Yoxuwa 9:1 - Xitsonga (Bibele)

¹ Kuteloko tihosi hinkwato leti nga haleno ka Yordani entshaveni, ni le tikweni leri nga ehansi ni le ribuwini hinkwaro ra Lwandle Lerikulu, laha ku langutaneke na Lebanoni, Vahiti, ni Vaamori, ni Vakanana, ni Vaperesi, ni Vahivhi, ni Vayebusi, loko va twile timhaka teto,

BIBELE Mahungu Lamanene

¹ Timhaka leti ti fikile etindleveni ta tihosi hinkwato ta Vahiti, ni Vaamori, ni Vakanana, ni Vaperesi, ni Vahivhi ni Vayebusi, leti a ti tshama emagangeni ni le timbaleni hi tlhelo ra vupeladyambu bya nambu wa Yordani, ku lulama ni Lwandle ra Mediteraniya ku ya fika etintshaveni ta Lebanoni.

Yoxuwa 9:1 Referans Kwoze

Tinhlayo 34:6

“Ndzilakana wa n'wina wa vupeladyambu ri ta va Lwandle Lerikulu: hi wona ndzilakana wa n'wina wa vupeladyambu.

Eksoda 3:17

kutani ndzi ku: ‘Ndzi ta mi kutsula enhlomulweni wa n'wina wa Egipta, ndzi mi akisa etikweni ra Vakanana ni ra Vahiti, ni ra Vaamori, ni ra Vaperesi, ni ra Vahivhi, ni ra Vayebusi, etikweni ra ntswamba ni vulombe.’

Yoxuwa 3:10

Kutani Yoxuwa a ku: “Mi ta tiva hi lexi, leswaku ku ni Xikwembu lexi hanyaka exikarhi ka n'wina, ni leswaku xi ta hlongola kunene emahlweni ka n'wina Vakanana, ni Vahiti, ni Vahivhi, ni Vaperesi, ni Vagirigaxi, ni Vaamori, ni Vayebusi.

Eksoda 23:23

“Hikuva ntsumi ya mina yi ta ku rhangela emahlweni, yi ku nghenisa etikweni ra Vaamori, ni ra Vahiti, ni ra Vaperesi, ni ra Vakanana, ni ra Vahivhi, ni ra Vayebusi, kutani ndzi va heta.

Yoxuwa 24:11

“ ‘Kutani mi perile Yordani, mi ya fika eYeriko. Vini va Yeriko, ni Vaamori, ni Vaperesi, ni Vakanana ni Vahiti ni Vagirigaxi, ni Vahivhi, ni Vayebusi va lwile na n'wina, kambe ndzi va nyiketile emavokweni ya n'wina.

Yoxuwa 23:4

Vonani, ndzi mi averile hi vuhlolotwana matiko lama saleke ku suka eYordani, ni matiko hinkwawo lawa ndzi ma heriseke ku fika eLwandle Lerikulu, evupeladyambu, leswaku yi va ndzhaka ya n'wina hi tinxaka ta n'wina.

Yoxuwa 22:7

Muxe a a nyikile hafu ya nyimba ya Manase tikwanyana eBaxani, kambe Yoxuwa a a nyikile hafu yin'wana ya nyimba ya Manase, tikwanyana halenu ka Yordani, evupeladyambu; kakuloko Yoxuwa a va rhumela emitsongeni ya vona, a va katekisa,

Yoxuwa 22:4

Sweswi, Yehovha, Xikwembu xa n'wina, u nyikile vamakwenu ku wisa hilaha a va byeleke hakona: kutani sweswi, tlhelelani mi timukela emitsongeni ya n'wina, etikweni ra rifuwo ra n'wina, leri Muxe, nandza wa Yehovha, a mi nyikeke rona ehase ka Yordani.

Yoxuwa 15:12

Ndzilakana wa le vupeladyambu i Lwandle Lerikulu. Hi yona mindzilekana ya vana va Yuda ematlhelweni hinkwavo, hi tindlu ta vona.

Yoxuwa 13:5

ni tiko hinkwaro ra Vagebali, na Lebanoni hinkwayo evuxeni, ku suka eBaali-Gadi, ehansi ka ntshava ya Hermoni, ku fika enyangweni ya Hamata;

Yoxuwa 11:17

ku suka entshaveni ya Ripalo leyi yimeke etlhelo ra Seyira, ku fika eBaali-Gadi, enkoveni wa Lebanoni, ehansi ka ntshava ya Hermoni; a khoma tihosi hinkwato ta kona, a ti dlaya.

