Yoxuwa 8:6 - Xitsonga (Bibele)

⁶ Kutani va ta huma va hi landza, hi ko hi va kokela ekule ni muti; hikuva va ta ku: ‘Va hi balekela kukotisa leswo sungula.’ Sweswo hi ta baleka emahlweni ka vona.

BIBELE Mahungu Lamanene

⁶ Kutani va ta huma va hi hlongorisa, ku kondza hi va humesa emutini, hikuva va ta ku: ‘Va hi tsutsuma ku fana ni le ku sunguleni.’ Hi ta suka hi va tsutsuma hi mukhuva wolowo,

Yoxuwa 8:6 Referans Kwoze

Eklesiasta 9:12

Hikuva munhu a nga tivi nkarhi wa yena, kukota tinhlampfi leti phasiwaka hi rikoka, ni tinyanyana leti phasiwaka hi mitlhamu; vana va vanhu va phasisiwa sweswo na vona, hi nkarhi wa khombo, loko ri va wela hi xipuku.

Eklesiasta 8:11

Kutani, hikuva ku avanyisa loku avanyisaka mitirho hinkwayo leyo homboloka ku nga hatlisi ku humelela, hikwalaho-ke timbilu ta vana va vanhu ti teleke ku navela ku endla swo biha.

Vaavanyisi 20:32

Kutani vana va Benjamini va ku: “Va hluriwa emahlweni ka hina kukotisa eku sunguleni.” Kasi vana va Israele a va te: “A hi balekeni hi ta va kokela etindleleni ekule ni muti.”

Eksoda 15:9

Nala u te: ‘Ndzi ta hlongorisa ndzi khoma, ndzi phanga. Moya wa mina wu ta titsakela ha vona; Ndzi ta hlomula tlhari, ndzi va dlaya.’

Eksoda 14:3

Kutani Faro u ta vula hikwalaho ka vana va Israele a ku: ‘Va lahlekile xikarhi ka nhova; mananga ya va sivela.’

Yoxuwa 8:5

Loko ndzi ri mina ni tiko hinkwaro leri nga na mina, hi ta tshinela ekusuhi ni muti. Kutani, kutakuloko va huma ku ta hlangana na hina kukota leswo sungula, hi ta baleka emahlweni ka vona.

Yoxuwa 8:7

Loko mi ri n'wina, mi ta pfuka eku tumbeleni mi ta nghena emutini, kutani Yehovha Xikwembu xa n'wina, xi ta wu nyiketa emavokweni ya n'wina.