Yoxuwa 8:35 - Xitsonga (Bibele)

³⁵ A ku vanga na rito rin'we eka hinkwaswo leswi lerisiweke hi Muxe, leri nga hlayiwangiki hi Yoxuwa emahlweni ka nhlengeletano hinkwayo ya Israele, ni le mahlweni ka vavasati, ni vana ni valuveri, lava fambaka exikarhi ka vona.

BIBELE Mahungu Lamanene

³⁵ Yoxuwa a nga tlulanga hambi ri ri rito ni rin'we ra lawa Muxe a ma leriseke. Ú hlayerile ntshungu hinkwawo wa Vaisraele. Vavasati, ni vana, ni vanhu lava luveleke exikarhi ka Vaisraele, na vona a va ri kona.

Yoxuwa 8:35 Referans Kwoze

Duteronoma 31:12

Hlengeleta tiko, vavanuna, ni vavasati, ni vana, ni muluveri wa wena la nga emitini ya wena, va ta swi yingisa va ta dyondza ku chava Yehovha, Xikwembu xa n'wina, va chivirika ku hlayisa marito hinkwawo ya nawu lowu.

Nehemiya 8:2

Hi siku ro sungula ra n'hweti ya ntlhanu na timbirhi, Ezra, muprista, a tisa milawu emahlweni ka nhlengeletano ya vavanuna ni vavasati, ni hinkwavo lava ngi va kota ku twisisa.

Yeremiya 26:2

“Yehovha u vula, a ku: Famba, u yima erivaleni ra yindlu ya Yehovha, u byela va miti hinkwayo ya Yuda, lava nghenaka ku ya khinsama endlwini ya Yehovha marito hinkwawo lawa ndzi ku lerisaka ku va byela wona; u nga va fihleli rito, hambi ri ri rin'we.

Timhaka 21:5

Kambe loko hi hetile masiku walawo, hi suka, hi heleketiwa hi hinkwavo ku ya fika ehandle ka muti, va ri ni vavasati ni vana; kutani hi khinsama eribuwini, hi khongela.

Marka 10:14

Yesu, loko a swi vona, a kariha, a ku eka vona: “Tshikani vana va ta eka mina, mi nga tshuki mi va sivela, hikuva ku fuma ka Xikwembu i ka lava fanaka na vona.

Yuwele 2:16

Hlengeletani tiko mi endla nhlengeleto leyi hlawuriweke! Rhambani swikoxa, rhambani ni swihlangi, hambi swi ri leswi an'waka emaveleni! Loyi a ha ku tekaka nsati a a hume endlwini ya yena ni loyi a ha ku tekiwaka a hume ekamareni ya yena.

Ezra 10:1

Ezra a ku a ha khongela, a tivula, a ri karhi a rila, a khinsamile emahlweni ka yindlu ya Xikwembu, ku hlengeletana eka yena nhlengeleto leyikulu ngopfu, ya Vaisraele, vavanuna, ni vavasati, ni vana; kambe tiko ri rila hi ku vaviseka lokukulu.

Duteronoma 29:11

ni vana va n'wina, ni vasati va n'wina ni muluveri la nga emisaveni ya n'wina, ku sungula hi mupandzi wa tihunyi, ku yisa ka muki wa mati;

Timhaka 20:27

hikuva a ndzi tshikanga ku mi byela makungu hinkwawo ya Xikwembu.

Duteronoma 4:2

Mi nga tshuki mi engetela nchumu eka leswi ndzi mi lerisaka swona, kambe mi nga tshuki mi hunguta nchumu eka swona; mi ta hlayisa milawu ya Yehovha, Xikwembu xa n'wina, leyi ndzi mi lerisaka yona.

Eksoda 12:38

Kambe lavo tala va matiko va suka na vona, ni mitlhambi ya tinyimpfu ni tihomu leto tala ngopfungopfu.

Zakariya 8:23

“Yehovha wa tinyimpi u ri: Emasikwini lawa vavanuna va khume va tindzimi hinkwato ta matiko, va ta tikhomelela hi ndzungo wa nguvu ya Muyuda, va ku: ‘Hi ta ya na n'wina, hikuva hi twile leswaku Yehovha u na n'wina.’ ”

Duteronoma 29:9

Hlayisani-ke marito ya ntwanano lowu, mi endla ha wona leswaku mi kateka eku endleni hinkwako ka n'wina.

Duteronoma 29:10

“Mi yimile namuntlha emahlweni ka Yehovha, Xikwembu xa n'wina mi ri n'wina hinkwenu, ni tihosi ta tinyimba ta n'wina, ni vakulukumba va n'wina, ni tindhuna ta n'wina, ni vavanuna hinkwavo va Israele,

Nehemiya 8:3

A hlaya kona erivaleni laha emahlweni ka nyangwa ya Mati, a sungula nimixo ku ko ku fika nhlekanhi, emahlweni ka vavanuna ni vavasati ni lava nga ni ku twisisa, kutani tiko hinkwaro ri rhiya tindleve ku yingisa buku ya milawu.