Yoxuwa 10:23

Va endlisa sweswo, va ya n'wi humesela ebakweni tihosi leti ta ntlhanu, hosi ya Yerusalema, ni hosi ya Hebroni, ni hosi ya Yaramutu, ni hosi ya Lakixi, ni hosi ya Egiloni.

Yoxuwa 5:1

Tihosi ta Vaamori leti nga evupeladyambu ka Yordani, ni tihosi hinkwato ta Vakanana leti nga eribuwini ra lwandle, kuteloko ti twile leswaku Yehovha a omisile mati ya Yordani emahlweni ka vana va Israele va ko va pela, timbilu ta tona ti nyuka, ti tsemeka mihlana emahlweni ka vana va Israele.

Yoxuwa 3:17

Vaprista lava rhwalaka areka ya ntwanano wa Yehovha, va yima va tiyile hi milenge laha ku omeke exikarhi ka Yordani, kutani Vaisraele hinkwavo va famba laha ku omeke, vaprista va yima kona, tiko hinkwaro ri ko ri heta ku pela Yordani.

Yoxuwa 1:15

Yehovha a kondza a nyika vamakwenu ku wisa kukotisa n'wina; kutani na vona va ta nghena etikweni leri Yehovha, Xikwembu xa n'wina, a va nyikaka rona ku ri fuma; hi kona mi nga ta tlhelela etikweni leri nga ra n'wina, kutani mi ta ri fuma, ri ri tiko leri Muxe, nandza wa Yehovha, a mi nyikeke rona ehase ka Yordani, evuxeni.”

Yoxuwa 1:4

ku sukela emananga na Lebanoni loyi, ku fika enambyeni lowukulu, enambyeni wa Yufrata, ri nga tiko hinkwaro ra Vahiti, ni ku fika eLwandle Lerikulu evupeladyambu, ri ta va tiko ra n'wina.

Duteronoma 7:1

“Kutakuloko Yehovha, Xikwembu xa wena, a ku nghenisile etikweni leri u yaka eka rona ku ri fuma, ni loko xi hlongorile emahlweni ka wena matiko layo tala, va nga Vahiti, ni Vagirigaxi, ni Vaamori, ni Vakanana, ni Vaperesi, ni Vahivhi, ni Vayebusi, ma nga matiko lama ku tlulaka hi ku tala ni matimba,

Duteronoma 4:49

ni rivala hinkwaro ehase ka Yordani, evuxeni, ku ya fika eLwandle ra Mananga, ehansi ka Pisga.

Duteronoma 3:25

Wa nga ndzi pfumelela ku hundza ndzi ta vona tiko lerinene leri nga emahlweni ka Yordani, ni ntshava leyinene ya Lebanoni.’

Eksoda 34:11

“Hlayisa lexi ndzi ku lerisaka xona namuntlha. Ndzi ta hlongola emahlweni ka wena, Vaamori, ni Vakanana ni Vahiti, ni Vaperesi, ni Vahivhi, ni Vayebusi.

Eksoda 23:31

Ndzi ta veka mindzilekana ya wena ku suka eLwandle-ro-Tshwuka, ku fika elwandle ra Vafilista, ni ku suka emananga ku fika enambyeni hikuva ndzi ta mi hlulela vaaki va tiko leri, mi ta va hlongorisa emahlweni ka n'wina.

Tinhlayo 13:29

Vaamaleke va akile edzongeni; Vahiti, ni Vayebusi, ni Vaamori va akile etintshaveni, Vakanana va akile ekusuhi ni lwandle, ni le ribuwini ra Yordani.”

Yoxuwa 6:27

Yehovha a a ri na Yoxuwa, kutani ku twala ka yena a ku hangalaka etikweni hinkwaro.

Yoxuwa 9:7

Kutani vanhu va Israele va ku eka Vahivhi lava: “Swimbe mi akile exikarhi ka hina, xana hi nga endlisa ku yini xinakulobye na n'wina xana?”

Duteronoma 1:7

Hundzukani, mi suka, mi ya nghena entshaveni ya Vaamori ni ka hinkwavo lava akeke kona, mi ya enkoveni, ni le ntshaveni, ni le rivaleni, leri nga ehansi, ni le dzongeni, ni le ribuwini ra lwandle, etikweni ra Vakanana, na Lebanoni, ku ya fika enambyeni lowukulu, enambyeni wa Yufrata.

2 SAMIELE 24:7

Kutani va fika emutini wa makhokholo wa Tiri, ni le mitini hinkwayo ya Vahivhi ni ya Vakanana, va ya huma edzongeni ka Yuda, eBerexeba.