Yoxuwa 8:33 - Xitsonga (Bibele)

³³ Kutani Vaisraele hinkwavo ni vakulukumba va vona, ni tindhuna ta vona, ni vaavanyisi va vona, va yima ematlhelweni mambirhi ya areka, va langutene ni vaprista ni Valevhi lava rhwalaka areka ya ntwanano wa Yehovha; valuveri va ri swin'we ni vanhu va tiko va ri hafu etlhelweni ra ntshava ya Gerizimi, ni hafu etlhelweni ra ntshava ya Ebali, hilaha Muxe, nandza wa Yehovha, a leriseke hakona ku katekisa tiko ra Israele eku sunguleni.

BIBELE Mahungu Lamanene

³³ Kutani vanhu va rixaka ra Israele ni lava luveleke exikarhi ka vona, swin'we ni vakulukumba, ni varhangeri ni vaavanyisi, va yima ematlhelo ka Areka emahlweni ka vaprista va ka Levhi lava rhwaleke Areka ya Ntwanano wa HOSI Xikwembu. Hafu ya vona a yi yimile yi languta ntshava ya Garizimi, kasi hafu leyin'wana a yi yimile yi languta ntshava ya Ebali, hilaha Muxe nandza wa HOSI Xikwembu a leriseke hakona eku sunguleni, leswaku Vaisraele va fanele ku katekisiwa.

Yoxuwa 8:33 Referans Kwoze

Duteronoma 11:29

Kutakuloko Yehovha, Xikwembu xa wena, xi ku nghenisile etikweni leri u yaka eka rona ku ri teka, u ta vula ku kateka entshaveni ya Gerizimi, ni ku rhukana entshaveni ya Ebali.

Duteronoma 31:12

Hlengeleta tiko, vavanuna, ni vavasati, ni vana, ni muluveri wa wena la nga emitini ya wena, va ta swi yingisa va ta dyondza ku chava Yehovha, Xikwembu xa n'wina, va chivirika ku hlayisa marito hinkwawo ya nawu lowu.

Duteronoma 31:9

Muxe a tsala nawu lowu, kutani a wu nyika vaprista, vana Valevhi, lava rhwalaka areka ya ntwanano wa Yehovha, ni hinkwavo vakulukumba va Israele.

Yoxuwa 24:1

Yoxuwa a hlengeleta tinyimba hinkwato ta Israele eXikeme, kutani a vitana vakulukumba va Vaisraele, ni tindhuna ta vona, ni vaavanyisi va vona, ni tindhuna ta nyimpi; va ta yima emahlweni ka Xikwembu.

Yoxuwa 4:18

Kuteloko vaprista lava rhwalaka areka ya ntwanano wa Yehovha va humile exikarhi ka Yordani, enkarhini lowu mikondzo ya vona yi suka yi kandziya laha ku omeke, mati ya Yordani ma tlhelela endhawini ya wona, ma huma kukotisa khale eribuwini hinkwako.

Yoxuwa 3:3

ti lerisa vunyingi ti ku: “Kutakuloko mi vona areka ya ntwanano wa Yehovha, Xikwembu xa n'wina, yi rhwariwa hi vaprista va Valevhi, mi ta suka laha mi goveke kona, mi famba endzhaku ka yona.

Duteronoma 31:25

a lerisa Valevhi lava, rhwalaka areka ya ntwanano wa Yehovha, a ku:

Tinhlayo 15:29

Wu ta va nawu wun'we eka vana va Israele ni ka muluveri la akeke exikarhi ka vona. Loko munhu a dyoha ku nga ri ha vomu, mi ta va ni nawu wun'we.

Tinhlayo 15:16

Wu ta va nawu wun'we, ni ku lerisa kun'we eka n'wina ni ka muluveri la luveleke eka n'wina.’ ”

Eksoda 12:49

Nawu wu ta va wun'we eka la tswariweke ekaya, ni le ka wamatiko la luveleke eka n'wina.”

Yoxuwa 23:2

Yoxuwa a hlengeleta Vaisraele hinkwavo, va ri vakulukumba va vona, ni tindhuna ta vona, ni vaavanyisi va vona, ni tindhuna ta nyimpi ya vona, a ku eka vona:

Yoxuwa 6:6

Kutani Yoxuwa, n'wana Nuni, a vitana vaprista, a ku eka vona: “Tlakulani areka ya ntwanano, kambe vaprista va 7 a va tamele tinanga ta 7 leti pfumaka emahlweni ka areka ya Yehovha.”

Yoxuwa 4:10

Vaprista lava rhwalaka areka va yimile exikarhi ka Yordani ku ko ku endliwa hinkwaswo leswi Yehovha a leriseke Yoxuwa ku byela tiko, hilaha Muxe a leriseke swilo hinkwaswo eka Yoxuwa, kutani tiko ri hatlisa ri pela.

Yoxuwa 3:14

Tiko ri huma emixaxeni ya rona ku ya pela Yordani, kutani vaprista lava rhwalaka areka ya ntwanano, va famba emahlweni ka tiko.

Levhitika 24:22

“Mi ta va ni nawu wun'we eka hinkwavo; wu ta va wun'we eka muluveri ni ka la tswariweke etikweni; hikuva hi mina Yehovha, Xikwembu xa n'wina.”

Yoxuwa 3:6

Kutani Yoxuwa a byela vaprista, a ku: “Tekani areka ya ntwanano, mi famba emahlweni ka tiko.” Kavaloko va tlakula areka ya ntwanano, kutani va famba emahlweni ka tiko.

Yohane 4:20

Vatata wa hina va gandzerile entshaveni leyi, kutani n'wina mi ku, xivandla lexi va fanelaka ku gandzela eka xona, i Yerusalema.”

Tinhlayo 15:15

Wu ta va nawu wun'we wa nhlengeletano, hi leswaku wa n'wina ni wa muluveri la akeke eka n'wina: i ku lerisa loku nga heriki ka vatukulu va n'wina; swi ta va xilo xin'we eka muluveri ni ka n'wina emahlweni ka Yehovha.