Yoxuwa 8:31 - Xitsonga (Bibele)

³¹ hilaha Muxe nandza wa Yehovha a leriseke vana va Israele hakona, hilaha ku tsariweke hakona ebukwini ya nawu wa Muxe; yi ri alitari ya maribye lama nga vatliwangiki hi nsimbhi. Va humesela Yehovha kona tiholokosta, ni magandzelo ya ku khensa.

BIBELE Mahungu Lamanene

³¹ ku landza leswi Muxe nandza wa HOSI Xikwembu a leriseke Vaisraele swona, hilaha swi tsariweke hakona eka Buku ya Nawu wa Muxe: “Alitari leyi akiweke hi maribye lama nga vatliwangiki, lama ku nga riki na munhu loyi a ma khumbeke hi mbatlo.” Kutani va humesela HOSI Xikwembu magandzelo lama hisiwaka ni ya xinakulobye ehenhla ka yona.

Yoxuwa 8:31 Referans Kwoze

2 TIKRONIKA 35:12

Kutani va veka etlhelweni tiholokosta, ku ti nyika eka mitlawa ya tindlu ta vatata wa vana va tiko, va ta ti humesela Yehovha, hilaha ku tsariweke hakona ebukwini ya Muxe va endlisa sweswo ni tihomu.

Yoxuwa 1:8

Buku ya nawu lowu, yi nga tshuki yi va kule ni nomu wa wena, kambe u yi anakanya vusiku ni nhlekanhi, u hiseka ku endla hinkwaswo leswi tsariweke kona, hi kona u nga ta kateka etindleleni ta wena, u ta tsaka.

Eksoda 24:5

Kutani a rhuma majaha ya vana va Israele ku endla magandzelo lama hisiwaka, ni magandzelo ya ku khensa Yehovha hi tinkunzi.

Eksoda 18:12

Kutani Yetro, mukon'wana wa Muxe, a tisela Yehovha mhamba ni magandzelo Aroni ni vakulukumba hinkwavo va Israele va ta dya vuswa ni mukon'wana wa Muxe emahlweni ka Xikwembu.

Matewu 12:26

Loko Satana a hlongola Satana, u tiavile hi le xikarhi a tilwisa; xana ku fuma ka yena ku nga tiyisa ku yini?

Nehemiya 13:1

Enkarhini wolowo ku hlayiwa buku ya Muxe, emahlweni ka tiko, va kuma ku tsariwile leswaku Vaamoni ni Vamowabu, va nga ka va nga ngheni enhlengeletanweni ya Xikwembu, ni siku ni rin'we,

Ezra 6:18

Kutani vaprista va vekiwa etinxaxeni ta vona, ni Valevhi emintlaweni ya vona ku tirha mitirho ya Xikwembu xa le Yerusalema, kukotisa leswi ku tsariweke ebukwini ya Muxe.

2 TIKRONIKA 25:4

kambe a nga dlayanga vana va vona, hikuva a endla hilaha ku tsariweke hakona enawini, ebukwini ya Muxe, laha Yehovha a leriseke kona, a ku: “Vatatana va nga tshuki va dlayeriwa vana, ni vana va nga tshuki va dlayeriwa vatatana; kambe un'wana ni un'wana u ta dlayeriwa xidyoho xa yena.”

2 TIHOSI 22:8

Kutani Hilkiya, muprista lonkulu, a ku eka Xafani, mutsari: “Ndzi kumile buku ya nawu endlwini ya Yehovha.” Hilkiya a nyika Xafani buku, kutani a yi hlaya.

2 TIHOSI 14:6

Kambe a nga dlayanga vana va vadlayi hilaha ku tsariweke hakona ebukwini ya nawu wa Muxe, laha Yehovha a leriseke, a ku: “Vatatana va nga tshuki va dlayeriwa vana, ni vana va nga tshuki va dlayeriwa vatatana, hikuva un'wana ni un'wana u ta dlayeriwa swidyoho swakwe.”

Duteronoma 27:2

“Siku mi nga ta pela Yordani, ku nghena etikweni leri Yehovha, Xikwembu xa wena, a ku nyikaka rona, u ta yimisa maribye lamakulu, u ma tota hi mhemba;

Duteronoma 27:8

U ta tsala emaribyeni lawa, marito hinkwawo ya nawu lowu; u ma tsala swinene.”