Yoxuwa 9:7 - Xitsonga (Bibele)

⁷ Kutani vanhu va Israele va ku eka Vahivhi lava: “Swimbe mi akile exikarhi ka hina, xana hi nga endlisa ku yini xinakulobye na n'wina xana?”

BIBELE Mahungu Lamanene

⁷ Kambe Vaisraele va hlamula Vahivhi lava va ku ka vona: “Kumbexana mi tshama kwala tikweni reri, kutani hi nga swi kotisa ku yini ku endla ntwanano na n'wina xana?”

Yoxuwa 9:7 Referans Kwoze

Yoxuwa 11:19

A ku vanga na muti wun'we lowu kombeleke ku rhula eka vana va Israele, loko va nga ri Vahivhi lava akeke eGibiyoni; va teka miti leyi hinkwayo hi ku lwa.

Vaavanyisi 2:2

A ndzi ku: ‘Na n'wina mi nga ka mi nga endli ntwanano ni lava akeke etikweni leri, kambe mi mbundzuxa tialitari ta vona.’ Kambe a mi yingisangi rito ra mina. Mi endlele yini sweswo xana?

Yoxuwa 9:1

Kuteloko tihosi hinkwato leti nga haleno ka Yordani entshaveni, ni le tikweni leri nga ehansi ni le ribuwini hinkwaro ra Lwandle Lerikulu, laha ku langutaneke na Lebanoni, Vahiti, ni Vaamori, ni Vakanana, ni Vaperesi, ni Vahivhi, ni Vayebusi, loko va twile timhaka teto,

Duteronoma 20:16

Loko yi ri miti ya matiko lawa Yehovha, Xikwembu xa wena, a ku nyikaka wona leswaku yi va ndzhaka ya wena, u nga tshuki u tshika munhu ni un'we a hanya.

Tinhlayo 33:52

mi ta hlongola emahlweni ka n'wina vaaki hinkwavo va tiko, mi onha swifaniso hinkwaswo swa vona, mi heta swifaniso hinkwaswo swa vona leswi chuluriweke; mi hlanhla swivandla swa vona hinkwaswo leswi tlakukeke.

Eksoda 34:12

Chava ku endla ntwanano ni lava akeke etikweni leri u nga ta fika eka rona, va nga ti tshuka va hundzuka ntlhamu exikarhi ka wena.

Eksoda 3:8

ndzi xikele ku ta va kutsula emavokweni ya Vaegipta, ni ku va humesa etikweni lero, ndzi va yisa etikweni lerikulu, lero saseka, etikweni ra ntswamba ni vulombe, evutshan'weni bya Vakanana, ni Vahiti, ni Vaamori, ni Vaperesi, ni Vahivhi, ni Vayebusi.

Genesa 34:2

Kutani Xikeme, n'wana Hamoro, wa Muhivhi, hosi ya tiko, a n'wi vona, a n'wi khoma, a etlela na yena, a n'wi onha.

Genesa 10:17

na Vahivhi na Vaariki na Vasini,

Vaavanyisi 3:3

I tihosi ta ntlhanu ta Vafilista, ni Vakanana hinkwavo, ni Vasidoni ni Vahivhi, lava akeke entshaveni ya Lebanoni, ku sukela entshaveni ya Baala-Hermoni ku yisa eHamata.

Eksoda 23:22

“Kambe loko u yingisa rito ra yona, u endla hinkwaswo leswi ndzi nga ta ku byela swona, ndzi ta va nala eka valala va wena, ndzi ku lwela eka lava ku pfukaka.

2 SAMIELE 24:7

Kutani va fika emutini wa makhokholo wa Tiri, ni le mitini hinkwayo ya Vahivhi ni ya Vakanana, va ya huma edzongeni ka Yuda, eBerexeba.