkwenu va le emakun'wini ya misava, hikuva ndzi Xikwembu, ku hava xin'wana.

Duteronoma 9:10

kutani Yehovha u ndzi nyikile maribye lamambirhi lama tsariweke hi ritiho ra Xikwembu, ehenhla ka wona ku tsariwile marito hinkwawo lawa Xikwembu xi ni byeleke entshaveni, xi ri endzilweni, siku ra nhlengeletano.

1 Vatesalonika 2:2

kambe, hambi hi rhangile hi twisiwa ku vaviseka, hi xanisiwa eFilipiya, hilaha mi swi tivaka, hi vuya hi tiyisa matimba hi ku tshemba Xikwembu xa hina, ku mi byela Evhangeli exikarhi ka ku lwa lokukulu.

1 Vakorinto 15:3

Hikuva emahlweni ka swilo hinkwaswo, ndzi mi nyikile lexi: ndzi xi amukeleke na mina, hileswaku Yesu u fele swidyoho swa hina hilaha Matsalwa ma vulaka hakona,

Timhaka 4:12

Kutani a ku na ku hlayiseka ka un'wana, hikuva a ku na vito rimbe ehansi ka matilo, leri nyikiweke exikarhi ka vanhu, leri hi fanelaka ku hanyisiwa ha rona.”

Timhaka 18:28

hikuva a a hlula Vayuda erivaleni hi matimba lamakulu, a va kombisa hi Matsalwa leswaku Yesu hi yena Kriste.

Timhaka 17:3

A va hlamusela, ni ku va komba leswaku a swi fanela leswaku Kriste a twisiwa ku vaviseka, ni ku pfuka eku feni, kutani a ku: “Kriste loyi, hi yena Yesu yeloyi ndzi mi byelaka yena.”

Yuda 1:17

Kambe n'wina varhandziwa, anakanyani timhaka leti vuriweke eku sunguleni hi vaapostola va Hosi ya hina, Yesu Kriste;

2 Petro 1:1

Simoni Petro, nandza ni muapostola wa Yesu Kriste; Eka lava averiweke ku pfumela loku ringanaka ni ka hina hi ku saseka, eku lulameni ka Xikwembu xa hina, ni le ka Yesu Kriste, Muhlayisi wa hina:

1 Petro 5:12

Ndzi mi tsalele marito ma nga ri mangani ha Silvano loyi ndzi n'wi ringanisaka leswaku i makwerhu la tshembekeke, ndzi ri karhi ndzi mi khongotela, ni ku tiyisa vumbhoni leswaku tintswalo ta xiviri ta Xikwembu, hi toleto mi yimeke eka tona.

Vakolosa 1:2

Eka vamakwerhu lava nga eka Yesu Kriste, vakwetsimi ni vapfumeri lava nga eKolosa; Tintswalo ni ku rhula a swi ve na n'wina, swi huma eka Xikwembu Tatana, ni le ka Hosi Yesu Kriste.

Vafilipiya 1:1

Pawulo na Timotiya, malandza ya Yesu Kriste, Eka vakwetsimi hinkwavo lava nga eka Yesu Kriste, lava akeke eFilipiya ni ka varisi ni vadiyakoni va Kereke;

Vaefesa 1:1

Pawulo, muapostola wa Yesu Kriste hi ku rhandza ka Xikwembu; Eka vakwetsimi va le Efesa lava tiyiseleke eka Yesu Kriste;

Vagalatiya 6:11

Vonani maletere lamakulu lawa ndzi mi tsaleleke hi voko ra mina!

Timhaka 28:28

Tivani kwalaho leswaku ku hlayiseka ka Xikwembu ku rhumeriwile vamatiko, kutani vona va ta ku yingisa.”

Timhaka 20:27

hikuva a ndzi tshikanga ku mi byela makungu hinkwawo ya Xikwembu.

Yeremiya 9:3

“Va kongile tindzimi ta vona kukotisa vurha ku copa vunwa; kambe a hi hikwalaho ka ku lulama loko va ri ni matimba laha emisaveni, hikuva loko va huma eku dyoheni kun'wana, va hundzela eku dyoheni kun'wanyana, kutani a va ndzi tivi,” ku vula Yehovha.

Esaya 45:17

Israele u ponisiwe hi Yehovha hi ku pona loku nga heriki, a mi nga ha vi na tingana ni ku soriwa, hi laha ku nga heriki.

Vagalatiya 3:28

A ka ha ri na Muyuda hambi Mugriki; a ka ha ri na khumbi, ni loko a ri n'wana wa xitswalwa; a ka ha ri na wanuna, ni loko a ri wansati, hikuva hinkwenu mi un'we eka Yesu Kriste.

Nehemiya 13:25

Kutani ndzi va holovela, ndzi va rhukana, ndzi va ni van'wana, ndzi va hluva misisi, ndzi va hlambanyela hi Xikwembu, ndzi ku: “Mi nga nyika vana va n'wina eka vana va vona, mi nga teki vana va vona, na n'wina mi nga tekelani na vona.

Duteronoma 21:9

Kutani wena u ta susa ngati leyi pfumaleke nandzu exikarhi ka wena, hikuva u ta endla leswi lulameke emahlweni ka Yehovha.

Timhaka 6:7

Kutani rito ra Xikwembu ri ri karhi ri andza hi ku ya emahlweni, na vona vadyondzisiwa va andza ngopfu eYerusalema, ku pfumela ni vaprista lavo tala.

Timhaka 9:13

Kambe Ananiya a hlamula, a ku: “Hosi, ndzi twile hi lavo tala timhaka ta munhu yeloyi hilaha a tluriseke hi ku endla swo biha eka vahlawuriwa va wena eYerusalema.

Vaheveru 6:9

Kambe, loko mi ri n'wina, vamakwerhu, hambi hi vulavula sweswo, hi tshemba leswi tlulaka swoleswo hi ku saseka, leswi pfunaka ku hlayiseka ka n'wina.

2 Petro 2:21

Hikuva a swi sasekile eka vona loko va nga tivanga ndlela ya ku lulama, ku nga ri ku hambuka nawu lowu hlawuriweke, lowu va wu nyikiweke lowu va wu tiveke.

Yuda 1:1

Yuda, nandza wa Yesu Kriste, makwa Yakobo; Eka lava vitiweke va nga lava hlawuriweke hi Xikwembu Tatana, lava hlayisiwaka hi Yesu Kriste: