Yoxuwa 9:24 - Xitsonga (Bibele)

²⁴ Va hlamula, va ku eka Yoxuwa: “Makhumbi ya wena ma byeriwile leswaku Yehovha, Xikwembu xa wena, xi lerisile Muxe, nandza wa xona, ku mi nyika tiko hinkwaro ni ku heta emahlweni ka n'wina vaaki hinkwavo va tiko; sweswo hi chavile ngopfu hikwalaho ka vutomi bya hina, emahlweni ka n'wina, kutani hi endlile sweswo.

BIBELE Mahungu Lamanene

²⁴ Va hlamula Yoxuwa va ku ka yena: “Hina malandza ya wena hi endlile swilo leswi hikuva hi twile leswaku hakunene HOSI Xikwembu xa n'wina xi lerisile Muxe nandza wa xona leswaku a mi nyika tiko hinkwaro, ni ku herisa vaaki va rona va suka emahlweni ka n'wina. Kutani hi chavile swinene hi ehleketa leswaku mi nga hi dlaya.

Yoxuwa 9:24 Referans Kwoze

Matewu 10:28

“Mi nga tshuki mi chava lava dlayaka miri, kambe va hava matimba yo dlaya moya; kambe chavani loyi a nga ni matimba yo lovisa miri ni moya wa munhu etiheleni.

Ntirho 2:4

Satana a hlamula a ku eka Yehovha: “Dzovo ri ringana ni dzovo! Hinkwaswo leswi munhu a nga na swona, a nga swi humesela vutomi bya yena.

Yoxuwa 9:9

Va ku eka yena: “Malandza ya wena ma sukile etikweni leri nga ekule swinene hikwalaho ka vito ra Yehovha, Xikwembu xa wena, hikuva hi yingisile ntwalo wa yena, ni hinkwaswo leswi a swi endleke eEgipta,

Yoxuwa 2:9

a ku eka vona: “Ndza swi tiva leswaku Yehovha u mi nyikile tiko leri, hikuva nchavo lowu mi wu pfuxeke wu hi wele ehenhla, kutani vaaki hinkwavo va tiko va hele timbilu emahlweni ka n'wina.

Yoxuwa 2:11

Hi swi yingisile, kutani timbilu ta hina ti n'okile; a ku nga ha vi na ku tiya eka hina emahlweni ka n'wina: hikuva i Yehovha, Xikwembu xa n'wina, lexi nga Xikwembu le henhla ematilweni, ni la hansi emisaveni.

Yoxuwa 6:21

Va yirisa hinkwaswo leswi nga emutini, vavanuna ni vavasati ni lavantshwa, ni va khale, ni tihomu, ni tinyimpfu ni timbhongolo, va swi dlaya hi matlhari.

Yoxuwa 10:2

a chava ngopfungopfu, hikuva Gibiyoni a wu ri muti lowukulu, kukotisa muti wa tihosi, wu tlula Ayi, kambe vavanuna va wona a ti ri tinhenha.